اللي يعرفني بيلاحظ اني شخص قليل التغيير ..
يعني أطبق نظرية ” حطني تلقاني ”
عندي وفاء لممتلكاتي … سواء كان جوال أو نظاره أو ساعه أو طاقيه أو شماغ أو نبيطه … دام الشئ اللي معاي شغال وماشي حاله وماهو مأذيني ما احب أغيره أو أرميه .. يمكن البعض لما قرا سالفتي مع العسكري ظن اني الى الآن أملك جوال برج العرب .. طبعاً السالفه صارت لي قبل 7 سنوات … لكن لو ان الجوال ما مات .. كان الى الآن بتلقونه معي .. واللي معي الحين n70 وشاريه قبل ثلاث سنين تقريباً ولو انه هالأيام ماهو قاعد يخرف ويكحكح ولا ماني مغيره ..
والنظاره والساعه نفس الطريقه … وطبعاً هذا الشئ ناتج عن اني احب احافظ على غريضاتي .. حريص 
حتى الأشياء اللي أستعملها أو يكون لها موقف معي أحب أحتفظ فيها .. يعني مثلاً عندي فاتوره لشغله معينه لها 6 سنوات .. وعندي تذاكر سينما لها 5 سنين .. و عندي كرتون كامل فيه دفاتر قديمه من أيام الإبتدائي .. وأغراض مغبره .. أحب أقلب فيه من فتره الى فتره .. مدري ليه بس أحب أستذكر الأيام ..
و عندي وفاء للعادات .. خلاص اذا تعودت اقوم الخميس بدري .. فمعناه اني لازم اقوم الخميس بدري لو ان النوم شاق عيني … ومافيه اشكال ارجع ارقد بعدين .. بس اهم شئ الشكشوكه يوم الخميس .. وخصوصاً اذا اخوي مشعل يشاركني الفطور .
جاتني فترة .. تقريباً حوالي الثلاث سنين … كنا نقعد في نفس الكوفي وفي نفس المكان … الى درجة ان اللي يشتغلون في الكوفي صرت أعرف أسماء أمهاتهم ..
عندي وفاء عجيب للأكل .. يعني اذا حبيت وجبه معينه مستحيل أغيرها ولا أزيد عليها ولا أنقص منها .. وهذا اللي مخليني أجاكر بيكهام في الرشاقه ..
ونفس الشئ ينطبع على أخوياي ( شلة اللهو الخفي ) نفسهم هم هم من 9 سنين .. وما احب ولا يحبون انهم يدخلون ناس جدد في اللسته .. ومالي نيه أغير صحبتهم .. مع إنهم هالأيام طايحين بالهارلي ومخليني بسيكلي الصتي .. ويمكن مع الأيام ألحقهم .. بس يبي لي وقت
وأكثر شئ أكره إني أغيره هو ستايلي ( طيب يا ستايلي ) يعني اذا قرعت فاحط في بالك اني بستمر على هالموضوع اقل شئ 5 سنين , واذا خليت الدقن عوارض نفس الموضوع .. لكن سالفة اني كل اسبوع بشكل هذي انسى .. واستغرب من اللي كل اسبوع يطلع له بشكل .. يوم سكسوكه يوم بدون شنب يوم زلفه شابك مع سنبه ويوم دقنه شابك مع حواجبه .. هالشئ مستحيل أسويه وما أعرف أغير ..
طبعي هذا يخلي البعض يحسون اني انسان ممل .. ويكرر نفسه .. وأنا على العكس أشعر براحه ما تنوصف اذا اني تعودت على شئ معين .. وما اشوف انه فيه اي داعي اني اغير .. سواء كان طبع أو جهاز أو صفه .. وبنفس الوقت أستغرب من الناس اللي يغير شكله ولبسه و طبعه بل بعضهم حتى أخوياه يغيرهم
السؤال :- هل انت تحب التغيير؟ ولماذا؟ و هل كيف ؟
أفيدوني بنظرتكم يامال العافيه
—————————
العنوان مأخوذ من سنفور غضبان
ما شاء الله عليك وفي يا بو خليل ..
انا مثلك ما احب التغيير، مثلاً في المطاعم نفس الطلب ولا احب أجرب الجديد، وسلم لي على سنفور غضبان .. ودعائكم عندي إحتبار بعد شوي
دامك داخل مدونتي قبل اختبارك … افلقني ان أفلحت
الله يوفقك يابو حسين
..
أما عن (هل أنا أحب التغيير)؟
فـ جداً !!
مب لدرجة اني كل يوم قصة شعر وكل يوم حركة بالدقن… لا عاد
بس ما أطول واجد على شكل معين… لابد من التغيير بين فينة وأخرى <== ركز على (فينة) ترى متعوب عليها
وما عندي إشكال أجرب أشياء جديدة… يعني مطعم ما قد جربته.. والا وجبة ما قد جربتها..
بالعكس ودي أجرب شيء جديد حتى لو القديم كان كويس وماشي حاله..
يمكن يطلع أكوس من الأول.. ويمكن ما يطلع!
بس الزبدة ان التغيير شيء جميل..
بمعنى.. انك لو تخاويني يمكن يطلع براسك نخلة
..
حسب المووود
يعني مثلاً لو فيه طبق أحبه في مطعم ودائماً أطلبه .. يجي يوم يكون مزاجي رايق ومستعدة أجرب وأغير فأغير وأطلب طلب جديد .. وهكذا ..
وفي الغالب أندم
أقدر أقول إني متمسكة بالأشياء اللي أحبها وما أتخلى عنها ..
افتكر زمان وانا طفلة سافرت خدامة جدتي (كنت مرة أحبها) ومرة زعلت على سفرها فأخدت لحافها وصرت أتلحف بيه كل يوم لمدة سنيييييييين طويلة والله العيلة كل شويا يخبوه يبغوا يرموه وأنا هاتك بكى وزعل إلين ما يرجعوه ليا ..
آخ قلبت مواجع
انا اضم صوتي لصوتك … انا ما يهمني اغير لا في الستايل ولا في اللبس ولا في شي … لكن انا مجنون تغيير اجهزة … احب اجرب اي جهاز جديد حتى لو ما كان يفيدني … مشكلتي!!!!!
ما شااااء الله عليك
صراحه شي عجيييب .. بس دامك مرتااح فهذا اهم شي
بالنسبه للسؤال :
هل انت تحب التغيير؟ نعم ولكن ليس في كل شي
ولماذا؟ الروتين القاتل في كثير من الأحيان
واحب الثبات ^^
شكرا لك
أهم مافي الامر أن تجعل زوجتك تقرا التدوينة
ببساطة لان هذا معناه أنك سوف تحتفظ بها ولن تفرط بها إطلاقا, طبعا الى إذا خربت وصدت وماعاد فيها من صفات المءه الى إسمها
ولاكن أرجوا بالفعل أن لاتكون هذه العادة تمتد الى حب الاحتفاظ بالقريشات في جيبك
……
مودتي
احتاج اغير .. لكن موب بكل شيء
يعني مثلا ماحب اغير في مواعيد خروجي من البيت مهما حصل
لكن ممكن اغير نوع الأكل .. ممتلكاتي التقنية احب اجددها .. واحتفظ بالقديمة
هي ترجع للشخص والناس اللي يخالطهم وتفكيره
الصراحه انا انسانه أكره التغيير
..
..
..
عشان أحس بالأمان > هع
يسبب لي اكتئاب .. لما صديقاتي غيروا الطاوله اللي كل يوم نقعد عليها من ثلاث سنوات .. ما قدرت الا اني أكتئب وأجلس بالكلاس فترات أكثر من العاده لأني ما قدرت أتعود على الطاوله
ونفس الشي بالنسبه لباقي الأشياء في حياتي ..
التغيير يخوفني يحسسني بعدم الأمان ..
بس فنفس الوقت الروتين يقتلني وأحب أغير أشيائي كل فتره وفتره ..
لكن بشرط ان التغيير يكون بكيفي واذني
التغير وما ادراك ماتغير خالي عنده 27 سنه كل اسبوع نيو لوك على قولتك مره شنب مره بدون واشكال متعدده خلال الشهر.
بالنسبه لي التغير محبب الى قلبي بس مو في كل حاجه يعني الخويات بالنسبه لي فيه احد مرحلي يجمعنا الهدف وننفصل بعده مع بقاء الموده في القلب وفي احد صار له عشر سنوات معي:)
الاجهزه مااحب اغيرها الا اذا تحولت الى ركام.
اما اللوك احب التغير فيه ولكن ليس بشكل جذري.
السلام عليكم ورحمةالله وبركاته
ياإبراهيم هذا يطلقون عليه إستقرار نفسي
والإنسان يوم يكون ناضج ومقتنع بإخيتاره يستقر عليه
أنا عندي نفس الشي ونفس الممارسات وأشوف هالشي نعمه لأنه طاقتي مركزتنها في أمور مفيده بدال ماأضيع وقتي على أمور جانبية
والله يابوخليل أنا مثلك بالضبط وأتصدق أسمي من أربعين سنة ماغـيـرته ههههه
توضيح لكلام الأخ محمود الخطيب (أهم مافي الامر أن تجعل زوجتك تقرا التدوينة, ببساطة لان هذا معناه أنك سوف تحتفظ بها ولن تفرط بها إطلاقا)
أخوي محمود للتوضيح ترى ابوخليل ماقال أنه يحتفظ بالشي ومايفرط فيه أطلاقاً.
هو قال بصريح العبارة(فاحط في بالك اني بستمر على هالموضوع اقل شئ 5 سنين )
عرفت الـحين وش يقصد .
والله وراح فيها أبوخليل هههههههههه ترى الويكند في الخـبـر أفضل من الكويت واسلم لك من الشراني عزيز.
تقبلوا خالص تحياتي
الفتاني قصدي الإعلامـي
أحب التغيير بس مش لدرجة الهوس
فيه أشياء فعلا أحب أحتفظ فيها بأكبر وقت ممكن
لازالت لدي أشياء منذ الطفولة
شيءٌ من جنون : الفينه تقرب للسؤدد؟
تطلع براسي نخله ازين من الصلعه اللي بادي ملامحها ..
—————-
Shada : شوفي يا شدا احفري تحت عتب بيتكم بتلقين قماش ملفوف وبداخله شعر … وديه لشيخ يقرا عليه وان شاء الله انتي بترمين اللحاف ههههه .. هذي مسويه لك سحر
ذكرتيني بواحد من الشباب عنده لحاف مرسوم عليه توم جيري معاه من ايام الابتدائي .. واللحاف انهرا واتقطعت اطرافه وداه للخياط وشال الاطراف وخلى منه قطعه صغيره يمكن متر في متر … يقول الى الآن معاي في الفراش .. قلت له والله لو توديه وتفحصه بتلقى فيه قبيله معمره من البكتيريا
—————-
والجديد ملحوق عليه هههه
ahmedsn : انا دام الجهاز يشتغل فالوفاء موجود
—————-
محمود الخطيب : هههههههه بطبعها وبعلقها على الباب
—————-
ZIAD : وش فيه تفكيري؟
… هههههه واحد متحرش
—————-
ريم : طلعت ارحم منك … الى الآن ما وصلت مرحلة الطاوله .. هذي حاله متقدمه ..
—————-
layla : ياكثرهم اللي كل يوم بشكل … انا ما اتقبل نفسي اذا غيرت شكلي … والتغيير من فتره الى فتره ماهو شين ..
—————-
عـائــشــة : الله يجبر بخاطرك … انا هالكلمه بحفظها وكل من قالي ليه ماتغير بقوله ” أهم شئ استقراري النفسي ” .. والواحد هالأيام أبدى ماعليه استقراره
—————-
الإعلامـــــي – الخبر : سبحااااااااان الله .. خلك من الاسم .. انا من يوم طلعت على الدنيا وانت اخوي .. شفت كيف اني ما احب التغيير
… أبو عبدالله بغيت اعدل في ردك خوفك لا تفتح علينا باب هههههههه وعزيز ماهو فيه … هالايام في مصر
—————-
حنان : شئ جميل انك تشوفين اغراض قديمه لانها اكيد بتذكرك بذيك الفتره ..
مره كذا و مره كذا.. التغيير حلو بس مو بشكل دائم
ابراهيم مواضيعك دائما حلوة
عشان كذا لو خمسين سنة قدام مابغير ارد على مدونتك؟
بالله عندك سلف لووول… <<<امزح
انا اكرهه التغيير في بعض الامور لما عدلنا البيت وغيروا مكان غرفتي مجبرة عشان ترتيب البيت الجديد، طاقني اكتئاب من الغرفة الي انا فيها لدرجة محزنة….رغم انهم عدلوا الغرفة واشتروا اثاث جديد لكن مالحب الا للغرفة الاولى لووول… صديقات ماحب اغير الا الي لازم تتغير او اغيرها
اجلس على اغراضي جوال كمبيوتر سنة سنتين ثلاثة ماعندي مانع دامي مقتنعة والشي يشتغل معي…..
لكن تجيني لوثات من الجنون اغير اشياء في ساعة صفرية استغرب كيف سويتها او كيف تشجعت وعملتها
وبالنسبة للروتين الاشخاص… لما كان اخي الاكبر يدرس برا وصار يسافر وكذا تعبت نفسيتي الى ان تعودت على غيابه….
لكن لما صار يرجع خميس جمعة بعد ماتعودت ع غيابه … كنت اتضايق لانه يخرب روتينا، ولما تخرج جلست فترة لما تعودت على وجوده في المنزل ثاني
اكرهه احد يزيد في المنزل
اكرهه احد ينقص
احيانا احس انها حالة نفسية… لووول
يلا تشكر حبوب ع المواضيع الحلوة….
التغير من سنة الحياة، بس بالنسبة لي التغير مثل تغير ” المناخ ” .. كل 20 سنة مرة
فيه أشياء العتبر التغير فيها “تغير حياتي كامل ” مثل زيادة أشخاص في قائمة الأصدقاء أو حذف أشخاص ..
وفية اشياء ممكن يكون فيها تساهل شوية مثل علاقات المفاتيح.. كل شهر واحد جديد
ولكن بعد في أشياء التغير فيها خيار صعب جدا. مثل تغير شكل المدونة
في النهاية.. اعتقد ان التغير يعتمد على قرب الشي للقلب والذكريات إللي تجي عالبال معاها
وجهة نظر
التغيير شيئ حلو والحياة كلها قائمة على التغيير تخييل لو الشمس ثابته والا الجو ثابت والا الايام ثابته يعني كل يوم هو سبت ( وع )صح
طبعاً رغبت التغيير هو وقود الحياة يعني لازززززم نسعى للتغيير في كل جوانبنا الشخصية والعامة .
*لازم نغير من سلوكنا
* لازم نغير من تفكيرنا
* لازم نغير طريقة حياتنا
لأحسن طبعاً
لأنه غالباً -أقول غالباًوليس دائماً- لآن عدم التغيير نابع من أعتقادنا أن هذا الوضع اللي الواحد منا فيه هو أحسن وضع !!!!!!!!
مع أن الواحد لو يستخدم طريقة (خلنا نجرب )سيشعر بمتعة لا تقدر بثمن
لأنه يقال في الأمثال – متعة الحياة تجربة فعل شيئ لم تجربه من قبل -
ويقول الاخر :
أني رايت وقوف الماء يفسده أن سار طاب وأن لم يجري لم يطب
والأسد لولا فراق الغاب ماأفترست والسهم لولا فراق القوس لم يصب
لذلك أقترح
* جرب مطعم جديد كل فتره
*جرب تأكل في غير المكان اللي تأكل فيه في البيت
* واعد ربعك في كفي جديد وخلك أو واحد يحضر
*جرب (العرة)بعني الفعل بدون ترتيب مسبق
* خل نفسك جاهزة للتغير لأن فرصة تغيير حياتك قد تمر أمامك وأذا لم تكن جاهز فلن تستغلها
ملاحظة (مدونتك هذه مثال على التغيير لأنك اول احد من المعارف سوى مدونة )
والسلام
السلام عليكم و رحمة الله و بركاته
في سلبيات و ايجابيات فيما تفعل ..
الأشياء الاجابيه انك متمسك بالتقاليد … و انك تحتفظ في بالأشياء .. و هذه ميزه عظيمه ..
و لكن السلبيات ان من المفروض ان الواحد لا يهاب التغيير …
و يسعي اليه ..
*اكيد بتقول اول مره يخش المدونه و يتفلسف
جرب التغيير في شئ بسيط و لاحظ
تحياتي
انا اغير لكن مو كثير
على حسب الشي الي انا فيه
مثلا لو طلعنا نتعشى، اذا مافي البال شي محدد، عادي نجرب شي جديد
اتذكر مثلا صاحبي
ماياكل من مطعم هرفي – وخليته ياكل والحين عادي يعزمني منه خخخخخخ
تقبل تحياتي
يااخوك انت برج الثور
تدويناتك من النوع اللي يدخل مزاجي
أنا نفس الشي بعد، عندي التصاق مو طبيعي بأشيائي، وأعاني كثير لما أغير.. الجوال مثلاً، ما غيرته إلا لما انتهى وصار ما به طب!! كان عندي العجيب فترة طويلة، والحين آيميت له ثلاث سنين، وشكله بيمدد فترة بعد ههههههههههه
المطعم أطيح لك بمطعم واحد كل يوم أتغدى منه، وآخر كل يوم أتعشى منه، إلى أن أمل منهم وأغيرهم بعد شهور أو سنوات..
ما أقول إلا يا حظ حريمنا
أوفياء ومخلصين ههههههههههه
الحمدلله في احد زيي يحتفظ بااغراضه كل شي يخص مرحله الابتدائي والمتوسط عندي لا ومحتفظه فيها بكرتون ثوب الدفه
لاتسئلني ليش يمكن كان وقت عيد يوم حطيتها بكرتون الدفه 
بس ابراهيم لازم التغيير الثبات على شي مو حلو ابدااا
الله بس يثبتنا باالدين غيره ابدا شي مو طيب بنظري يعني
على الطاري تعرف المينو تبع الكافي شوب هذا كل مااروح اقول لازم اجرب كل القائمه والله لايوريك ندمت الصراحه ومن منطلق كلن يرجع لااصله فخلاص بطلت بس الكابتشينو >>هذا اللي اعرفه والباقي الله يعزك يانعمه
****
ابراهيـــــــــــــــم مافيه امل يعني تغير ستايل تدوينتك احسها شهباء
يعني الاستايل متضارب جداا مع اسلوبك حط الوان الربيع
تصدق
، زوجةأخوي تقولي أنت يا هياء أرشيف 
،وإذا علقوا علي أهلي ،أقول بدكم تعرفون قيمة أغراضي هذي .
أحب أحتفظ بالأشياء القديمة
بالنسبة للتغيير الحال من بعضه ..
بس منين جايب صورة المسدس هذا .. أذكر أخوي كان يحبه قبل شي ثمانطعشر سنه ..
مرات يابو خليل أحسن أن عندك آلة الزمن
ماعندي مشكله استمر ع الشي ..
لكن اذا جيت اغير .. احب اغير بوسط اهلي
بعدين اطلع به للناس ..
اعتقد ان اللي متمسك بالذكريات
شخص ما يحب التغيير .. !
ody ard bs alabtop ma iktb 3arabi >>>> ant fqadt mot3ah
واحد من الشباب مايحب يغير ابد
صار له عشرين سنة حاط سكسوكه
جا يوم من الايام انهبل وحلق السكسوكه
تدري ايش صار فيه:
V
V
V
V
V
V
V
هـنـق
-
-
-
محمد بن سالم : عاد انت ابو الاستايلات يابو سالم
——————-
منطق&مزاج : حياك الله وانا اصلاً ما انوع في المواضيع الا علشان الزباين .. انتو راس المال
صادقه لما تتعودين على الشخص صعب تفقدينه ولما تتعودين على فقدانه صعبه يرجع ويعودك عليه ولما يعودك عليه صعبه يرجع يغيب ( وش قاعد اقول انا؟
)
الله لا يفرقكم عن احبابكم ..
——————-
فريال : أما انا ابو الذكريات … وهذا من الاسباب اللي تخليني احتفظ ببعض الشغلات .. ماهو حباً فيها ولكن حب بالموقف اللي تذكرني فيه ..
——————-
ابو مطلق : اذا انك تشوفه لازم فهو لازم … ما نقدر نقول شئ … اخوي الكبير وتامر علينا
——————-
Ehab A. Mohammed : أنا ما أهاب التغيير ولكني اكرهه .. وهنا الفرق .. لو اني اخاف من التغيير تهون لاني بغصب عمري … لكن انا اكرهه
——————-
محمد : سلم لي على خويك وعرفني عليه كود يعزمني في ابل بيز
——————-
مليون : أقوووول احترم نفسك
.. انا برج المزيون .. قد سمعت فيه؟
——————-
عبدالمحسن الدليجان : ههههههههههه يابن الحلال الحريم مايعجبهم العجب
بس اهم شئ اني لقيت واحد يشاركني 
——————-
غيوم الصحاري : مو هذا اللي مخليني اصمل على اللي عاجبني وما غيره لانه بالاخير برجع للكابتشينو ..
وستايل المدونه مشهب من ذا الشموس .. من وين لي الوان الربيع
——————-
هياء : وهو فيه احلى من الاحتفاظ بالاشياء القديمه
——————-
عبدالله القحطاني : ههههههههه آلة الزمن اجل
هذا المسدس ميزته انه الأباء يشترونه للأبناء علشان اذا لعبو فيه وازعجوهم يقوومون يطقونهم
——————-
e7sasy : وشلون اغير بين اهلي؟
——————-
نور الظلام : متعه مين … انا مستمتع بهالحال
——————-
مستر مرزاحي : هههههههههههههه هذا كانه حالي يوم حلقت الدقن بعد 6 سنين … حسيت ان وجهي صار بطن
^
وجهك بطن هههههههههههههههههههههههه الله يرجك
انا مثلك بعد منيب احب التغيير .. ياخي حتى النعال وانت بكرامه اذا جازت لي وحده آخذ منها حبتين .. اقول وش يضمن لي اذا انقطعت هذي ولا انسرقت اني بارجع والقى نفسها .. مرات احس اني سبهه على هالتصرف ومرات احس ان عندي بعد نظر ، طبعاً النعله تقعد معي ثلاث شهور وفيها .. وارجع اشتري ثانيه وانسى اني شاري نسخه ثانيه منها .. صارت لي مرتين:lol:
حبي لسوالفك يابو طلق .. مونستني في الغربه هههههههههه بين فينه وسؤدد امر على ارشيف مدونتك واقرا
موسعن صدره : هههههههههه جد يابو دحيم كرهت وجهي يوم حلقت .. احس كأني سواق فلبيني أمرد ..
بس جد جد شكلك بطره تشتري ثنتين من نفس النوع .. انا لو تجي رجليني بطبقه وحده ما خذيت الثانيه هههههههههههههههه
انت سويت زي اخوي محمد المعلق باسم ابو مطلق … يتشري جزم وانت بكرامه وينساها .. ويروح يشتري غيرها ..
يا جعلني اتغرب معك واونسك واطبخ لك بعد بس انت شف لي شبك السفير هناك وتوسط لي
اشترك معاك في الاحتفاط بالاشياء..وتبقى اثريه لو عرضتها في مزاد والله اسير مليونيره
عندي عرايس من اليوم اللي ماكنت لسا اعرف فيه نفسي.. وبين كل فترة والثانيه اخرجها اتفرج عليها
وعاد الرسايل عندي رسايل من ايام..أكتب لكِ بالشقلوب علامة الحب والقلوب.. والا اكتب لكِ بالاحمر علامة الحب الاكبر ..خخخ
اما عاد عن الاب توب والجوال.. تبغى تزعلني قلي غيريها..أحس بإتماء فضيع لها.. واحس انها تحس فيني.. وشاركتني فصول كثيره في حياتي.. مااقد افرط فيها
اما عن الاكل فهنا اختلف معاك كثير
انا لو أكلت كل يوم ورى بعض لمدةاسبوع.. ماعاد اقدر احطها في فمي ابد ابد ابد
وبالنسبة للإستايل فعلى حسب المزاج.. انا اعرف ان اللي يغير استايله ياابراهيم يحس بجديد لروحه مو طبيعي
وتسلم الانامل ياشيخ
انامثلك تماما حتى اناواهلي شيل وحط على كتب الابتدائية والمتوسطة محتفظ فيها من قرن ورافعه ضغطهم يبغو يتخلصو منها ، وانا اقول لهم تتخلصوا مني ولا تتخلصهو منا
في احد كتب رابع ابتدائي كاتب رسالة لصديقي في الفصل سب وحش وادعية عجز على المدرس اللي فرقنا عن بعض (الله على الحب العذري) looool
يعني لما تسوي تجديد مثلا بلبسك ..
مايكون اول شي بمكان دوامك !
لا تسويه وانت بين اهلك بعدين تسويه بدوامك ..
مثلاً يعني ..
يعني انك ماتواجه به المجتمع ع طول ..
شف فيه اشياءغصب تحتفظ بها ..انا قريت شي له علاقة بالشخصية ومدري ايش انك حاول تغير طريقة تفكيرك وحياتك بين فترة وفترة ومن ضمنها تجرب تطلب طبق ماقد اكلته
سويتها في مطعم ايطالي وجربت اطباق غريبه جت الفاتورة ع راسي
الخلاصة مدونتك جدن جميله والتغيير مهوب زين بنا ع الراي العام امسك قردك
بصراحه ابراهيم
النغيير الدائم يشتت التفكير
والتعود الدائم ممل جدا ويشعرك ان الحياة عبارة عن نقاط تعيد وتكرر نفسها..
الجميل ان نغير من انفسنا وماحولنا كل فتره واخرى لنشعر ان هناك شيئا جديدا يستحق ان تصحوا يوميا من (تحت البطانيه الدافيه)
جواباً لسؤالك: انا انسانه تحب التغيير ولكن ليس كثيراً
من فتره لاخرى اشعر بقوه تجبرني ان اعيد ترتيب ملابسي او تغيير ديكور منزلي او حتى اغير لون شعري او لون ملابسي..
ولكن بالتاكيد هناك الكثير من الاشياء التي لاتقبل التغيير في حياتي مهما حدث..
وش دخل المسدس بالموضوع
مااستبعد ان عندك نبيطة يعني والله بصدق
- انا وحده بعد نفس الشئ ما احب اغير وصديقاتي زهقوني على جوالي يقولي غيريه لانهم تقريبا كل 6 شهور يغيرون جوالاتهم او كل ما شافوا شئ عجبهم يشترونة وللأسف انا من جيل العجايز اللى ماتهتم للاشياء الجديده
بس شكلي بعتق جوالي لوجه لله بعد ما افضى واصير ماعندي هدف بالحياة بروح ادور لي جوال واصير يااااي وهاي كلاس
وماعندي اي مشكلة اني اشتري جوال نفس جوالي القديم لان قديمك نديمك لو جديدك اغناك ..
عاشت ممتلكاتنا القديمة وعاشت بيلادي
حسب الشغله
بالنسبه للأجهزه فعندي وفاء كبير لها
أهلين عبدالله..
مايكون فيها تكمل معاي المشوار
انا تقريبا زيك
إنسانه وفيه جداجدا جدا لأشيائي
اقدرها وأحافظ عليها
وما افكر اغيرها الا لما تموت
ولا دقيقه زياده
الله يعافيك
وانا ايضا مع نظرية
حطني تلقاني
الله لا يغيرنا الا لشي لطاعته
ما شاء الله عليك