نهاية الأسبوع هذي كانت حافله ومليئه بالأحداث سوف أذكر لكم بعضها
الأربعاء :
طلعت من السفانيه بدري شوي .. وتوجهت للبيت في الظهران وخلصت لي كم غرض مع البنك ومع بعض المحلات ورجعت للبيت وللأهل … وقضيت يوم الأربعاء في السوالف والإستعداد ليوم الخميس
======================
يوم الخميس :-
كنت عاقد العزم من قبل اسبوع ان هذا الأسبوع راح أروح لإستراحتنا اللي في الخرج … منها أغير شوي ونآخذ لنا جرعة بداوه 
وبالفعل .. بعد ماصليت الفجر يوم الخميس خذيت معاي والدتي حفظها الله ومعاي أخوي اللي أصغر مني سلطان وكان معانا الصغار يغيرون جو قبل الإمتحانات
وصلنا الخرج الساعه 10:30 تقريباً ..
اللي مو عارف الخرج .. أحب أقوله انها ورا الرياض بساعه تقريباً .. وهي تعتبر من المناطق الزراعيه وتشتهر بالتمور
المهم بعد وصولنا تقهوينا وعيننا من الله خير وصلينا الظهر وبعدها ضربنا بكبسة لحم من الحجم الثقيل … مما أطاح بي أرضاً لمدة ساعه ونص
وعلى العصريه طلعنا نآخذ فره ونشوف الحلال وعلومه .. ونشوف وش جد فيه .. لأني منذ مبطي ماجيت للإستراحه
وهذي بعض الصور من الرحل
( أنا بخلي الموضوع يفتح بصفحه ثانيه لأن بعض الصور مقاسها كبير … وراح تحوس تنسيق المدونه … ومافيني حيل أغير حجمها 
)
الأعلاف
وكان في الإستقبال
وهذا فحلنا ” هديان “ وأغلب أسامي الفحول تكون على وزن فعلان ( سوالف بدو )
وهذي صوره أخرى له … يمديكم على السيليكون ؟؟ تتعب هيفاء و أليسا وما يسوون زيه
وهذا فحل ثاني … بس لسه في سن المراهقه , علشان كذا عازلينه .. لأن الفحل الكبير لو قدر يوصل له ذبحه … شفتو كيف الغيره .. طبعاً مع اننا عازلينه إلا ان هناك محاولات من ” هديان ” للإمساك به حتى لو من وراء الحاجز .. بس للحين ماصاده
وهنا صور أخرى
أخوي سلطان اللي خاواني في الرحله
العامل يحط الزيت على بعض الأماكن لحمايتها
وبعد مايتعب العامل وهو يحط الزيت , تقهره وتتمرغ بالتراب
وهذي صور للماعز والأغنام
وهذي الغنم النجديه … فيها شبه من لاسي وخاصه البيضاء اللي على اليسار
ضحكت لما شفت التيوس معزوله … قلت حتى التيوس حاطينهم في قسم العزاب … كل شئ بالسعوديه عوائل وعزاب
هذا مولود قبل لا نجي بيوم … توه مايقدر يمشي … يوقف ويطيح
وهذي تيوس حديثة ولاده … تناقز ومستانسه … وماتدري ان الربيع جاي ومنيتها قربت ( المندي )
وهذا النوع اسمه ” البربري ” ويجي من السودان … العام في الربيع كان أبوي وأخواني مخيمين في البر … ولما جابو هالنوع وفكوه مع الغنم … الغنم أول ماشافته انحاشت تحسبها كلاب … 
وفي آخر اليوم على قولة فواز … فنجال وعلوم رجال
وبعد ماتعشينا نمت على الساعه 11 لأني ثاني يوم راح نمشي للدمام بعد صلاة الفجر … لأني مرتبط بموعد بعد صلاة المغرب … بس الموعد هذا تكنسل …
وهذي الصوره كانت وداعيه على وقت الإشراق … وبعد ما أفطرنا
===============
يوم الجمعه :
وعلى صلاة المغرب … كلمت محمد بن سالم أسلم عليه, وكان في الخبر … وتواعدت معاه بعد صلاة العشاء
وتعشينا عشاء مظبوط … كان في مطعم المرساه
وكان العشا عباره شوربه بحريه مشكله ( فيها كل شئ يتحرك في البحر ) ومعاها هامور بالفرن ومعاه سمكه لونها أحمر مدري أيش إسمها , محمد اللي اختارها , بس اللي متأكد منه إنها كانت مشويه وطعمها خطير … وكان إختيار المطعم موفق
وبعدها مرينا كوستا كوفي اللي على الكورنيش و كان فيه نهاية الويكند … لأني بعد ماطلعت منه على طول رحت البيت ونمت … إستعداداً للعوده الى السفانيه في الصباح الباكر
تقريباً قطعة في هذي اليومين 1000 كيلو
وهذا ما أحببت أن أشارككم فيه
عذراً لرداءة الصور .. لأنها بكاميرا الجوال
 .
شعار الحمله :
<a href=&h=75&w=100&zc=1)
بعض الناس بيقومون عليك حق
جاي عندهم ولا علمتهم !
ماشاءالله
الله يبارك في مالكم وحلالكم
وخاصه الحين الجومناسب لمثل هالطلعات… وأنا عندي الأهل كل إسبوع الويكند مقظينه في المزرعه بس أنا ماأحب أطلع برع دبي
بس حبيت أعرف شو تعني إستراحه عندكم
هل هي نفس المزرعه عندنا في الإمارات؟؟؟؟
مبين رحلة طيبة أخي ابراهيم
وصورة رائعة وتعلمنا عن الغنم والأبل الكثير مشكوووووووووور والله
عجبتني حييييييييييل العزبة ،،
ممكن يوم سلف فيها
الله يديم عليك الوناسة
تحياتي
أنا هوايتي تربية الاغنام ومالي في البعارين
والغنم اللي فوق تجنن , رغم إنها ماهي نفس الصنف المطلوب
تمنياتي لك بالسعادة الدائمة
حمدا لله على سلامتكم ….
أجازة موفقة , وأهم شي تغيير الجو ونمط العمل …
دمت برعاية الله
شي رائع يا ابراهيم .. تستاهل هالمتعة مع الطبيعة
أعتقد أعتقد إن مثل هالأجواء غير موجودة عندنا – او موجودة و انا خبر خير-
والله الطلعه ما تنمل معك اخوي ابراهيم..
و بعدين يعني عشان الأخوة المطاوعه غثونا بحكايه العزاب و العوائل تروحوا تغثوا التيوس كمان
مكسر : طلعت خرجاوي ؟؟ والله يابن الحلال بالنسبه لي أنا ما أعرف أحد في الخرج علشان كذا مابلغنا أحد لكن المره الجايه نبلغهم
===========
عاشه : الله يبارك فيك … وبالنسبه للإستراحه هي تقريباً نفس المزرعه … بس الإستراحه مايكون الهدف منها الزراعه .. تكون غالباً أرض كبيره ويكون فيها بيت ومجالس ومسبح واللي عنده حلال يحط له حلال … زي كذا
===========
أبو مروان : هلا فيك يا ابو مروان … والحمد لله اللي استفدت مني شئ
===========
لا أبد متى مابغيتيها دقي على شايبي … هو راعي الحلال 
عابره : مافيه سلف … فيه دفع مباشر ..
===========
هلا علوش : الأغنام فيها خير … وانت قصدك الظاهر النعيمي !! النعيمي كأني شفته بس ماهو طالع بالصوره
===========
بدر الشايع : والله ما أخفيك كان جداً مهم هالتغيير … هلا بك يابدر
===========
فاطمه : هلا بك وتستاهلين الخير … والظاهر عندكم مناطق للإستراحات والمزارع .. بس فيه كثير من أهل البحرين يمتلكون مزارع عندنا بالشرقيه
===========
هلا ابو سالم : التيوس يوم قربت منهم انبسطو قالو شكل هذا زقرت وبيفكنا عليهم لوووول … بس بيني وبينك شوف يوم عزلوهم المعزا ارتاحت وصارحت تاخذ راحتها … بدون ماتخاف من تيس يجي ينكد عليها
.
.
.
إجازة موفقة …
لكن شربتوا حليب ” البل ”
سلطان
أنا ليلى الغماري من مواليد 1988/11/01 بمدينة فاس – المغرب
أكتب مشكلتي هاته لكي تشاركني وتفيدوني بآرائكم.
http://oumerzoug.blogspot.com/2007/11/blog-post_23.html
مصيري بيد الله وبين أيديكم الآن.
بعارين متعقده منهم
بسوى فاهمه هذؤلا مجاهيم خخخخخخخخخخخخ
مجاهيم ووضحى ومدري أيش
خلال الثلاث سنوات الى راحت صارت هواية بابا الله يسعده بس نفسي اعرف أيش سر الادمان عليهم.
بعض ناس كاتبين حليب (البل)أنا أحسن دائماً أقول حليب جمال ههههههههه وأسمع كم كلمة.
حليب ناقة ولا على قولت اخوى سيف حليب الجمله.
وأجازة ممتعه بس أحسن مافي الموضوع شبت النارررررررررررر
أمـــــــــل
مشالله حللت هاليومين تحليل على مستوى
بس فله مزرعتكم وخقيت على الصورة الخامسه الزرع مشاللله اخضضضضضضضضضضضضضضضضر ما تأجرونه بس كم يوم
وترا معلومه جديده تو اعرفه منك وهي قرية السفانيه لأني ماكنت اعرفه قبل
واجازه ممتعه دائما وابدا
سلطان : هلا والله سلطان … والله هالمره مافيه حليب … بزرانهم كبرو
…
لكن فيه إنتاج قريب إن شاء الله
==========
بس بيني وبينك خساره .. مصاريفها كثير
أمل : صحيح هذي مجاهيم … ” ولا تسأليني يوم عن سر الإعجاب ” .. بس الإبل فيها شطاره … يعني لما تعرف راعيها وتدري انه هو اللي يطعمها ويستتها .. تلقينها لما تشوفه تجيه وتحسسه بالمحبه … وعلشان كذا تلقين الواحد يبادلها الشعور .. يعني بعضهم من يوم يقبل عليهم بسيارته تشوفينهم يجونه طيران … عيارين صح ؟؟
وعلى طاري حليب جمال … انتي اهون من واحد من الشباب من أهل الحجاز .. يقولي والله حليب البعرونات ميه ميه
وشباب النار ياشبابها
==============
لارا لونا : هلا بك … ولا يغرك الأخضر تراه برسيم هههههه بس الصوره مخليته كأنه من ( فيينا )
وبالنسبه للسفانيه … السفانيه اللي أقصدها مو قريه … هو موقع لأارامكو على طريق الكويت .. زي شيبه اللي في الربع الخالي … بس هذي قبل الخفجي ب 60 كيلو … بتشوفين مكتوب ( السفانيه , تناقيب )
===========
تقرير حلو عن أملاك الوالد إلى في الخرج بس ليش ما طلعت صور النعام والغزلان والبركة عشان الناس تشوف الآستراحة صح !!!!!!
المرة الجاية لازم تطلع هذي الصور زين
الحد على السلامة أخوي العزيز
ماشاء الله ويكند كششششششخة
مدري حسيت ريحة الأغنام والجمال شي ما ينطاق >> قرفت مو متعودة
بس آخر شي عجبتني الصورة الأخيرة (الشروق) شيييييييييي والله فنانة
ربي يجعلها بداية الأفراح يا ابراهيم
هلا والله أبو همااام … ههههههههههههه غزلان ونعام أجل … الغزلان والنعام كانو بالاستراحه الثانيه اللي فيها الطاووس والتماسيح مو في هذي الاستراحه
الله يسلمك أخي الأعز
===========
asma : لالالا مافيه ريحه … حنا شارينها طلبيه بدون
… لا هي تطلع لها ريحه اذا كانت في مكان مسكر ولا ضيق ولا مايتنضف ويندفن … بس اللي عندنا تندفن كل فتره وبعدين محلها مفتوح من كل حته …
أجل أنا فنانه ؟
أهم شئ انها عجبت مصوره محترفه
حليب بعرونات هاه ……..
ههههههههههههههههه
الله يقطع شرك والله اني قاعد أضحك لو دخل علي واحد بيقول “الحمدلله على العافية”
بس كويس الثقافة اللي نشرتها ………. خلي الناس يعرفوا حياة الرغد وفلة الحجاج اللي يعيشها البدو ..
أشكرك على النقل الرائع والمميز ,,
LOOOOOOOOOOOOOOOOOL
دمك خفيف .. أفطس على تعليقاتك !
بس ذابحني الاسود أنا .. تبيعونه؟!
خخخخخخ
ناقصكم بس غزلان !
أمسات يالسة أكل خبز ويا صالونة
عقب اكتشفت انه لحم غزال ..!
يوم كامل لايعة جبدي s:
بالعكس يا ريال بوست مميز و الصورة تجنن : ) حسينا بالجو عندكم !
DUBAI : هئ هئ هئ الأسود هذا بس للإغراء ههههههه
وودنا بالغزلان .. بس يقولون ريحتها ماهي زينه ( والغنم ريحتهم دهن عود يعني ؟؟ )
وانتي صادقه الغزلان مادري وش يبون فيها ؟؟ أنا من مشجعين الدجاج والغنم والتيوس .. لكن سالفة غزلان وحبارى وضبان وجرابيع وفقع ماتمشي معاي … اخلي البطاطس واروح اكل فقع؟
وحياك الله يادبي الشاليهات
ثامر الطويرقي : ثامر انت انتبهت لتعليق محمد اخوي ؟؟ أبو همام
اول مره اشوف مطوع يهايط هههههههههههه غزلان ونعام اجل يابو همام
[...] زيارتي الأخير للخرج واللي كتبت عنها هنا لو تلاحظون ماكان فيه صور لدجاج ولا لحمام … مع انهم [...]
لو كنت خرجاوي كان قوّمت عليك حق .. :p
ما شاء الله تبارك الله – جد تدوينة رااااائعة والتصوير رائع – عيشتنا جو رائع مع هذه التدونية
والله جميل
صور جميلة وكلام أجميل..
يعطيك العافية : )
مااااااااااااااااااااااااااااايصير تجي الخرج ولاتعلمنا عشان فوت علينا لقاءك الجايات اكثر على اية حال الرحله يبدوا انها كانت جميله وممتعه وخاصه الفحل المراهق مشاء الله حلالكم واجد مع اني ما اعرف في الحلال كثير خاصه البعارين ياخي ياهي نذله خاصه مع العامل
اقول ماقلت المزرعه اين تقع (وينها فيه)
….ماكسر ابلع العافيه…. وهذا كاس مويه
مكسر : لا أثبت انك سعودي ميه بالميه … لأنهم احسن ناس يركبون الواحد حق .. وسوق الغنم هو الكسبان
============
يوسف منصور : هلا بك اخوي يوسف … والجو بيكون اروع لو كنت معنا
محمد : وانت اجميل بعد
==========
نكهات : طلعت انت الخرجاوي الخفي … وبالنسبه للموقع … في الهياثم
[...] زيارتي الأخير للخرج واللي كتبت عنها هنا لو تلاحظون ماكان فيه صور لدجاج ولا لحمام … مع انهم [...]
[...] (more…) [...]
أي ولة بلكعبة شريفة فلست سامعة من وحدة
ايش الحركات يابرهووووووووووووووم
الله يسعدك
ماشاء الله تبارك الله
الأستراحه واااااااااااااااااااوز والجو بعت
أهنيك ع الصور بوووش صورت البعرووره ياللي حاووته سيركونـ شي
بعتينـ لا سي ماكأنه جاي بالغلووت
الله يجعلـ أيامك كلها وناسه ..!