في الأمس تنازل صاحب الفكره الذهبيه في السعوده السفليه
والتي تهدف الى البدايه في سعودة جميع الوظائف السفليه وترك العلويه
تنازل ونزل الى أحد المطاعم في مدينة جده للعمل كقرسون لمدة ثلاث ساعات
بمناسبة اليوم الجديد المسمى بيوم ” الضيافه السعوديه ”
والذي أُقر أن يكون في تاريخ 22 يونيو من كل سنه
وانا هنا أقولك عسى ما تكلفت طال عمرك؟
استغرب اصرارك على سعودة المطاعم واسواق الخضره والحلاقين
مع ان الشركات الهندسيه والنفطيه والقطاعات الصحيه تعج بالأجانب
في نفس الوقت اللي ابناء هذا الوطن من الخريجين المؤهلين قاعدين في بيوتهم
الى الآن اغلب الشركات اللي تعاملت معها تكون السعوده فيها مقتصره على القطبين
في قمة الشركة يتربع صاحبها السعودي
وفي الغرفه القريبه من البوابه الخلفيه للمبنى يقبع الشاب السعودي صاحب دبلوم الحاسب الآلي
أنا بسئلك يا سعادة الوزير؟
ليه مزعجين القطاع الخاص ومأذين العالم بالسعوده … والحكومه لم توظف الا 803.663 مواطن؟
وهذا الرقم مأخوذ من التقرير اللي قدمته وزارة الخدمة المدنية الى مجلس الشورى..
800 ألف مواطن بس..
أليس من الأولى أن تقوم الدوله بدورها تجاه شعبها ومن ثم نتجه للقطاع الخاص ..
النقص واضح في جميع القطاعات .. وخصوصاً في وزارة الداخليه ووزارة الدفاع
وبعد الإكتفاء الفعلي نروح للقطاع الخاص
ونبداء بسعودة رأس الهرم ومن ثم نبداء في النزول الى الوصول الى الحلاق والخضرجي.
ورجوعاً الى موضوع القرسون .. ودام انها وظيفه كريمه وتعلم المثابره
متى بنشوف ولد سعادتكم يخدمنا في احد المطاعم؟
ولكن لا نريده يخدم لمدة ثلاث ساعات بس … لا لا لا ماراح نشبع منه 
نبيه يكمل فيه ويآخذ الـ 3000 ريال وبعدها يعزمنا على عرسه ونفرح بعياله لما يجيبهم معاه للمطعم ويعلمهم فنون تقديم الطبات لكي يرثون وظيفة المثابره من بعده ..
فالأقربون أولى بالموضوع يا سعادة القرسون
وما أقول الا
==============================================
اكثر شئ قهرني في الموضوع .. هو تلميع صحافتنا المحليه لهذا التصرف
بل ان احد الصحفيين قال تعليقاً على هذا الخبر ان الدكتور اراد تعديل الصوره
وذكر
إلا أن الطفرة التي حدثت أسهمت في تغيير كثير من الأوضاع الاجتماعية وأثرت في شخصيات الجيل الحالي، ما جعله يعزف عن ممارسة العمل المهني، معتقدين أن هذا العمل هو للفئات التي مستواها التعليمي متدن أو وضعها المادي ضعيف.
نعم ايها الجاهل
هذه الوظائف لأصحاب التعليم المتدني والوضع المادي الضعيف
يعني بتكون لخريجين علم الفيزياء النوويه؟
*********************
ذو صله:
السلام عليكم
أخوي ابراهيم
ليس عندي أي فكرة عن موضوع سعودة الوظائف الدنيا ولكن من خلال قرائتي لهذا الموضوع أستطيع أن أقول أن الدكتور غازي معاه بعض الحق.
سعودة الوظائف القيادية أو العليا (أو التكويت مثل ما يستخدم عندنا) هو شعار لدغدغة المشاعر فقط ولا يحل المشكلة عندنا. الناس نسوا أن لا عيب في العمل وفي طلب الرزق ويحتاجون الى تذكير. مهما كان الشعب متعلم ومن حملة الشهادات، لا بد أن يكون هناك شريحة لا تحمل الشهادات التي تؤهلهم لشغل منصب محترم. ماذا نقول لهؤلاء؟ هل نطلب منهم البقاء في منازلهم أم نعطيهم وظيفة شكلية ونخلق قناعة مبطنة؟
أنا مع رفع كفاءة المواطن ليتمكن من أداء وظيفة قيادية معينة ولكن لا يمكن احلال كل الوظائف العليا. يجب أن يكون الاحلال من خلال غلق السوق وعدم السماح للشركات باستقدام الموظفين من الخارج الا اذا اثبتت أن هناك نقص في الكفاءة. وبعد غلق السوق جعل المنافسة الشريفة هي التي تحكم ان كان من سيحصل على المنصب سعودي أم غيره. وبهذه الطريقة حققنا أمرين، الأول العدالة والثاني الروح التنافسية التي من شأنها أن تجعل من الانسان مجتهد وحريص على تطوير قدراته الشخصية.
تحياتي
أعتقد إبراهيم أن الوزير فعلا ينظر إلى الفئة غير المؤهلة، من العاطلين. على الأقل، أكثر حديثه دائما يتمحور حولهم. ولم يدع الطلاب الجامعيين مثلا إلى هذه الوظائف.
شخصيا، أعتقد أن الدكتور القصيبي يحمل فعلا همّ هذه الفئة، كما أعتقد فعلا أنه أحد أفضل الموجودين. ولكن المهمة هذه صعبة جدا، في بلد يحتاج الكثير من الإصلاح ومن جوانب عدة. ولربما أكون على خطأ.
أجمل تحية
معروف عن غازي انه يعرف يتعامل مع الاعلام
و يستخدم الكلمات بطريقة ذكية , الدلائل كثيرة .. اما احدثها فهالصورة اللي لا اخفيك سرا ضحكتني وايد
مقال قوي يا ابراهيم
شكرا
هههههههه
ابراهيم أنا اتفق معك بأن غازي القصيبي بات يفضل أن يتحول لظاهرة على أن تختفي قصصه من كلام المجالس لكن للحق تعجبني طريقة تفكير الرجل
ولا اسمع كلامك يعجبني واشوف افعاله استعجب وصرنا ما ندري المشكلة فيه ولا من غيره خاصة ان اللي قبله ما قدموا شيء يذكر
بس بيني وبينك عندنا شباب لهاللحظة يعتقدون ان الوظيفة لازم تتفصل على المقاس ولا ناس يحسبون ان الثانوية العامة مع كم دبلوم تشفع له يقبل بأي عمل
غازي القصيبي مو فاهم ان هذي الفئة ما تشجع بعمله هذا بل بشد آذانهم وافهامهم ان الشغل موجود ولا هو عيب والقوانين “اللي بيتم فرضها” بتكفل حقوقهم بالعيش الكريم
ولا وش رايك فيهم ؟؟؟
صلاح : هلا ابو الصلوح .. هذا اللي حصل يا استاذ صلاح .. الدكتور غازي صعب الاستقدام مما ادى الى رفع رواتب العماله .. وذلك لندرتهم ..
واتفق معك في كون السعوده الكامله صعبه .. وان الشغل ماهو عيب ..
لكن ياعزيزي لماذا يفرضون على الشركات الصغيره السعوده في الوظائف ذات الدخل المنخفض ؟
لماذا يتم التركيز على القطاع الخاص ونسيان الدوائر الحكوميه
لماذا لا يتم تحديد حد ادنى للرواتب ..
هل تعلم ان رواتب هذه الوظائف لا يتجاوز ال 3000 ريال ؟
يعني ماراح يقدر لا يفتح بيت وباليالله بيقدر يعيش .. ولا توجد لدينا مساعدة حكوميه مثل اللي عندكم ( دعم القطاع الخاص ) .. بحيث يكون المطعم يدفع راتب الموظف وهناك مبلغ اخر من الحكومه ..
وبالنسبه لأن الشغل ماهو عيب فانا اتفق معك
==================================
خالد العيسى : هلا ابو محمد .. مساك ورد ..
اختلف معاك تماماً .. فمنذ قدوم الوزير القصيبي لم يطلع علينا باي قرار في خدمة السعودي … فأنا كوني مواطن سعودي .. لا أرى كون توفير وظيفه بمبلغ 1500 ريال اي شئ .. واعتبرها خيانه في حق هذا المواطن اياً كانت شهادته …
واخوي خالد يجب ان لاننسى ان هذي الوزاره تعني بكل الشرائح .. فلا يجب التركيز على فئة العاطلين فقط .. ومحاولة ايجاد اي وظيفه لهم لاخلاء المسؤليه
وكلنا عيال قريه ياخالد … 1500 ريال وش بتسوي؟ بتمنع من الشحاته فقط
ليه مايتم توفير وظائف كريمه لحملة الثانويه؟
لماذا لا يتم تحديد حد ادنى للرواتب ويكون معقولاً بالنسبه للوضع اللي نعيشه ..
صدقني الحلول كثير .. لكن انا متأكد انها ماهي بيد الوزير ..
وتحياتي لك يالغايب
اتفق معك بكل كلمة قلتها يا ابراهيم..
من ناحية السعوده ، ما احس ان تم تطبيقها بمعنى الكلمة، ما زال الكثير من الشباب بدون وظائف ومعهم شهادات عالية.
والبعض منهم “مضطر” يقبل اي وظيفة بأي راتب بس عشان يقدر يصرف على اهله ويستر عليهم ..
الوظائف هذي ما فيها اي عيب ، لكن من غير المنطقي ان يقبل فيها انسان معه شهادة عالية تعب ليل نهار بالدراسة عشان يحصلها !
كل شهادة ولها مستوى وظيفي ، لكن ….
السكوت ابلغ في بعض الأوقات
ورق مخطط : نعم يعرف اختيار الكلمات .. فمن الشغل ماهو عيب الى يوم الضيافه السعودي الى هالصوره .. واضحكي وانا اخوك .. فهذا الشئ الوحيد اللي يسلينا في الموضوع
==========================================
الفيلسوف : هلا والله بدكتورنا
وحمد الله على السلامه وخارج من الشر 
بالنسبه للفئه اللي تقول عنها .. انا اقولك وش علاجهم .. علاجهم تعرض عليه وظيفه مناسبه لمؤهلاته .. وله الحق في رفض ثلاث وظائف .. وبعدها الوجه من الوجه ابيض ..
وعلشان اوضح كلامي اكثر .. انا اللي ماهو عاجبني في الموضوع .. ان كل التركيز على الوظائف ذات الراتب المتدني .. وللمعلوميه هي بالاجبار ..
فليه مايتم اجبار الشركات على سعودة الوظائف ذات الدخل المرتفع.. ضمن شروط معينه .. مثلاً اذا كان منصب معين يشغله اجنبي .. وموجود سعودي بنفس المؤهلات والكفاءه والخبره .. ليه مايتم السعوده او الاهتمام بالمناصب
مشكلتنا ياناس ماهي في الناس العاطله بس ..
ياكثرهم المهندسين اللي اعرفهم وقاعدين يشتغلون لي في شركات خاصه كمشغلين .. ايه ليه طيب؟
القلب مليان يادكتور
يا أخي أنا متشائم من هالرجل .. أي واحد يتكلم عليه لازم ياخذ تذكرة على أحد فنادق سويسرا ..
بعدين أن شايف إن كلامك هذا في غاية التطرف , وإلا كيف تفسر تحدثك على رجل اكتسح الوزارة تلو الأخرى , بينما أنت (مجرد) مواطن !
بعدين يا أخي عندك شي تبي تقوله للسيد الوزير رح له في بيته وخله بينك وبينه , وأنا أراهن أن السيد الوزير راح يباشر عليك دون الجراسين كلهم
بالنسبة لمطالبتك له بالاستقالة , فلا أوافقك فيها ( إلا في حالة واحدة فقط ) وهي أن يتعهد معاليه بأنه سيستقيل من هذه الوزارة , ويذهب إلى الوزارة المجاورة .. وعاش راسك يا وطن !
وله الحق في رفض ثلاث وظائف .. وبعدها الوجه من الوجه ابيض
هذه الفكرة بالذات لطالما تحدثت عنها مع من حولي ولم أقابل الا بالتطنيش
وزارة العمل يجب أن يكون لديها سجل ومعايير واتصالات ببقية المسؤولين والوزارات لتحديد الموارد اللازمة للحياة الطبيعية والمستقرة للشباب الذين سيوظفون
للشاب عملان من وزارة العمل ان طرد أو تكرهما بدون حجة وتحت رقابة اللوزارة فلا يحق له المطالبة أبداً بأي شيء
وأنا والله معك اشوف الناس حولي بشهادات عالية ماهي لاقية تتوظف والأمر ان المدير الأجنبي يتحكم فيهم بنوع من التعالي “والاستنجاس” بالتضييق عليهم وتطفيشهم وافهامهم أن ينسوا الكراسي الأعلى منهم
اللوم ليس على الاجنبي أبداً وليس الحل بنسبة الشر المطلق ببشر بعينهم
مشكلتنا بالرقابة والمتابعة المعدومة بكللللللللللل وزاراتنا وكللللللللللللل مؤسساتنا الخاصة وككلللللللللل المدارس والجامعات وغيرها وغيرها
طيب ابراهيم ايش رايك اني ما أؤمن بكل وزراءنا لأن من ذاق العسل وحلاوة القرب “والمخاواة” وما يعقبها من الاموال يجب أن يمنع من اخذ أي منصب رسمي
أجل وزير تجارة يكون تاجر حساباته بالربح والخسارة بمنطق الملايين ويبغونه يحس بأهل بيوت الصفيح بالشمال … وين صارت ذي؟؟
[...] لكن ما أثاره في عقلي هذا اليوم ما قرأته في مدونة إبراهيم عن معالي [...]
ودي أعرف وش اللي يعجبك إنت طال عمرك ؟؟
..
يا خي خف على الوزراء !!! ” شنوحك ” عليهم ؟؟
عاد لا أحد يحكي بمسيو غازي , فلته هالرجال الله يحفظه
وبالنسبه للسعوده .. انا أقول يبدون بالوظايف الصغيره أول .. لأن البلاوي قاعده تجينا من هالعماله الفاسده واللي منتشره أعوذ بالله !!! صار في الرياض أكثر من ( بطحاء ) حسبي الله ونعم الوكيل !!!! وبعدين نرقى السلم حبه حبه ونشيل الكبار
..
بس انا أقول ترفق يا اخوي بالوزراء .. تراك ضيقت عليهم
!
هالآدمي ما أحب سيرته
أكره اللي يتعامل مع الشعب على إنه شعب غبي و هو الذكي !
وزرائنا مبتلين بحب الكاميرا والفلاش ..
ممكن جداً أن نهدف لسعودة هذه الوظائف لماّ يكون سلم الوظائف العليا مسعّود
مالذي ينقصنا لسعودة آلاف الوظائف التي تعطى لأجانب لايملكون من ميزة سوى “لغة إنجليزية وشعر أشقر” وأحياناً “لسان لبناني”
*
ولنفترض أننا بالفعل لاينقصنا سوى سعودة هذه الوظائف ..
ألا يوجد حد معقول لرواتب هذه الوظائف؟
ماذا تفعل الثلاثة آلاف في بلد مثل السعودية؟
اخوي ابراهيم مشكور على اثارة الموضوع، من جد حركة ترفع الضغط..
مع إني مع فكرة أن السعودة ممكن تبدأ من تحت بس إلى متى، وبعدين الشغله مو شغلة عناد بين الوزارة واصحاب رؤوس الأموال.
-المفروض يتم فرض ضريبة أو وضع رسوم على الأيدي العاملة الأجنبية ومن المال المحصل من هذه الرسوم يتم زيادة رواتب السعوديين العاملين في نفس المجالات.
يعني لو كان مثلاً تحط رسوم على فيزا العامل الأجنبي 300 ريال وال300 هذي تضيفها على الراتب المدفوع للسعودي.
-لازم يكون هناك حد أدنى للرواتب، من خلاله يمكن للمواطن تغطية المصاريف الرئيسية وتزيد شوي “السكن والأكل والشرب”.
-تقليل عدد ساعات العمل بحيث يمكن للموظف العمل في وظيفتين لو أحتاج.
-وحاجة مهمة الوظايف هذي اللي يتكلم عنها القصيبي غالباً ما تكون مؤقته يعني يشتغل فيها الطالب الين ما يحصل شهادة أو يشتغل فيها الشخص اللي مضطر للعمل.. يعني بمجرد ما يكون عندك خبره ولو بسيطة في هالمجال بإمكانك تطلع فوق، مو زي اللي حاصل عندنا. تطلب من الواحد أنه يشتغل في توصيل الطلبات براتب 2000 ريال مدى الحياة!!
أختلف معاك أخي العزيز ..
.. يعني الحمدلله الخبرة موجودة إذا ما خذونا أرامكو ولا سابك 
كون الرجل -كما ترى- عنده بعض السلبيات في بعض القوانين اللي سنّها أو عدم اهتمام ببعض الأمور اللي تراها أولى بالاهتمام هذا ما يعني انه يهمل جوانب أخرى مثل توعية المجتمع بالمهن البسيطة.
للأسف إلى الآن في السعودية النظرة تجاه هذي المهن سلبية. بينما المفروض ان الوضع يكون راجع لحرية الشخص، إذا حاب يكمل دراسته أو يشتغل.
ذاك اليوم لعبت بلياردو مع شاب أمريكي، فسألته انت تدرس بالجامعة معانا؟ ضحك بسخرية وقال من جدك؟! وأضيع 4 سنوات من عمري ليه. أنا اشتغل في بناء البيوت وأحصل فلوس ما يحصلها خريج الجامعة.
لأن النظرة متحررة أكثر، وما تشعر صاحب العمل المهني ان وظيفته تقلل من قدره أصبح الشخص يختار المجال اللي يرتاح له باقتناع مو بضغط المجتمع اللي هو فيه.
أتمنى أشوف السعودي يشتغل في كل المهن، كل حسب رغبته أو ظروفه. ما أخفيك لمدة أسبوع أو أكثر اشتغلت في مطعم الجامعة وأول مكان حبيت أجربه هو غسيل الصحون، وما غيرته طوال الأسبوع
لو أنا استلم نفس راتب القصيبي
ماعندي مانع اشتغل جرسون
المشكلة ان هناك وظائف كثيرة يشغلها أجانب بالرغم من وجود مواطنين أكفاء لهذه الوظائف
مضيعه بيتهم :
.
===================
Hanan: بس هذا اللي نبيه لكل واحد وظيفه تناسبه .. والبدايه تكون من فوق ..
===================
علوش : وعاش راسك … وانا ليه اتكلم أصلاً؟ لأني مواطن منتف
===================
الفيلسوف : ماعليك منهم حنا يالنوابغ دايماً محاربين
وللمعلوميه هذا مطبق في الكويت .. والعاطل يدفع له راتب الظاهر انه 250 او 300 دينار كبدل عطاله الى ان يتم توفير الوظئفه اللي تناسبه ..
===================
يوم توظفتي صار مسيو ..
nOuf.a.s : هذي سوالفكم يالسعوديين اذا شبعتو طنشتو
ومن قال ان هالعماله اللي انتي معانيه منهم يشتغلون ؟ هذول تجار الفيز اللي في الوقت اللي الناس مو لاقين فيزا علشان يفحون محل .. جايني واحد يقول لي ما تخبر لي شركه صناعيه محتاجه فيز؟ قلت له ليه .. قال والله توني مآخذ لي اربعين فيزا وودي ااجرها .. يعني ضيقو على العالم ووسعو على عمرهم ويحدون العالم عليهم
وبعدين من قالك اني مضيق عليهم؟ انا راس مالي واحد قاعد يتحلطم بينه وبين اخوانه
وهذا هو هدف فتح المدونه ..
afnan : لا ويصر بكل مايملك من قوه ان يغير الصوره فقط .. دون ايجاد حلول فعليه
=============================
آلاء : انا هذي هي الأسئله اللي ادور لها على حل منطقي … ومثل ماقلت في الردود السابقه .. الشغل مو عيب لكن الراتب عيب .. وفي الكويت فيه شئ اسمه دعم القطاع الخاص .. ومعناه انك تشتغل في القطاع الخاص براتب معين وفيه مبلغ ثاني يجيك من الحكومه في حسابك بما يعادل 3000 ريال تقريباً وهذا غير راتبك .. وحتى لو جات زياده للقطاع الحكومي تجيك
طبقو هالقانون وشوف وشلون الشباب السعودي بيتسابقون على هالوظائف .. قرسون وراتبي 6000 ريال يا سلام
=============================
أبو هارون : لا الحلول عندي .. في الأول زي ماقلت للاخت ألاء في الرد اللي قبل هذا الرد .. والشئ الثاني توحيد رواتب السعوديين والأجانب وأفرض السعوده بنفس الوقت … يعني راتب السكرتير 6000 ريال سواء هندي او سعودي .. ومطالب بالسعوده … فوقتها اكيد بيسعود .. لكن تقولي هندي بألف ريال وسعودي بسته .. اكيد بيآخذ الهندي
=============================
طلال: يعني أفهم من كلامك انك بتقدم على هارديز لما تجي؟ لأن الشغل مو عيب ولأن الشعب السعودي ينظر لهذي المهن باحتقار … ولازم انك تغير هالنظره؟
بس جاوبني ياطلال .. لما تجي ويقولون لك توظف في غسيل الصحون وانت شايف الآسيوي اللي بنفس مؤهلاتك قاعد بوظيفه ممتازه ولكنهم فضلوه عليك لأن راتبه اقل … بتكون مرتاح نفسياً وبترسل رساله شكر للوزير اللي اتاح لك هذي الوظيفه اللي هي كانت تراودك من ايام الجامعه
تغير نظرة الناس غير واجبارهم غير …
والله اللي قالو له يابن الحلال خذ هالوظيفه في سابك وقال لا والف لا ياغسيل صحون يا اقعد في البيت .. هذا بكيفه ..
لكن انهم يغصبون العالم على غسيل الصحون ونقول نبي نغير الصوره لهذي المهن فهذا الشئ مرفوض بالنسبه لي على الاقل ..
وبعدين ياطلال انت رديت على نفسك … وقلت ان الرجال يطلع ذهب من البناء … علشان كذا اشتغل في البناء … وانا اقولك عط القرسون 6000 ريال ووقتها قول للسعوديين الشغل مو عيب وهذي وظيفه راتبها ممتاز , وش تنتظرون ..
وشوف ردي على آلاء وهارون بالنسبه للاقتراحات اللي اشوفها من وجهة نظري انها هي اللي تجب ان تطبق
=============================
فايز : ههههههههههههه اي والله صادق
طيب ممكن أجيبها أنا على بلاطة وشفافسة أكتر؟
أعتقد الكتير اتكلم عن جامعة الملك عبد الله التقنية مدري التكنولوجية… الخ
المضحك انه الكل مؤيد الملك وأولهم انتوا يا المدونين السعوديين وجالسين تقولواالملك بيلمح لوزارة التعليم انهم (أي كلام) لأنه خلّى إدارة الجامعة مكلفة من قبل خبراء أجانب!!!
بالمختصر المفيد..
إذا كان هدا رأي كبير البلد! فكيف تبغى المساعدين أو الوزرا يفكروا؟!
أعتقد فاهم علي انت
اعتقد بأن المشكلة الرئيسه في النظر لهذا الموضوع تكمن في أننا ننطق من إعتقاد بأن الوزارة لا زالت تتحكم و تستطيع فرض قراراتها و هيمنتها على القطاع الخاص، و هو أمر في بعض جوانبه صحيح و لكن يجب أن لا نغفل بأن القطاع الخاص لهم سيطرتهم و نفوذهم في عملية إتخاذ القرار أيضا و بالتالي من الصعب حل الإشكاليات دون ضمان دعم القطاع الخاص في العمليه او تحيدهم من خلال قرار يأتي من فوق.
ما يقوم به الوزير هنا هو عملية ترويج لما يراه حل و طريقة في إرسال رسائل للقيادة بأن توجه الوزارة هو ما يجب ان يتم دعمه من قبل القيادة في مقابل ما تقوم به تحركات القطاع الخاص من إقناع القيادة في صرف مبالغ إضافية لمشاريع جديدة كبديل منطقي لتوظيف الشباب بالتالي دعم الإقتصاد الوطني.
اي ان العملية التي تدور بين الوزارة و القطاع الخاص ما هي إلا (مناطح رؤوس) بين الوزارة و الفطاع الخاص في ملعب الإعلام و الجمهور الحقيقي هم القيادة السياسية للبلد و ليس انا او انت او هو.
ملاحظة: شدني في التغطية المنشورة في الشرق الأوسط على ما اذكر صورة السادة المسئولين و هم (مرتزين) بالطاقية و السديرية و أمام كل واحد منه لافته تقول(سعادة الاستاذ …… او معالي الدكتور……) و كان الأجدر أن تكتمل المسرحية بأن يكتبوا (النادل …… و مشرف الصاله…..) و لكن عشقنا للمناصب و للمسميات اقوى من اي دور تمثيلي نقوم به!!!.
تحياتي
أخوي ابراهيم ..
ضحكتني عبارتك
كل ما في الأمر ان الطاسه ضايعه
غسيل صحون وكاشير وموظف استقبال ونادل و …. و …. والشغل مو عيب و آخرو
الأجاني متربعين ع العرش
وعيال الكباريه في احسن الوظايف وأنتوا يلي ما عندكم واسطه يالفقارا اشتغلوا أي شغلانه .. المهم الكسب الحلال .. بيجي يوم بنشوف الوزير وش يقترح ..
المشكله أن اقتراحاته عجيبه مره البنات يبغاهم يشتغلون في البيوت والشباب في المطاعم
خلاص يا ابراهيم انا راح اصوت لك تكون وزير العمل اذا تحولنا لدولة ديمقراطية
وفعلا كلامك صحيح، حل مشكلة تلاعب الشركات بالسعودة يكون في توحيد الرواتب بين السعوديين والوافدين ، لأنه بكذا راح يكون الوافد تكلته اعلى، لاتنسى رسوم الاقامة التأشيرة وغيرها، وبكذا تجبرهم يوظفون السعوديين بطريقة غير مباشرة
لكن من يسمع؟
” هذي سوالفكم يالسعوديين اذا شبعتو طنشتو
يوم توظفتي صار مسيو ”
هههههههه لا والله مو القصد !
..
بس لأن كتاباته وفكره يعجبوني
بصراحه موضوع حلو
وللاسف دائما خيرها لغيرنا
ليش احنا الخليجيين مهمشين شبابنا وطاقاتهم ومعتمدين اعتماد كلي على الاجانب في كل شيء وللاسف الحكومات والشركات في دول الخليج ماعطت شبابنا الفرصه لصقل طاقاتهم ومواهبهم والله ان عندنا شباب يحملون عقول جباره وقدرات هائله ولكن للاسف لم يهتم بهم احد او بالاصح محد سائل عنهم ابد …
وعلى قولة طاش ماطاش (عطوا سداح فرصه)
وبصراحه اذا كانوا يبونا نبدا من تحت ماعندنا مشكلة ولكن لازم يضمنون لنا انا بنوصل فوووووووووووق فيوم ومانقعد عمرنا كله تحت
لكن من وجهة نظري لاتيأسون يمكن باجر احلا من اليوم تفائلوا
شكرا لك اخوي ابراهيم
شبابنا محد ملتفت لهم ابد
مشكور ابراهيم موضوع رائع جدا
asma : أفضل شئ في مدينة الملك عبدالله هو انهم بيحطونها تحت اداره اجنبيه .. لأن السعوديين من يوم يمسكون مناصب عليا يجيبهم داء اسمه ” خنبقه ” وعلاماته هي ارتفاع في الخشم , وصداع دائم يصدر عنه قرارات غبيه ..
وما عندي اشكال في ان الشركات يكون رؤسائها اجانب ..لأنه بيكون شخص واحد .. بس الوظائف اللي السعودي قادر يغطيها … ويملك الكفاءه .. ليه مايعطونه فرصه؟
===========================
ياسر الغسلان : كعادتك .. تجيب الواقع بأجمل صوره ممكنه
.. وانا اقول ان الوزير اللي يشوف ان ما بيده شئ .. يستقيل .. ويبين سبب استقالته .. لكن انه يستمر مثل الديكور ويطلع باي قرار من فتره لفتره .. احسها بايخه ..
===========================
ندى الفجر : هذا الغريب في الموضوع .. احس انه عنده مشروع ولازم ينجحه .. والمشروع هذا هو تشغيل السعوديين في هالوظائف بأي ثمن كان .. ولازم ينجح المشروع حتى لو على حساب المواطنين
===========================
تعلم الانجليزية : الحمد لله
===========================
تميم : وأصير الوزير وتصير نائبي … ونضرب ضربتنا ووينك يا سويسرا هههههه
بيسمعون ان شاء الله .. بس محتاجين وقت
===========================
nOuf.a.s : حتى انا تعجبني اغاني ” بديع مسعود ” .. بس صحبه اخليه وزير الاعلام
===========================
عذبة الاطباع : نعم .. هذا اللي يحتاجونه شباب الخيلج .. فمثلهم مثل غيرهم في الصالح والطالح …
في احد المشاريع كان يقولي المقاول وهو من كبرى الشركات المصريه .. يقولي انتو شبابكم بيشتغل فين؟ كل هالوظائف اجانب وماشفت الا انت سعودي !! .. ليه كده ؟
حتى الأجانب ملاحظين هذا
===========================
!! : بيجيهم يوم وبيلتفتون .. بس لا نيأس
فعلا الاقربون اولى بالمعروف
ماظنيت اصلا هذي الوظايف يوصل راتبها 3000 ريال حتى
الله يعين والقصيبي مايرضى ولده يشتغل بذي الوظايف اصلا بس اعلام
لا يا إبراهيم، انت قاعد تخلط بين الأمور ..
انت عندك يا كل الناس يشتغلون في المهن هذي -ومن ضمنهم ولد القصيبي- أو ما أحد يشتغل؟!
الفكرة هنا هي تغيير نظرة المجتمع للمهن هذي عشان الشخص اللي ما عنده مؤهلات -أو ظروفه ما تسمح له بالحصول على المؤهلات المطلوبة- يقدر يشتغلها بدون ما ينتقده المجتمع اللي هو عايش فيه. احنا للأسف ما زالت عندنا بقايا ترسبات الفكرة اللي تشوف ان كل السعوديين لابد ان يكونوا خريجي جامعات، بينما تلاقي أشخاص عندهم الدراسة الجامعية هذي مو داخلة مزاجهم ولكنهم يغصبوا نفسهم عليها لأنها الطريق الوحيد لكسب احترام الناس اللي حولهم.
مثال آخر هم الطلبة الجامعيين، كم من طالب جامعي يكون محتاج لدخل شهري يساعده على توفير حاجياته اللي ما تغطيها المكافأة الشهرية ومع ذلك يحجم عن التوظف في الداوم الجزئي في أحد مطاعم الوجبات السريعة والسبب نظرة المجتمع. بينما هنا في أمريكا الشغلة هذي زي شربة الموية، وبالعكس في طلبة معتمدين اعتماد كلي على وظيفتهم في ماكدونالدز ولا صب واي، ونظرة الناس لهم هي نظرة احترام وتقدير.
اللي أبغى أقوله هنا إني مع الدكتور القصيبي في خطواته العديدة اللي يسلكها تجاه الدخول في مجال المهن اليدوية أو البسيطة، وأننا بدل ما ننتقدها لازم نكون في صفها .. لأن في ناس كثيرين محتاجينها لكن العائق قدامهم هو كلمة (عيب).
وتر : حياك يابو سالم
==============================
امجد : كلنا عارفين هالسالفه , بس قلناها من باب ضرب مثال .. حياك الله يا امجد ..
==============================
طلال : انا ما اخلط بين الأمور .. الوزير هو اللي خلط بين الأمور ..
عطني شئ سواه الوزير لحل مشكلة البطاله … للناس الجامعيين وغيرهم من اصحاب الشهادات او الخبرات واللي ” مالقو شغل ” ..
ما سوا لهم شئ ..
كل اللي سواه الوزير من يوم جاء .. يا يدعو الناس للشغل في الحلاقين والمطاعم وسوق الخضره والسباكه .. !!!
بس هذي المجالات اللي عندنا؟
وللعلم الهدف من هذه الحمله .. هو الاستغناء عن الأجنبي وليس من باب مساعدة اللي حابين يشتغلون ومستحيين ..
وبدليل انه لما يتكلم عن هالوظائف يجيب طاري الأجانب والحوالات الخارجيه ..
علشان كذا انا ما خلطت الأمور يا اخوي طلال ..
الشغل مو عيب .. هذا شئ … وسعودة الوظائف هذي .. هذا شئ ثاني ..
انا الشئ اللي مو عاجبني هو حرص الوزاره على سعودة هذي الوظائف وترك غيرها ..
وطلال ترى امريكا غير والسعوديه غير ..
حنا السعوديه .. راس مالنا 16 مليون نسمه … ولو بنحسب الشباب ما نجي 4 مليون … والدخل كلن يعرفه … ونجي نقارن نفسنا في دول ثانيه ماعندها مقوماتنا الماليه ليه؟
انا اتمنى ان يكون شعار الوزاره بدال الشغل مو عيب ..
الى ” ابن بلادي أولاً ”
والأيام جايه يا طلال وبترجع ان شاء الله بشهادتك … وبتتوظف بالوظيفه اللي تبيها .. وبعدين بتشوف حولك ناس اجانب ياخذون المبلغ الفلاني والسعودي اللي بامكانه يغطي هالمحل .. وزارته قاعده تقوله ” لا .. انت اشتغل حلاق اول شئ ” وكل هذا علشان ينجح مشروع الوزاره
واخيراً .. انا اتكلم عن الحرص على سعودة هذه الوظائف وترك غيرها والتي يحتاج لها المواطن .. فالبلد غالي .. والمواطن ما يآخذ شئ من الحكومه .. يعني يبي يدفع مهر ويستأجر والعقار غالي والدنيا نار يامعلم
وارجو ان تكون فكرتي وصلت
عملت بالمملكة لمدة تقارب الثمانية أشهر شرفت بالعمل فيها بزيارة الكثير من القطاعات الحكومية من الامانات المختلفة ( الرياض الشرقية جدة و مكة المكرمة) و الهيئات مثل هية تنظيم قطاع الإتصالات و الهيئة العليا للسياحة و الوزارات وغيرها كنت خلالها أعمل من خلال الشركة الاردنية التي أعمل بها ولو تعليق على هذا المجال في وقت إستطاعت السعودةأن تؤتي أوكلها في هيئات كثيرة لم تستطع في كثير من الأماكن الأخرى أن تصل إلى المطلوب و بإعتقادي أن الخلل يكمن جله في العملية التعليمية التي تتنتج طالبا غير مؤهل لأبسط مهارات الحياة غير عدم توفر الرغبة بخدمة البلد و من يعمل بالمؤسسات الحكموية السعودية يعرف أن الهدف لكل الموظفين الجدد هو “الترسيم” وكفا و بعدها رح يحط رجل على رجل ويشرب قهوة و يحاور أخوانه أن الهلال أو النصر أو الإتحاد الذي كان يستحق الفوز أو لا طبعا المشكلة أن هذه الصورة النمطية هي القاعدة وأن ترى الموظف مجتهد جاد هو العكس
وهناك مشكلة أخرى بسبب كثر الصورة النمطية هذه وجدت ان كثيرأ من المسؤلين يعززون هذه الأمر عن طريق طفس الموظفين و عدم إعطائهم القدرة على النمو .
بالملخص تألمت جدا لحال الشباب السعودي و أعتقد أن تجهيلة هو عملية منظمة يهدف منها أن يبقى هذا البلد يحتاج للأخرين
دعوة القصيبي لسعودة الوضائف الدنيا عائد لعدم توفر العمالة السعودية لكثير من الأمور
سأضرب مثلا حقيقيا هناك مؤسسه مالية حكومية سعودية قسم الحاسب فية ما يزيد من 20 شاب سعودي كلهم إما مدراء لأقسام وهمية غير موجودة أو يعملو على تصليح الأجهزة و حل مشاكل المستخدمين أما البرمجة والشغل إللي يحتوي الخبرة الجيدة كان يقوم بها ثلاث مستخدمين من شركة الجريسي باكستانيان و أردني بحجة أن التكنولوجيا التي يعملون عليها قديمة وهم يريدون أن يغيروها يحاول هؤلاء المستخدمون تعليمهم ما يعرفوا لكنهم يرفضوا أن يتعلموا
[...] بعد ان اطلعت على موضوع يستحق الاطلاع عليه بعنوان ” عسى ما تكلفت طال عمرك ؟” ونشر في مدونة ابراهيم الذي لم ينمق كلماته بل جعل [...]
مصيبه ان يكون مثل هؤلاء على رأس وزارات ليسوا على قدر المسؤولية وغيره من الوزراء كثير اولهم وزير المالية ثم وزير التعليم ووزير الصحه
من يبحث عن وظيفه عليه بهذا الموقع http://www.wadhefa.com/news/
[...] القصيبي صاحب الفكره الذهبيه في السعوده السفليه .. كان قرسون والسنه هذي وبنفس التاريخ .. طلع لنا بزي مقدم الطلبات [...]
طااااااااااااط ططططططططططططططططططططططططططططططططططخ
مو مثل اللي ايده في النار 
……و الراتب كله خصومات%100
اللي ايده في الماء
و القطاع الاهلي مو مقصر مثل مكتب تاجير السيارات
يطلع ريحتك و يكرهك حياتك
والتأمين الطبي من النوع…………..f
لو ان معالية اضاف الى ساعات >>>>>>>>4ساعات
لتحمد الله على وظيفته و منص……..بة
سؤال ياسعادة القرسون:
قبل كل شي ليه مثلا ماتقوم بخطوة ناقلة وتقول للناس وتواجه الشعب بإن ولدي أو ولد اختي أو أو أو يعمل قرسون في المطعم الفلاني ..
هل ترضى ان تعمل زبال(عامل نظافه) او سباك او خادم او………….
"
>>>>>>>>>و اللي احلى من كذا كله<<<<<<<<<
اذا تقدمت لطلب الزواج من بنت فلان………
بيسالك وش وظيفتك
و اذا انت ناوي بوظيفة حكومية اتبع التعليمات التالية
1ـ تقدم له دعوة بتناول العشاء مع سابق الاصرار و الحلف و الطلاق(سفرة طويلة عريضة )
2ـ تقدم له الهدايا(تدهن السير)
3ـ كثرة المدح و الثناء له(و هو ما يسوا شئ)
وقبل هذا كله لازم تكون خفيف دم و نكتي و مزاح وكذاب ومنافق " لا لا ترى الحين يسمونه النفاق الإجتماعي، لا تتصورون انها عاده شينه بالعكس في زمنا هذا أصبحت من الفضائل
اذا لم تتوفر هذه الصفات فيك فردد "ياليل مطولك "
ليه للحين مارددتوا ؟
دمتـــــــــــــــــتم سالمـــــــــــــــــــين