تم تمرير الواجب لي من
asma
Third Vision
جدار العار
أبو هارون الحمصاني
واذا فيه احد ماذكرته يذكرني
وكان يطلب الافصاح عن 6 اشياء لا يعرفها زوار مدونتك عنك
ونبداء في الحل :
1- اعشق الروايات والأوبرا
2- ما احب اماكن الإزعاج .. واعشق الشواطئ في حين اكتمال القمر
3 – من عشاق الفراوله مع الشوكلاته
4- من هواة جمع الطوابع
5- احب التأمل في اللوحات الفنيه
6- اسمي الحقيقي هو اسمهان صقر .. وابراهيم هو مجرد نك نيم
لالا امزح معكم .. الأشياء اللي فاتت مجرد تميلح
وبيني وبينكم انا ماعندي ذيك الأسرار … و فيه بعض الأسرار لو قلتها لكم ماعاد زرتو مدونتي .. ومدينة الملك عبدالعزيز بتحجب المدونه
مثلي مثل اي شخص له احيان كثير يخنبق فيها ويجيب العيد … ولكن بما اني ادعي المثاليه في هذي المدونه فلن أذكرها
وسوف اكمل عملية التميلح 
لكن خلوني اقولكم اشياء يمكن ماتعرفونها عني من خلال المدونه ومن خلال كتاباتي … وحتى اللي تشرفت وقابلته يمكن ماينتبه لها
1- أكره ان يقرب اي شخص من اي حاجه تخصني .. مثل محفظه , جوال , درج السياره , جيوبي .. مع اني لا أخفي شئ
لكن اشعر انها شئ شخصي جداً جداً جداً … ولا أرضى بهذا الشئ سواء من أ[ي أو أمي أو أخي أو زوجتي أو صاحبي
كلكم
2 – احب المزح والضحك ويقال اني عيّار … لكن في كثير امور أكون جدي وقت الحاجه .. ولا يغركم كثرة ضحكي
3- هادي وبارد في احيان وبعض المواقف الى حد الثماله .. وأبوي الله يطول بعمره كان يرتفع ضغطه مني ..وذلك لبرودي .. مع اني اشوفها وساعة صدر والدنيا ملحوقه ..
بس أنجز الشئ بوقته
4- اتحلطم كثير ( وهذا واضح في المدونه أكيد ) وادقق في الأمور اللي حولي كثير و احيان اكثر منها الى درجة اني اتعب نفسياً
5- اذا اني اكرهك ..وما اطيق اشوفك .. تأكد انك ماراح تلاحظ هذا الشئ علي .. مدري وش تسمون هذي الصفه لكني مرتاح فيها .. لأني مقلل عدد اللي يكرهوني 
6- اقدر فطور يوم الخميس .. وخصوصاً لما يكون فيه الشكشوكه والحليب الكرك … ومحد يعرف قيمة هذا الفطور الى اخوي عابر سبيل
انتو طلبتو 6 اسرار وهذا السابع من عندي …
7- احب الطرب واعشق بعض الأصوات أمثال لطفي بو شناق وأصاله .. وأحب الأداء الجميل من بعض المنشدين ولكنهم غير موجودين على الساحه الحاليه … انقطعو بعد سلسلة نداء وحداء … وبنفس الوقت مستحلي صوتي كثير … وتمر علي الكيلو مترات وانا انشد بيني وبين نفسي بعض الأناشيد … واذا مر علي احد وحسيت انه انتبه لي اني اتكلم وبالحالي .. احاول ارفع الجوال .. يعني اني اكلم تلفون … وكانت لي بعض المشاركات الانشاديه … وآخرها كان في عرس اخوي محمد (يعلق في المدونه باسم أبو همام) .. ويقولون اللي كانو جالسين بقربه انه كان يقول ” اللي اولها ابراهيم ينشد بعرسي .. الله يستر من آخرها ” بس الحمد لله تيسرة أموره
وختاماً … ابتعد كثير عن التصنع في المدونه وفي الحياه الواقعيه .. و اكره التفلسف .. واكره اني اطلع بصوره غير صورتي .. لأني مرتاح بحالي
وامرر هذا الواجب الى كل من
العمده أبو سعد ( العصر الجوراسي)
أخوي عبدالله القحطاني وشريكي في المدونه .. رغم أنف العجايز
o s a m a المغرور سابقاً
Rain
ورجاء لحد يقولي ان من أسراره تنشق عبير الياسمين في الليلة القمراء
ترانا عارفين البير وغطاه
تشرفنا
و الله يا أخ اسمهان مخلت لنا إيش نقول
حقولك إيه.. تعال أشوف اللي فجيبك
نترك التقييم لأصحاب الاختصاص..
رقم 2 بااااااااينه .. ما يحتاج تقول
!
!!
اما رقم 5 .. فالله يستر منها
وش برجك ؟؟ حتى لو ما تؤمن بالأبراج وشو لوووو سمحت
؟؟؟
المزح والضحك شي مفيد بس المهم الواحد يعرف متى يوقف عنه
> ورجاء لحد يقولي ان من أسراره تنشق عبير الياسمين في الليلة القمراء
>ترانا عارفين البير وغطاه
بصراحه أول ما قريت الأسرار الاولى حقت التميلح قلت والله مو باين خخخخخخخخخ
رقم 5 يعني مجامل
بس اقدر هالصفة كثير و تعجبني ..
و الله عجبتني هالاسرار ..
وأخيرا لقيت واحد يعشق الأوبرا
بجد كييف خصوصا من بعد ما عرفتني على الفتاة الأمازيغية فعلا رايق
ما شاء الله
[...] أبو خليل الحمداني وفي رواية حديثة “اسمهان صقر” أصر إلا أن يعرف أسراري اللي مخبيها عنه مع إني ما أدري أيش اللي مخبيه وأيش اللي مسربه له … [...]
اول ما قريت الخمسةاللي فوق صدقت و قلت
شنو هااااي ما توقعت .. و يوم وصلت للنقطة السادسة
قلت اي اي ما يخلي عنه لازم آخر شي يقط نكتة
اي اني كنت لازلت مصدقة اللي فوق هههههه
بس من الخمسة اللي تحت النقطة الخامسة فعلا تعد سر
لأن ما قط احد اعترف بهالحقيقة
” اذا اني اكرهك ..وما اطيق اشوفك .. تأكد انك ماراح تلاحظ هذا الشئ علي .. مدري وش تسمون هذي الصفه لكني مرتاح فيها .. لأني مقلل عدد اللي يكرهوني ”
شكرا ابراهيم
اسميك وهقتني يا برهوم!
عندي صفة معاكسة لك تماما.. بس يا ليت تسلفني الي عندك
صلاح : وحنا أكثر يامعود
========================
أسامة : أهلاً بصاحب الجدار .. وقتنا هذا كلن راعي اختصاص يامعلم
========================
nOuf.a.s : صفه رقم 5 مفروض تريح الكل .. ومفروض انه مايتعب نفسه معاي علشان يعرف احساسي .. لأنه بينبسط … بس انا قلت اللي اكرهه ماراح يدري .. بس اللي انا مرتاح له راح يدري
وبرجي برج الدلو … ويمكن هذا هو سبب حبي لتغسيل الصحون
========================
AGdedouy: والله انا احيان اعرف متى اوقف واحيان وانا اخوك أخورها
========================
entropy : داري انك بتعلقين على هالسوالف .. علشان كذا ابتعدت عنها وما سويت نفسي افلاطون … قلت اكيد الحجّه ماراح تمشيها
========================
مشاعل : ههههههههههه هذا اللي سواه بعض المدونين … مع اني عارف انه اكبر سر عندهم انهم يلعبون ” تيل ” ويحبون التفحيط .. بس لزوم التميلح
========================
Frozen Tears : لا مو مجامل .. اكثر حبتين .. بحيث يقتنع الشخص اللي قدامي اني مبسوط منه … وبيني وبينك تريحك كثير
========================
حسام : الأوبرا اللي اقصدها هي السامري
========================
ورق مخطط : هههههههههه الله يعز مقدارك .. يعني متوقعه مني اني اسمع اوبرا
وبالنسبه لهالنقطه .. هي يمكن السر اللي مايعرفونه كثير من اللي حولي
========================
اسامة : تقدر تسميني وهقتني او برتني
بس اهم شئ نعرف اللي ورا الكيبورد واسراره ..
بس هاه ما اوصيك بالمصداقيه .. نبي تشيل الغطا وتكشف المستور
وصبحك الله بالخير … عندي احساس انك الحين مطيب الكندوره ومستعد للصلاه بعد ماشربت لك ذا الكاس الحليب
ايش رايك ابراهيم تمر علينا في جده.. ترى اكثر الوقت هالايام في الاستديو و تعال غني عندنا وما عليك
ترى الكلمات موجوده و الالحان من عندي ..
الله اتمنى يصير عندي الصفه رقم 5
كثيييير يعني مشكلتي اعطي بالوجه وعن حماقه 
اعتبرها نعمه ومحظوظ الي عنده هالصفه
افقتدها كثييييير
ماشاءالله عليك على رقم 5 ..
انا العكس تماما ، واشعر اني محطمه
..
تشرفنا
هلا ابو مطلق..
!!
وصل الواجب , بس أخاف يقولون غاشين من بعض , إجاباتنا تتشابه إلى حد التطابق
حياك الله اخوي ابراهيم
الله يسامحك صدقت ان اسمك اسمهان، ترى انا كل شي اصدقه
احسن شي الناس ما يعرفون الي يكتب من ورا الشاشة ويكتشفونه من خلال كتاباته…….
اما بخصوص..
“اتحلطم كثير ( وهذا واضح في المدونه أكيد ) وادقق في الأمور اللي حولي كثير و احيان اكثر منها الى درجة اني اتعب نفسيا”
نتشابه بهالصفة فانا اتحلطم اذا عصبت و مااسكت الين اطلع الي في خاطري…
والتدقيق والاهتمام بالتفاصيل شي حلو بس مب نفس جيه صدق تتعب نفسيا و تحس ان الناس ودها تذبحك ….
و الاحلى ان يكون الانسان بطبيعته من دون تصنع ولا كلافة فيحبونه الناس و يحترمونه اكثر…
ربي يعطيك العافية
ودمت بود
وتر : ياروووحي .. واكسر سوق الكست .. واشطب شعبان من الخارطه الفنيه .. ويبدا يغار من ابو عبده ..
لالا يابو سالم .. انا مابي اغني … يا ابدا باوبرا ولا بلاش
===========================
Mrs.Nora و Photon : لا كذا ما يصلح .. فيه ناس يسمونه الصراحه راحه .. وانا اقول انها مو في كل الأوقات .. ويقول المثل القحطاني
“ثقيل دم ويحبك , أحسن من ثقيل دم يكرهك ”
وفي الفتره القادمه بسوي كورس في هالشئ ..
===========================
عبدالله القحطاني : يابن الحلال من باب سالفة الفلم الايراني اللي طلعت انت شايفه بعد .. وانا بديت اشك انك بتطلع اخوي التؤام بس المستشفى بدل المواليد هههههههههه
===========================
الحلم الوردي : ههههههههه .. بس مدري ليه طلع ماي اسمهان صقر .. رجعت سويت بحث علشان اشوف لا يكون شخص
وبيني وبينك في مثل روسي يقول ” أنا أتحلطم اذن انا موجود ” وهذا انا اتبعه في حياتي ..
بس الله يعين زوجتي ويصبرها .. هي اللي متحملتني ومتحمله تحلطمي
والحمد لله التصنع ذا يجيب لي الحارق
:::::
ما شاء الله …
النقطة رقم 3 شيء خطير … فيها لعب بالأعصاب
الله يوفقك ويعين اللي عليهم الواجبات ..
دمت بخير
::::::
[...] لا أعلم ماذا يريد أن يعرف عنيّ الأستاذ أسمهان عندما قام برميّ الواجب على جبهتيّ, فمن يرانيّ -أو على [...]
هههههههه
عجبتني الأشياء الخاصة .. تقريباً نفس قصتي ..
بالتوفيق برهومي
الـــوجـــد : هذي النقطه كتبتها بالشكل هذا .. لأنه أحياناً الناس عليهم من الظاهر وما يهتمون بالانجاز .. يعني بعضهم يسوي ازعاج ورايح وراجع علشان يخلص شغله .. وبعضهم بكل هدوء يخلص الشغله ويمكن يخلص قبل المزعج واللي يسمونه البعض ” شقردي ”
====================
أدهم : وأكثر شئ يضايقني بالشغلات الخاصه اني لما اعطي واحد جوالي علشان ارويه صوره معينه … واتفاجئ انه لما يرجعه لي … القاه فاتح على صور ثانيه !!!
ملا قيف يا قلب العنا
LOOL
تشرفنا أكثر!
عاد اسمهان؟
لو فيفي بنبلعها !
اقتبس
“ورجاء لحد يقولي ان من أسراره تنشق عبير الياسمين في الليلة القمراء”
هههههههههههههه طيب واذا فيه ناس يحبون “تنشق عبير الياسمين” بدون “الليلة القمراء”
No.5 ما شاءالله عليك.. ما تبيّن هذا الشي! شي ممتاز والله
بالوقت هذا محتاجين هذي الصفه كثير
DUBAI : لا فيفي مو انا … فيفي هو اخوي ماشي صح
===========================
حنان : اكيد رقم خمسه مايبين … لأنه لو يبين ماصارت صفه
وبالنسبه للياسمين بالحاله … مافيه اشكال .. بس اهم شئ مايكون شنب
الله يستر من رقم 5!
آمين
وجيت لان دريت بشغلة وجيت اشوف هذا البوست
وماعندي تعليق اكثر من اللى علقوا عندك
لم تأتين الا من عظيم
وشهي هالشغله؟