أبو سليمان وأبو صالح من شيبان ( بريده ) …
كانو يجلسون كعادتهم في مجلس ابو سليمان اللي على طرف الطريق …
ابو سليمان وخويه ابو صالح ناس من مسجدهم الى مجلس ابو سليمان
في أحد الأيام كان يسولف ابو سليمان على ابو صالح :-
ابو سليمان:يابو صالح الدنيا مدري وش صايرن فيها … العالم ماعاد عندها دين
ابو صالح : اي والله صادق يابو سليمان
ابو سليمان:الدين ماعاد هو موجود الا بالدول العربيه … ولا اللي باوروبا وبشرق آسيا ماعاد عندهم دين … ماغير فسق وفجور
ابو صالح : اي والله صادق يابو سليمان
ابو سليمان:وبيني وبينك يابو صالح … حتى ماهو كل الدول العربيه … عندك المغرب العربي ومصر والصومال … تراهم ماعادهم زي أول … أشوف كثر عندهم لبس البنطلون وطلعات البحر والسهر … والله ان كان بغيت الدين يابو صالح فتراه عندنا بالخليج وبس
ابو صالح : اي والله صادق يابو سليمان
ابو سليمان:والله بعد ماهو كل الخليج يابو صالح … أشوف الامارات والبحرين وقطر عندهم هالخمور منتشره والمراقص أعوذ بالله …. والله ان بغيت الدين تراه بالسعوديه والكويت وعمان واليمن
ابو صالح : اي والله صادق يابو سليمان
ابو سليمان:والله بعد ترى الكويت وعمان اليمن ماشوفهم زي أول … كثر فيهم الفسق والفجور والسينما وهاليمنيه ياكلون بذا “القات” … والله يابو صالح ان كانك بغيت الدين فتراه في السعوديه وبس
ابو صالح : اي والله صادق يابو سليمان
ابو سليمان:والله بعد ماهو كل السعوديه …. عندك هالشرقيه وجده فيهم ذا البحور وفيهم من ذا الطلعات الزايده اللي مالها سنع … وحريمهم بالسوق 24 ساعه …. وبالنسبه للشمال والجنوب فيها من ذا البدع اللي ما أنزل الله بها من سلطان … والله يابو صالح ان كان بغيت الدين … فتلقاه هنا عندنا بالقصيم
ابو صالح : اي والله صادق يابو سليمان
ابو سليمان: والله مع اني أشوف اهل عنيزه واهل القرى ماعادهم على خبري وخبرك يابو صالح … طاحو بذا التلفزيون وبذا الدش والعياذ بالله …. إن كانك بغيت الدين يابو صالح فتراه هنا عندنا “ببريده”
ابو صالح : اي والله صادق يابو سليمان
ابو سليمان: بس الزمن تغير العالم ماعادها زي قبل ذكر وعباده … أشوفهم مقصرين كثيررررررر …. والله ان كان بغيت الدين يابو سليمان تراه هنا( بحارتنا )
ابو صالح : اي والله صادق يابو سليمان
ابو سليمان: والله ماهم كل الحاره … الدين الصدق الصدق يابو صالح مانت لاقيه الا هنا في مجلسنا أنا وياك ولا باقي الأمه يالله سترك بس..
ابو صالح : اي والله صادق يابو سليمان
ابو سليمان: وان كانك بغيت الجد بعد يابو صالح
ابو صالح: خير يابو سليمان
ابو سليمان: صلاتك هاليومين ماهي عاجبتني !!!!
__________________________
القصه : فلكلور
السيناريو والحوار : إبراهيم
أبو سليمان : الشخص المعتز برأيه وبنظرته ومهمش للغير
أبو صالح: مثال للشخص الإمعه … وهم من يصدقون و يتبعون دون أن يسألون
مع إحترامي لكل المناطق التي ذكرتها …. مجرد أسامي لمدن ولشخصيات ….
 !
<strong>المحترف</strong> يهرب من النادي ( كالون ) مثال فقــــــــــــــــط !
<strong>المصانع</strong> تهرب من الصناعية إلى دبي (أكثر من 25 مصنع فقط إلى الآن ! )
<strong>الاستثمارات</strong> تهرب إلى الخارج ( 15 مليار سعودي مشاريع عقارية في إحدى دول الجوار ! )
5 آلاف <strong>طالب</strong> في الأردن وضعفهم في مصر وفي أمريكا مثلهم وما بين لندن واستراليا والهند ونيوزلندا في كم ألف !
و<strong> الشباب </strong>في أي إجازة حتى لو قصيرة هناك الهروب الكبير من كل مخارج المملكة بر وبحر وجو ولو في تحت الأرض كان رحنا ( أجازة العيد مثال شبه المستحيل تلقى على بيروت أو القاهرة أو دمشق أو الدار البيضاء ) !
حتى<strong> النفايات </strong>صارت تصدر( تهرب ) إلى الخارج !
والآن اسئل نفسي ليه يا ترى كل شئ في هالبلد يهرب منها!!!!
حتى <strong>أنا</strong> قمت أشيك على نفسي ليكون هربت وأنا ما أدري.
<strong>الكاتب : محمد القحطاني</strong>
- - - - - - -
من مواضيع الكاتب : <a href=&h=75&w=100&zc=1)
ههههههههههه عجبتني
طريفة ذات مغزى رائع
من المواضيع التي تستحق أن ترفع له القبعات : ) !
هههههههههههههههههههه
العجيب أن مثل هذه القصص ممكن تكون حقيقة
في أيام الجهاد الأفغاني كان البعض يتحاورون مع شخص عربي يقول بأن العالم كله لايوجد فيه مسلم إلا هو وأمه ويقول بأن امه اسلمت على يده !!!!
الغريب لماذا كان هذا الشخص العربي يقيم في افغانستان للجهاد !!يجاهد تحت راية من ؟!!!!!
اي والله انك صادق يأخ ابراهيم >>>لا يكون انا إمعة
تدوينة مميزه تستحق القراءة اكثر من مره
رائع
ولكن
((الخير في امتي الى يوم القيامه))
برافو …برافو ..
خطيييييييييرة ياابراهيم
ياليت تعمل تصنيف لابو سليمان وابو صالح
أقول وش فيك على شيبان بريدة؟؟
تراي أمزح..
وموضوع رائع تشكر عليه
الظاهر ان الدين غير موجود إلا في بيت ابوسليمان !!!!!
حوار رائع ومقنع من ناحية
لكن مهما يكن فعلينا عدم التعميم على منطقة أو مدينة
ففي النهاية
لدينا دين ، نعتز به ونحافظ عليه
ولو كره ابوسليمان لكن الواقع
ويعطيك ألف عافية
أسماء : نورتينا
——-
دبي : القبعات أزين من رفع العقل
——-
…
ماشي صح : هههههههههه أما أمه اسلمت على يده
——-
لورا لونا : هلا بك وان شاء الله انك مانتي من الإمعه
——
خوخه : كلامك صحيح والله يجيب الخير
——-
مي الأحمد : فكرة التصنيف ممتازه بس أتوقع انها تحتاج لجهد كبير وخيال واسع
——-
عمر : أحلى ناس بريده وشيبانها
——-
عابر سبيل : حياك الله أخوي
أخي إبراهيم : شكرا على الحوار
أنا من عادتي ما أعلق كثيرا في المدونات
لكنوجدت نفسي مضطر للتعليق هنا
أتمنى أن تصدر إصدارات كهذه
و لو تسويه صوتي يكووون ممتااز
كم أتمنى أن أجد إصدار صوتي
لأنه ما يمكن التعبير علن اللهجه القصيمية إلا بالصوت
و حتى ينتشر في الجوال و نروي أصحابنا
كم أتمنى أن تسوي إصدار صوتي (خالي من الموسيقى ) وصغير الحجم حتى يسهل التداول
بس لا تنس تخبرني بالبريد
بارك الله فيك
تدوينة رائعة, شكراً لك اخي الكريم..
[...] وبالأخير شكلي بقطك بعد معهم بالحفره وببقى لحالي .. وبسوي زي سالفة ابو سليمان [...]
يووووووه
..
التدوينة هذي جتني على الإيميل قبل سنتين تقريباً
توي أدري أنها بقلم الرائع ابراهيم القحطاني ..
بس حبيت أعلمك أن التدوينة الظاهر كل من جاته على الإيميل أخذها وملّح عليها شوي وشال الحقوق وحط اسمه وأرسل
ناس ماتستحي