السلام عليكم جميعاً ..
من زمان عن المدونه وعن الكيبورد وعن رفع اصبعي الصغير اذا جيت بكتب ( من باب الدلع) 
ماعلينا ..
وصل الى علمي العلوم التاليه :
- أحد المقاتلين القدامى .. وأحد أصدقائي في أيام الطفره الأولى .. والشريك الخاص في تجربة المطاعم الجديده .. أخوي سامي الشمري فتح له مدونه .. وتلقونها على ذا الرابط ..
- سمعتو عن مسابقة كأس التخيل ؟ هالمسابقه تقوم فيها شركة مايكروسوفت ويشاركون فيها الطلبه من كل انحاء العالم .. وشارك في هالمسابقه كل من المهند الكدم و علاء المكتوم .. وهالثنائي انا اسميهم الثنائي الحديدي .. لانهم مبدعين في هواياتهم وفي تخصصهم .. وراح تكون مشاركتهم هالسنه بفلم متقن عن فكرة ” الجوع في العالم ” .. وهم يطلبون من الكل مشاكرتهم في عملهم هذا لكي يخرجو بفلم قد يساعد في حل مشكلة الجوع في العالم ..للمشاركه في هذا المشروع عليك بزيارة مدونتهم الخاصه لهذا المشروع على هذا الرابط
- سوف يتم اغلاق شارع الظهران وشارع بن خلدون .. وذلك تماشياً مع الخطه العشريه لبلدية الدمام وضواحيها .. الداعيه الى رفع ضغط الشعب الشرقاوي .. من هنا أنصحكم بالرجوع الى قديمكم يا أهل الشرقيه .. عليكم بالحناطير والسياكل .. لان الدنيا بتكون مزحومه على الآخر .. وبالنسبه لي انا بلتزم البيت الى اشعار آخر ..
- وزارة الصحه ووزارة التعليم متوهقين مع حالات الانفلونزا .. وكل واحد يحاول يرقع للثاني .. الصحه مايبون يقولون ان وزارة التعليم ماهي جاهزه وما طبقت الخطه المزعومه من حيث توفير المطهرات وغرف العزل وتدريب المعلمين .. والتعليم ماتبي تقول ان ان الصحه نايمه في العسل وماتتعاون معاهم بتزويد المدارس بجولات دوريه وبارسال التقارير الصحيه للطلبه المرضى او المشتبه في اصابتهم .. ومابين هذي وهذي تم اغلاق عدد من المدارس بسبب الاصابات وكان فيه بعض الوفيات .. وهذا الموقف يسجل في لستة المواقف اللي فشلت الدوله في مواجهتها ..
- وصل عدد المتابعين في المدونه الى1004 متابع.. ومابقى الى 2000 متابع زياده .. وانزلها مساهمه عامه .. واودع الفقر .. واصف في صف النصابين والمحتالين اللي لعبو على المواطنين وقاعدين يتنعمون في باموال الشعب قدام العالم .. لا ويتبرعون بسيارات اسعاف لغزه بعد … ولا فيه اي احد يكلمهم .. واذا قالو .. قالو القانون مايحمي المغفلين!! .. اذا القانون مايحمي المغفلين … أجل من يحمي؟ المفتحين في الطحين؟
—————–
العنوان مستنبط من الجمله الشهيره : أخبار أهرام جمهوريه
على طاري الانفلونزا ، أشوف التعليم العالي بعد ما تحركوا و لا الفيروس ما يجي الجامعيين
، و السبت كنت في الكلية استلم الوثيقة ، نفس الكلية و مستوى النظافة السيء ، الظاهر قالوا يمكن إذا نظفنا الكلية احتمال ينتشر الفيروس ، عشان كذا مهوب لازم معقمات و لا كمامات و لا هم يحزنون ، و كلنا بنموت 
اي لا تسيء الظن بالدولة و اجراءاتها الأحترازية
يمكن شاحذين الهمة و موجهين الطاقة
و خاشين الخطط لموسم الحج
الأهم ثم المهم .. ما سمعت بهالتكنيك !!
انتوا جذي
كل تظنون السوء بالمسكينة – اي الدولة- :p
عجبتني فكرة التدوينه جدددا”"
المفروض تخلي عنوانها 5/1
نسيت تكتب عن مديرة متوسطه الظهران الأولى الي كاتبه أعلانات
في المساجد على شان أولياء الأمور يجيبون بناتهم للمدارس وتأكد خلو
المدرسه من أنفلونزا الخنازير!!!!!
أبطيت علينا يبو الخل، أرحمنا يالبّى أصبعك الصغنن ههههههههههههههههههههههههههههههههه
احنا صرنا الوباء نفسه بين كل الدول العربية
والمدارس والكليات ما كلفت نفسها حتى توزع كمامات على الطلبة
ووزارة الصحة ماعندها غير التصريحات
والى ان يصل التطعيم الاسطورة للمدارس بيكون معظم الطلاب مرضوا وطابوا من المرض ولله الحمد والمنة
فأقترح على وزارة الصحة انها ترجع تبيع التطعيم في السوق السودا او السوق البنفسجية
ونخش معاها شراكة وناخذ الأرض اللي ورا المدونة ونتوسع
.
.
استاز ابراهيم
عودٌ أحمدُ