من عام 2001 تقريبا و اخوي سامي الشمري يعدني بهذا المشروع الوطني ..
المشروع الوطني عباره عن حفره ..
ايش قصة هالحفره؟ الحين اقولكم..
كنا نقعد ونجتمع في كوفي في مجمع الراشد .. وفي بدايات الألفين كانت توها هابه موضة ” طيحني ” وموضة العرابجه الأمريكان .. اللي الواحد فيهم يمشي وكأنه 50 سنت او تو باك ..
وكانت فيه شله معينه اذا شفتهم تقول كانك في دواعيس نيويورك .. تلقاهم لابسين لك هالشورتات الوسيعه اللي طايحه على الخصر .. ورابطين لهم بندانه على الراس .. وحاطين السماعه في الاذن ويهزون راسهم ويمشون بطريقه ” النقر ” …
وقتها كان لما يشوفهم سامي .. يقول والله مايبيلكم الا الحفره ..
قلت له يابو عبدالله وش حفرته؟ قال انا بحفر لي حفره .. وبجمع فيها ذا الأشكال وبصب عليهم بنزين وبولع فيهم وبفك المجتمع من أذاهم ..
و مع مر الشهور والسنين .. وكل شوي تطلع لنا صرعات جديده من الشباب والبنات .. والدنيا تتطور .. والصغير يكبر ..
وكل ما طلعنا طلعه وشفنا لنا شئ .. طالع فيني سامي وقالي .. ” الحفره ” .. وكل ماشفنا من هالخبال والمصاخه .. طالع فيني سامي وقالي ” الحفره ” ..
وفي يوم من الأيام .. قلت له يابو عبدالله وش ذا الحفره اللي يتجمع كل ذا البشر؟ انت لك سنتين وانت تجمع فيها من ذا العاهات ومن ذا الظواهر الخايسه ..
رد علي وفاجئني .. انه عمل توسعه للحفره بعد مرور شهرين من انشائها ..
بس ما ادري كم وصل قطرها الحين يا سامي؟ وخصوصا بعد ماقريت هالتدوينه
———————-
صحيح ان حل الحفره هو حل ساخر وارهابي بنفس الوقت .. بس من يوم سمعت عن فكرتها .. وانا كل ماشفت شئ ماعجبني قلت بخاطري وينك يالحفره
بس لو على كيفي و على الأشياء اللي اشوفها و اللي اتحلطم عليها .. واذا كل شئ برميه بالحفره ..
خلصت الديره وقعدت بالحالي انا وياك يا سامي ..
وبالأخير شكلي بقطك بعد معهم بالحفره وببقى لحالي .. وبسوي زي سالفة ابو سليمان
الله يكفينا شر الحفر
انا وبنت خالي متوعدين لهم بطبق طائر بإذن الله يردهم على ديراهم سالمين!
فأنا وهي مؤمنتين جداً بأنهم ليسوا من رجال الأرض! ولا حتى سكنها من المخلوقات الأخرى!
لازم نحل ازمتهم ونرحلهم ع ديارهم!
اتكلم جد وما أمزح! يوم كنّا ماشين انا واهلي بالسوق! قسم بالله ويمين ما اكذب فيه ما كان فيه واحد مو من جماعة كدش وطيحني وبرمودا بعد!
حسيت ان في ذيك الليلة نزل طبق طائر وفلت علينا كائنات فضائية
وثم خطف الرجال!
واحنا يا عيني مفكرينهم هم!!! <<< بدأت هلاوس آخر الليل تضرب
بو خليل اصلا انا راميك بالحفره من زمان من يوم ما اخذت كتبي ولا رجعتها بس ما حبيت اقولك واجرح مشاعرك
[...] ما لقيت اي مبرر لهم !! لذلك اذا شفت المنظر هذا ودهم للحفره اللي تكلم عنها ابراهيم بمدونته [...]
مقبرة مو حفرة
يخوفي اول ناس زوار المدونة تقطهم يا ابراهيم
خلاص ما بنزور المدونة على شان ماننقط بالحفرة
طيب يصير ارسل لكم قائمة بالاسماء الشخصيات اللى اتمنى ارميهم بالحفرة ؟؟
هل تحتاجون لمساعده ترانا حاااااااااااضرين ورقبتنا سدادة >> للشر يفزعون يا حافظ
و الله أن حفرة سامي فكرتن رهيبتن بقوووه
لو أنفّذ هالحفرة في الكلية كان خميتنا كل المسترجلات ( البويات ) و نطلتهن فيها
لكن خلاص معد به كلية
همممم انا أشوفه حرية شخصية طالما ما أذو أحد أي شر اللي بتفكون الناس منه ؟
ليش نحب ندقق بكل شيء وندخل بكل شيء بكرى يصير فيه زي رسمي للسعوديين زي المريول ,
مع الإحترام إبراهيم انا أعتبرها حرية شخصية اللي ما يبغا يلبس كيفه لكن الل عاجبه مع نفسه يسوي اللي يبغا ويلبس اللي يبغا طالما ساتره العورة
عندنا حفر كثيرة..شئ للكول،وشئ للعرابجة،وشئ للإرهابيين …بديت احوس في المسميات
أشـوف الـحـفـر كـثـرت هــالـيـومـيـن في الـشـوارع !!!!!!
والله انك صادق على الأقل إذا حطيتهم في الحفرة يتحللون ويصيرون سماد ينفع النبات أزين لنا من شوفة وجيههم اللي تسد النفس
.
يارب تهدي ضال المسلمين أو تريحنا من أذاهم
ونعم الحفرة ..
والله في ناس احق من انهم يترموا في هادي الحفره من شويه مراهقين .. بكره يعقلوا
صح انه منظرهم مقزز بس يعني ماسارت اكبر هموم و مصايب المجتمع بنطلونات طيحني ولا الكدششش
مجرد رأي
ياليت يكون بالحفره هذي اعادة تأهيل علشان سامي ما يتعب بتوسيع هالحفره
ههههههه يبالكم تيبونها الإمارات
ما بيتم في ديرتنا ولا أدمي 
اخوي ابراهيم عسى ربي يوفقك انت وراعي الحفره
واشكركم على غيرتكم على ابناءهالوطن
والله العظيم انه من المقزز النظر الى هؤلاءالفئة والى الاستايل اللي هم طايحين فيه
بس تخيل الشكل , الكدش , وطيحني , وشنقلني ,وعلقني واسدحني ,واضيف لذلك كمان بها المواصفات تطالع فيه وتلاقي البدي حقه معرق وريحته معطعطه
يدي على يدينكم لتزويد قطر الحفره جايكم بالكرينات والدركتلات والافغانيه وكلو …..
تحياتي لك
ههههههههههه, انا اقول نطلع الكول و الكدش والاشكال هذي كلها من الحفرة على الاقل هذول يتقبلون لما تحكي معهم فيه اخذ و عطى معاهم, ممكن من نصيحة و شوية اجتهاد يتغيرون. اما اللي منجد لازم ينذبون بالحفرة العقليات المتحجرة اللي ما منها رجا هذول الي ياليييت نفتك من شرهم!!
نظرية هتلر هاي !
مدري انا اليوم رااااااااااااايقه او فعلا اسلوبك يموووت ضحك ..
الله يوسع صدرك بالإيمان من جد اول مره اضحك على شي وابتسم اذا تخيلته .. الله يعين سامي الحفره بتتعدى حدود السعوديه من كبرها .
أخاف في الأخير الأسلم لكم وللي يبي يهرب يدخل الحفرة وخل الناس المهبل برة
على كذا الكرة الأرضية هي الحفرة
مابي أصير سلبية بس كل يوم يطلع شي جديد يحتاج حفرة
للأسف
شكرا
السلام عليكم شكرا اولا على الموضوع تانيا اريد ان اعرف من هو عبد السلام الوليدي لانني ايضا اسمي العائلي هو الوليدي…………وشكرا جزيلا