الهايدرو تيست بكل بساطه , هو عباره عن اختبار تقوم به الشركات النفطيه للأنابيب قبل تشغيل المشروع .. والهدف منه .. هو اكتشاف التسريب ان وجد . عن طريق وضع خط الأنابيب تحت الظغط .. لمده معينه .. عن طريق اغلاقه من الجهتين ومراقبه الـعداد لمعرفة ان كان هناك تغيير في الظغط .. فيجب ان يكون الضغط في الجهتين متساوي
يعني تدخل ضغط 1200psi تلاقي 1200 psi
ومسموح بفرق ما يتجاوز 5%
فعن طريق هذا الاختبار الغير اتلافي .. نتمكن من معرفة وجود التسريب .. وتحديد موقعه .. وعلاجه
وهذا الاختبار قمت به مئات المرات .. وآخر مره كان قبل يومين
واليوم بعد قرائتي لموضوع تميم واللي كان تحت عنوان : مرضى يطردون من المستشفيات .. ودخل البلد بالترليونات
قلت بخاطري .. الظاهر الديره هي اللي يبي لها Hydro test ونشوف هالتسريب بيكون وين ومن مين وبنشوف وشلون بنعالج هالتسريب
طبعا في الـ hydro test نستعمل الماء او الهواء
ولكن هالمره بنستعمل المخلصين … وبنشوف تسريب الفلوس من وين
وأنا متأكد انه فيه تسريب … لأننا ندخل 1,860,000,000,000 ريال
وفي المقابل نلقى المستشفيات لا تستقبل المرضى
والطلاب لا يجدون جامعات
والخريجين لا يجدون وظائف
والشوارع لها سنين تترمم
والكباري تنهدم
والطيران مايلحق
والوزارات تشتكي من قل الفلوس
والوزراء بيوتهم تصير قصور
والدوله ما وظفت الا 800 ألف مواطن
وجوازاتنا بفلوس
ورخصتنا بفلوس
والتلفون بفلوس
والكهرباء بفلوس
والكحه بفلوس
والمدرسات يموتون على الخطوط بسبب تعيين في آخر الدنيا
و أطفال الشمال يموتون من البرد بسبب بيوت الصفيح
والمواطنين لا يجدون مايكفيهم الى آخر الشهر
والدقيق خلص
وشطة سومطره صارت بريالين ونص
وبعد كل هذي النتائج .. هل تلاحظون انه في فرق بقرائة النتائج؟
وهل تحسون انه وجب ان نشوف مكان التسريب من وين؟
لازم نسوي الهايردوتسيت بس المشكله .. من اللي بيسوي الاختبار هذا؟
عساك على القوة : ) . أنت سووه
و الله يعينك على التسريب.
أنا أقترح يسون فريق يرئسه كلاً من :
أنت وتميم
ولو تبغون مساعدة إحنا حاضرين
والله ضحكتني من جد
ولمن شفت الدخل
قمت أصيح 
يا رجال احسن لنا ما نسويه .. تدري ليش؟
لان انابيبنا كلها تسريب .. يعني الضغط بيطلع 0 في الجهتين ..
الله يصلح من حالنا ..
أخاف مايوصلك شي في الطرف الثاني ولا تقدر تقيس …
الدعوى تصدعات في المواسير وخوفي تنفجر بوجهك
السلام عليكم :
ابو خليل كيف الحال ؟
يقولون ( أي مشكلة في الدنيا اذا لم تحل فحتم هناك مستفيد لآنه اذا المشكلة كانت عند كل الناس مشكلة فسوف تحل !!!
لكن الحقيقة هي عند بعض الناس مشكلة وعند بعض الناس فرصة لـ ؟؟؟؟؟ والمشكلة أن اصحاب الفرصة هم من بيدهم حل المشكلة !!!!
أرجوا يكون كلامي واضح
والله فكرة مجنونة
تدري لو عملوا الاختبار شركة خاصة نزيهة ومستقلة
ولا وزارة تنجح في اختبار Hydro test!!!!
يا أخي الوضع عندنا ما هو تسريب بس إلا بيباتنا(الوزارات) مفقعة كلها من أولها لآخرها
ابحث عن المستفيد دائما
بس ضحكتني من جد
الحقيقة أخوي إبراهيم تمهيدك للموضوع أكثر من رائع عشرة على عشرة تصلح مدرس
القضية مو تسريب وبس
القضية أكبر من كذا 
التسريب خطر على الشعب ممكن يسبب لهم أختناق إذا لم يتدارك الموضوع 
في حفظ الرحمن ..
تضمن لي يا إبراهيم ما يكون فيه تسريب من أحد جهتي الضغط !!؟
الله يستر من المستور..
صدمني عدد الدخل!!
يعني كيف الدولة ما قادرة تغطي حاجاتها من جميع الجوانب أول على الأقل تغطي كذا جانب..
مدونه تستحق المتابعة ^^
معليش يابراهيم نظريتك هذي ما تنطبق على مواصيرنا ، تدري ليش ؟، لأن الماصورة مكسورة .. يعني لا تعب حالك وتشوف وين التسريب
يبيلنا ندور احد يصلح الكسر
والكحه بفلوس
ايــه والله بهذي انا اشهد
لكن التسريب في كل مكان لو تبتل
لا إله الإ الله .. شطة سومطرة بريالين ونصف .. هذي يبيلها إختبار يا إبراهيم .. سومطرة أهم من اليمامة .. رح لليوتيوب .. بتحصل So What عن اليمامة !!
ولو عرفنا فرضاً انه فيه تسرب وضغط وووو
اش الحل?
فكرك راح يتحاسبوا?! بالعكس كل واحد فيهم راح يزيد فساده ويطول لسانه أكتر وأكتر! ما هم ضامنين نفسهم وعندهم غير الحساب حسابات!!
أخوي ابراهيم اذا ماعندك علم
ترى سوو للوزارات ضغط
وللأسف أنفجر البيب فيهم وهم في حاله حرجه أنشاءالله لما يقومون بالسلامه
يعيدونالأختبار ويشوفون وين المشكله
ادعو لهم بالسلامه
خخخخخخخخخخخخخخخ
يقطع ابليسك يا شيخ ..
بالله تتوقع اننا نحتاج هذا الاختبار .. ؟؟؟؟؟؟؟؟؟؟؟
هذا الاختبار تسويه للأنابيب اللي (الأصل فيها تكون سليمة) وانته بس تتأكد من عدم وجود خلل فيها ..
لكن الأنابيب اللي (الأصل فيها تكون مضروبة ومفقعة وانته تشوف بعيونك انها تهرب من كل مكان , وتشوف انه في بعض الأماكن خارمينها عمداً حتى يشفطوا منها , وأماكن التهريب فيها يروح تحت الأرض , و ………..) هذي وأنا أخوك تكلف الدولة واجد على غير فايدة لأن العطل فيها واضح ..
فالرجاء يا ابراهيم انك تحافظ على مال الدولة العام ولا تسوي اختبار نتيجته معروفة مسبقاً ..
هذا ان كنت حريص على مال الدولة .. !!!!!!!!!!!!!
يا ابراهيم ..
اتسع الخرق على الراقع
لوووول
ابراهيم ضحكتني D:
اتمنى يسوونه بالكويت بعد
مصائب قوم عند قوم منافع =) لا تنسى ان ربعنا يؤمنون بهالشي حيل و مره على قولتكم =)
أبشرك من الآن بالفشل الدريع، المشكل من اللي بيعمل الهايدرو تيست..التسريب منو هو..
و لما يخيب أملي أصبح أزفت من الزفت 
فهمتني و لاّ ابدا أكسر.. سبوني عليه 
أتمنى ما تكون إنتا هذه المرة اللي يقوم بهاذ الشغلانة، لأنك ساعتها حتخيب أملي فيك
اموقع الأسواق اليوم منزلين تقرير اليوم بهذا العنوان:
السعودية الدولة الأغنى في المنطقة أكثر من 1.5 مليون من سكانها فقراء
http://www.alaswaq.net/articles/2008/06/12/16525.html
والله يا ابوخليل اظن انه الهيدرو تست ما يصلح… يبغالنا ربيير (كت وري ولد و100 % ان دي تي)
الله يصلح الحال ويصلحنا ويصلح من تولوا امر العباد
إيه وش تقول وش تخلي
الشق أكبر من الرقعة ولو سويت زي ماقلت هايدروتست لمللت ..
الله يصلح الحال ويوفق الجميع
اختلف معاك تماما اخوي ابراهيم… لا يوجد تسريب ولا هم يحزنون.. اللي يدخل الإنبوب 1200 psi ويطلع من الجهة الثانية 1200 ايضا.. ولكنه يصب مباشرة في حسابات اللصوص.
طبعا بعد ما يصب.. يرمون لنا شوي من هنا.. وشوي من هناك.. اكتتاب من هنا.. وتأسيس من هناك.. (طبعا بعد اسبوع يشترونه مننا مرة ثانية).. وهم يملكونه للأبد… بس على الاقل.. خل العايلة تطلع لها 1000-2000 كل كم شهر
من جد الله يرحم حالنا
انا دايم افكر هاذولي الي يستلمون ٥ او ٧ الاف بالشهر تكفيهم ؟؟
انا اخذ حليب لبنتي العلبه ٥٠ ريال صارت ٦٥ و ما تقعد الا اسبوع
الله يعين
شكراً لكل من مر وعلق .. وشكراً لمشاركتي الفكره …
واثاريكم كلكم ودكم تسون الهايدروتست وساكتين
القلوب عند بعضها