من منا لم يشاهد باب الحارة ..

من منا لم يرى (الأبضايات) كيف يتعاضدون مع بعضهم في مواجهة المحتل ومشاكلهم الداخليه..

من عقلية وحزم الزعيم أبو صالح

الى العقيد أبو شهاب .. الشجاع اللي مايهاب

شفنا أبو حاتم وفزعاته

وأبو عصام الشجاع الكريم

وشفنا أبو بشير الشهم اللي مايبخل على المحتاج

وغيرها من شخصيات المسلسل الشامي اللي أحيا روح النخوه والشجاعه واللحمه بين أهل الشام ضد (العواينييه) والخونة

المسلسل تم انتاج 5 أجزاء منه .. وكان كل جزء تزيد فيه كمية الطاقة الإيجابية الشجاعه ..

كل جزء كان يحيي في أهل الشام (المروة والعزه والكرامة..والطيبة والنخوة والشرف والكرامة)

كان يقول لأهل الشام .. إن الشخص مهما كان مقصر وخاين لازم مايرضى على أهل حارتة ..

شفنا الأحدعشري .. رغم سرقته وجريمته والخساسه اللي كان فيها .. إلا انه وقف مع أهله وقت ماحتاجوه وقاتل بجانبهم ومات بينهم

وشفنا أبو النار رغم العداء اللي كان فيه مع حارة الضبع .. إلا انه ماتأخر بالفزعه معهم يوم جاهم العدو المحتل

علمنا المسلسل إن (العواينيي راح ينهانو وينزلوو) وهذا اللي سووه أهل الحارة الشجعان (الزقرتييه) مع كل خاين مندس بينهم

باب الحارة يذكر أهل الشام انكم برجالكم وبنسائكم طردتو المحتل ووقفتو يد وحده ضد الخونه والمندسيين..

قدم (حريمات) باب الحارة عيالهم للشهادة في سبيل الشام .. وكانو يسوقون الصيحات فرحاً اذا وصلهم خبر استشهاد أحد عيالهم

مسلسل حكى لنا حكاية أهل الشام الشجعان .. اللي يرفضون الذل .. و مهما عاشو بالضيم والمذله الا انهم ينتفضون ويقضون عرش الظالم والمحتل

وعلى نفس حال باب الحارة كان كل من المسلسلات الشامية الأخرى ..

كلها تخبرنا عن أهل الشام وشجاعتهم ونخوتهم ومدى صمودهم..

والآن يا بشار الأسد انت تدفع ضريبة باب الحارة و أخوانه

نعم أهل الشام ينتفضون في واقعنا كما ذكرت لنا في مسلسلاتك الشامية

نعم أهل الشام يخبرونا بصدق ماذكرت بمسلسلاتك اللي اخرجها تلفزيونك

شفنا كيف إن أهل سوريا صابرين مثل أهل باب الحارة.. ماضرهم ولا أضعفهم لا التجويع ولا حتى خلع باب الحارة..

شفناهم يصيرون أقوى أقوى كل مايزيد ظلمهم..شفنا عدد ثوارهم يزيد ماينقص

شفناهم مثل ماشفنا شباب و ثوار الغوطة

الشام كلها صارت غوطة .. وشعبها كله ثوار

نعم رأينا أبو شهاب حقيقي.. رأينا معتز الزقرت..شفنا أبو عصام الوفي..شفنا أم جوزيف اللي ماتهاب..شفنا شباب أهل الحارة جميعم في شوارع سوريا

كلهم بصوت واحد يقولون “ الشعب يريد إسقاط النظام”

وجميعهم يقولون لك يابشار كما قال أبو شهاب لكل الأنذال “ شكلين مابحكي”

و الثورة اللي هذا رجالها لازم تنجح وصدقني شكلين مابيحكو

——–

الله ينصركم يا أهل الشام .. ويدحر الظالم  وتكون نهايتة على يدكم مثل ما كانت نهاية صطيف ومأمون بيك

 

فية ليبرالي متطرف .. وفيه محافظ متطرف .. وفيه متطرف في أغلب التيارات

وفيه أيضاً شخص لا يتبع لأي تيار .. ومتطرف أيضاً .. هذا اللي أسمية المستقل المتطرف

شلون يصير مستقل و متطرف؟ أنا أقولك

هذا طال عمرك يكره التبعيه ويحب الإستقلال برأية .. لكنه شطح حبتين .. بحيث صار كل ماشاف رأي أجمع عليه أغلبيه يعاندهم خوفاً انه يصير تابع لهم.. وخبركم هو يموت بالإستقلال..

• فتلقاه اذا الناس انتقدو وزارة العمل .. قال المشكله في الشباب مو في الوزارة ..واذا ثاني يوم مدحوها وعابو على الشباب (اللي هو رأيه في الأمس) تلقاه يقول لا.. خلونا نكون عقلانين..الوزارة هي المسؤول الأول
• الناس تشتكي من أمانة جدة وتحملهم المسؤولية في ضحايا السيول..تلقاه نقز ويقول لا محد ضرب الناس على يدها تسكن في مجرى السيل..واذا راح لمجلس ثاني ولقاهم يعيبون على الناس قال كيف تلومونهم؟؟ من اللي عطاهم  تصاريح البني من أساس؟؟
• تنتقد الظواهر والتقليعات الشبابيه .. قالك يا اخي هي حرية خاصه .. واذا قلت حرية خاصه قال لك لا هناك قيم وتقاليد يجب الحفاظ عليها ..

والأمثله تطول ..

طبعاً هناك فرق بين المستقل المتطرف .. وبين الشخص المدعو “عكس عكاس” .. فالأول دافعه هو حب الإستقلال وعدم اتباع القطيع كما يصفهم .. بينما الثاني اللي هو عكس عكاس ويحب يخالف الناس ويجادلهم هذا انسان بثر فاضي يستمتع بنرفزة الطرف الآخر ويتضايق اذا النقاش هادي لانهم متوافقين على الموضوع والنقطه المثاره فتلقاه يحب المعاند بدافع التسليه فقط ..

ورغم اختلاف دوافعهم الا انك تقدر ترد عليهم بنفس الإسلوب ..

بعد أن يثبت ان الشخص مستقل متطرف أو عكس عكاس .. فيجب أن يكون ردك عليه في أي اختلاف أو محاولة لبدء جدال بالجملة الشهيرة ..

صادق صادق .. معاك حق

انت بهالجمله تقطع عليه استقلاليته وبثارته وتجيب له الحارق وتغثه .. فـ مثل مافيه ثورة معاكسه .. هالجمله اسمها بثاره معاكسه

وياكثرهم في تويتر .. تلقاه كل ماشاف مجموعه يتكلمون بشي طب في النص وقام يخرب لمجرد التخريب .. وعادي تلقاه ثاني يوم يردد كلامهم اللي كان يعارضهم فيه..

التدوينة القادمة إن شاء الله أتكلم عن فئة ” الطقطقة ” وهي فئة تحب الوناسه على قفى الناس

————-

مصدر الصورة

الحلقه التاسعه من بودكاست حلم سعودي .. لها من اسمها نصيب

علقنا فيها عن نظام النشر الإلكتروني .. وقصة ماشي صح مع موقعه .. ومرينا على جائزة هديل .. وأعلنت عن أسماء الأشخاص اللي برشحهم وأتمنى فوزهم في جائزة هديل ..

بودكاست خفيف وسريع وأتمنى انه يعجبكم

للإستماع الى  البودكاست الرجاء التوجه الى موقع بودكاست حلم سعودي

أو

إشترك عن طريق الآي تونز