بعد المعلومات اللي كنت اجهلها عن المزاد وعن صاحبنا الإماراتي لازم نلغي الكلام … والله يجزاه خير
ويقول محمد بن سالم :
هذا المزاد كان عبارة عن بيع لوحات السيارات وكان ريع هذا المزاد لأحد الدور الخيرية.. وهذا مقاول معروف في ابو ظبي ..وجابوا معاه مقابلة في التلفزيون ولعلمك ان هذا الرجل
طلب من شرطو ابو ظبي انه في حاله وفاته يسحبون الوحه من ورثته و يعملوا عليها مزاد ثاني و يعطوا الفلوس لجمعيه خيرية
هذا اللي يستاهل من يحجر على فلوسه …
إماراتي يشتري لوحة سيارة ب 25 مليون درهم … وهي لوحه رقم 5 … وأنا الحين برسل للشيخ محمد بن راشد وبقوله … دام هذا شاري اللوحه ب 25 مليون درهم … لازم يآخذون منه أضعاف أضعافها لحملة العطاء … لأن الفقراء أحق بهالفلوس من صاحبها ..
والمشكله الحضور يصفقون له وهو مستاااااااااانس …. بس هذا ان دل يدل على انه ماتعب في الفلوس …
كنت أسولف مع واحد عن هالموضوع … وعن اللي يشتري أرقام متميزه ب ملايين وان وشلون قلبه مايعوره وهو يدفع كل ذا الفلوس على شئ تافه … قالي عطني خمسه ريال … قلت له ليه ؟؟ وبعدين وش دخل الخمسه بالموضوع ؟؟ …. قالي إنت لو عطيتني خمسه ريال بتذكرها بعد اسبوع ولا بتنساها لأنها ماتعني لك شئ؟؟ قلت أكيد بنساها … قالي أبد هذا عنده الملايين زي الخمسه ريال … وأنا أقول أشهد انه صادق.
قال رسول الله صلى الله عليه وسلم : ” لا تزول قدما عبد يوم القيامة ، حتى يسأل عن عمره فيم أفناه ، وعن علمه فيم فعل ، وعن ماله من أين اكتسبه وفيم أنفقه ؟ وعن جسمه فيم أبلاه ؟ “
عالم فاضية !!
جاني مسج مضحك وهو مشابه لهذا الموضوع وراح انقله بتصرف وبتهذيب أكثر
(( في دبي هاف ب1000 درهم ، ولك أن تختار بأن تستر ( مؤخرتك ) بألف درهم أو تستر ( مؤخرات ) فريج كامل بأفريقيا ))
العقل زينة وحكمة
ابراهيم لا تظلم الرجال.. هذا المزاد كان عبارة عن بيع لوحات السيارات وكان ريع هذا المزاد لأحد الدور الخيرية.. وهذا مقاول معروف في ابو ظبي ..وجابوا معاه مقابلة في التلفزيون ولعلمك ان هذا الرجل
طلب من شرطو ابو ظبي انه في حاله وفاته يسحبون الوحه من ورثته و يعملوا عليها مزاد ثاني و يعطوا الفلوس لجمعيه خيرية..المفروض تقول جزاه الله خير
إن لله و إن إليه راجعوان
لهذا يحدث فينا ما يحدث والله مش حرام فينا إلي بيحصل في العراق وغيرها
لما سكتنا علي السفهاء
فقط للتوضيح:
المزادات على هذه الأرقام يذهب ريعها للجمعيات الخيرية ، وهو السبب الذي دفع الرجل المذكور لشراء أرقام السيارات رغم تصريحه بأن هذه الأرقام لا تساوي قيمتها ما دفعه.
الرجل أوصى بثلث ثروته بعد وفاته لمجموعة من الجمعيات الخيرية .
كما أنه وعد حملة دبي للعطاء بهبة كبيرة ومفاجئة.
وكما أشار محمد بن سالم ،فإن الرجل قد أوصى بإعادة الأرقام لدائرة المرور لبيعها ثانية ..
وكان قد أقر بفضل الله عليه ، وصرح أنه كان يمر بضائقة مالية صعبة قبل أن يرزقه الله ،وتقرأ بكلامه وتصريحاته تواضعاً قلما تجده عند هذه الطبقة من الناس ..
أن شاء الله أن توضيح الاخوان واقع
والله يجعله في موازين حسناته يارب
والاستاذ أبراهيم كتب الموضوع بنية طيبه وغيرة أنسانيه يحسد عليها
جزاك الله الجنه وشارى اللوحه كمان .
ذكرت سالفة د ل خ 6 6 6
هههههههههههههه
أزيدكم من الشعر عمل خيري
الرجل قام بوقف مركز تسوق كامل (مول ) لجهه خيرية
صاحبي يعمل بإحدى الجمعيات الخيرية يقول هذا الرجل فقط في قسم كفالة الأيتام له 250 يتيم
صحيح الرجل أيضا شرى رقم آخر (7 ) ب حوالي 11 مليون
جزاه الله خيرا و أحسن إليه
للمعلوميه الرجل أفلس في سنة 2001 في أحداث سبتمبر حتى أنه يقول لم يكن يملك أقساط المدارس التي يدرس بها أبنائه
(و الله يرزق من يشاء بغير حساب)
كنت سأقول العقل نعمة..
ولكن بعدقراءة تعليقات الإخوان
أقول المال نعمة وقليل من يحسن التصرف بها..
جعل الله ماينفقه هذا الرجل في موازيين حسناته..
إذا كانت الأرقام تباع لتذهب ربعها لدور الخير ،،
فهناك أمور أفضل لابد أن تباع ويأخذ صاحبها نسبة من المال والباقي يذهب لدور الخير ،،
أفضل من لوحة تباع لا قيمة لها و لا معنى ،،
أحبتي ،،
ثم أن الإمارات ليست الوحيدة في هذا العمل ،،
عندنا وعندكم الخير ،،
ومقصد إبراهيم معروف لدى الكثير ،،
لا أظن أن قلم مثله يفهم خطأ
تحياتي
كثيرين إستاؤوا من بيع الأرقام بهالأسعار الخيالية
لكن لما انعرف السبب بطل العجب
صحيح إنه لو دفع هالمبالغ مباشره للجمعيات من غير هالدوشه الي اربكت الناس
لكن هذا الي حصل
على الأقل هو أحسن من غيره
تم التصحيح …. وأضم صوتي لعاشه
جميل جدا ما فعلته ،،
والأجمل تصحيح ما نجهله دون خجل ،،
أجبرتني على إحترام قلمك
تحياتي
أهلين عابره … وشاكر لك متابعتك … ومنكم نتعلم
أستغفر الله العظيم
الله يغفر لنا سوء ظننا ويسامحنا ويجزي هذا الرجل كل خير
والسـلام.
ياسلام عليك أ.أبراهيم كذا المصداقية في التدوين التراجع عن المعلومات وذكر الناقص بتوفيق يارب…..ومن المدونات المفضلة عندي مدونتك….والأن تقدمت إلى التوب ثري….
جزاك الله الف خير
أمـــــــــــــل
ياسلام عليك أ.أبراهيم كذا المصداقية في التدوين التراجع عن المعلومات وذكر الناقص بتوفيق يارب…..ومن المدونات المفضلة عندي مدونتك….والأن تقدمت إلى التوب ثري….
جزاك الله الف خير وترى المسألة مو سوء ظن .
أمـــــــــــــل
السلام عليكم …
أخوي العزيز والمقرب والمستشار الخاص إبراهيم
كان موضح من البداية وفي نفس المقال اللي نشر عن شرائه للوحة إن المبلغ سوف يذهب لجمعية خيرية وأنا قرأته من أول ما أشيع هالموضوع و إكتشفت إن العالم قرأت فقط العنوان الرئيسي ولم تقرأ حيثيات المقال !!!! وإن قرأوا المقال قرأوا الجزئ الخاص بقيمة اللوحة ولم يقرأوا أن الريع سوف يكون لجمعية حيرية .
إستعجلت هالمرة
لك خالص التحية و أتمنى أن لا تتعجل مثل البقية .
أخوك ( عزوبي السالمية ) بالأصح ( عزوبي الخبر )
سلام عليكم
المصمم توقيع : حسستني بالذنب ياخي
جزاك الله خير
——————-
JUST HOPE : لا ابشرك عندي مصداقيه واتراجع عن كل قرار خاطئ … بالله ما أصلح وزير؟؟
وعقبال مانصير في التوب تو ,,, وعلى قولتك الموضوع مو سوء ظن لكن سوء اختيار المصدر اللي جاني … وشكراً
——————
أحمد : هلا والله بعزوبي البايونيه
والله يابو حميد أنا الخبر وصلني كذا … والخبر اللي تقول عنه ماقريته … لكن الشباب ماقصرو وضحو الصوره … ونراك ياباشا
على فكرة الرجل لم يشتري هذه اللوحة فقط ، وصل ما قام بشرائه إلى 80 مليون درهم ،، ساحاول التقاط صور للسيارات وعليها الأرقام ، لأنه يسكن بالقرب منا ،،
والأعمال بالنيات فلا يمكن أن نظلمه أو نتهمه ، وكلنا يحب التميز في النهاية
بو خليل ….
أنا رجعت مرة ثانية هنا واعلق على الموضوع .. ما أدري هل تعليقي وإضافتي هذي راح يكون لها قيمة أو لا .. أنا ماراح أدخل بقلب الرجال و أقول إنه سواها للتظاهر ،، بالعكس انا راح احسن الظن بالرجال و أقول انه كان يبيها للخير حسب ما اذكر من نص المقال اذا كان ما اذكر صحيح ..
و أذكر ان هالرجال كان يواجه مشاكل مادية بعدين حلها و قدر يتفوق في مجال عمله الى ان يصبح الى هذا القدر .. يعني رجال عصامي ويتبرع من مال هو اللي كونه تراه شي جداً ممتاز ..
وهذا ذكرني في بيل قيتس(عصامي معروف) متبرع بثلاثين مليار دولار للجمعية الخاصة فيه هو وزوجته علشان المساعدات لاسيا وافريقيا ودول العالم الثالث .. فيه شخص ثالث بنفس الطريقة اللي هو وارن بوفيت (عصامي آخر) وكان هذا 2 اغنى رجل بالعالم تبرع ب 80 بالمية من ثروته لجمعية بيل قيتس وزوجته اماندا و قال بالنص ” ان الباقي من ثروتي وهو 20بالمائة كفيل بان يضمن الحياة الرغدة لابنائي واحفادي و أحفادهم ومن يليهم !!!! ”
طيب الشباب اللي عندنا هنا مافيه أمل يحسون ويسوون زي كذا
I WISH
تحياتي
عزوبي الثقبة
اقول الرجال فلوسه كثير
ويبي يدخل التاريخ
ويبي يصير مشهور والسلام
الى السيد الذي اشترى هذه اللوحة 25 مليون درهم كان اولى به اذا كان هدفه عمل خير ان يبقي عمل الخير مستور ولا يتم عن طريق مزاد, أنا اسأل هذا الذي دفع المبلغ لو قلت له ان عندي اختراع ان تحقق سيخدم البشرية جمعاء في مجال مكافحة الايدز هل لو حضرتك تبنيت مثل هذا الاختراع أنا اعطيك الجواب ليس انت فقط بل كل اغنياء العرب ليس عندهم استعداد حتى ولو لسماعنا
الحين اللوحة اللى اشترها بهذا المبلغ مب حرام عليةشو فلوسهم زيادةواللة حرام اشيمة اللوحةشوبيسوى فيها