ولو أني مش فاهم بالضبط وش معنى الواجب , بس ما حبيت أسأل كثير قلت خلني أُتهم بالجهل أحسن من البلادة !!
الواجب و صلني من Third Vision
وأخوي إبراهيم
مطلوب سته أسرار مش معروفه عني :
1- كتوم جداً , و صعب تعرف أيش أفكر فيه أو أخطط له غامض بالنسبة لكثير من الناس . مهما تكون قريب مني تأكد أنه فيه كثير أشياء تجهلها عني .
2- أعرف أمثل .. أقصد التمثيل المسرحي .. أعيش الأدورا و اتقمصها , لي فترة طويلة ما مارست هالهواية بس دائماً أحن لها .
3- في حالة كان تدخلي مفيد و مرغوب فيه .. ممكن أوجد عشرات الحلول بكل سهوله .. و دائما تلاقي عندي خطط بديلة لكل شي تقريباً ..
4- فضولي لدرجة كبيرة جداً إذا سمعت معلومة جديدة في أي مجال علمي .. أحب أكّون تصور لكثير من الأشياء .. حتى لو كانت بعيدة عن تخصصي ..
5- ما أحب التكريم او المديح .. خصوصاً العلني منها .. لدرجة أني اتعمد أني ما أشيد بأحد حتى أقفل المجال .
6- أذا صممت أفعل شي نادراً .. ما أرجع بدونه ..
فهمت أني مفروض أمرر الواجب لأشخاص آخرين .. بس أكتشفت أنه أغلب اللي أعرفهم حلوا هالواجب بقي الأخ وتر عشان كذا راح امرر الواجب له .
تحياتي لكم ..
عبدالله القحطاني
على فكرة أ.عبدالله وأ.أبراهيم
أنتم حليتو نص الواجب !!!
وين العشر أمنيات ………..
ولا هذا جزء من كونك كتوم .
ابو عابد … اشاركك بنقطة المثيل المسرحي .. وغير المسرحي ( في المقالب )
والله يذكر ايام المسرح .. آخر مره شفته بثالث ثانوي .. وبعدها الظاهر منعوه ..
وبالنسبه للاخت أمل .. وين الأمنيات العشره ؟ أنا وصلني الأسرار بس ..
بس بنسوي مراجعه … وبنسوي أبديت للأمنيات ..
بس غريبة التمثيل المسرحي
بنتظار باقي الواجبات تقوم بحلها
ما شاء الله .
أسرارك تحفة !
أسرار ممتعة ..
بس غريب وشلون أنت كتوم وبنفس الوقت تفضفض في المدونة ؟؟
..
تعرفنا عليك عن قرب
ربي يحفظك ..
JUST HOPE
, أمم يمكن زي ماقلتي لأني كتوم 
..
هلا بك .. أنا ظنيتهم واجبين منفصلين !! بس و لا يهمك راح نحله
شكرا على الواجب ..
_____________________
ابراهيم القحطاني ..
ابو خليل .. أمس و أنا أكتب البوست هذا .. وقفت عند نقطة التمثيل , توقعت أننا نختلف فيها .. بس الظاهر سالفة التوأم بتطلع صدق
شكرا للمرورك ..
_____________________
مضيعه بيتهم :
حياك الله .. طبعا التمثيل ما كان مسرح بالشكل المحترف .. زي ما قال إبراهيم مشاهد و سكتشات بالمدرسة .. بلإضافه لمشاركاتي بالمراكز الصيفية .. يعني ممثل مسرحي على قدي
بصراحة الواجبات الشخصية شوي متعبه .. خصوصاً أنه فيه ناس قاعده ترسم
تحياتي لك
زنية ..
شكرا لك .. أسعدني مرورك
___________________
مكتوم ..
المدونة بالنسبة لي مش مكان فضفضة .. بقدر ماهي مكان أعبر فيه عن رايي و اسمع رايكم و اتعلم منكم .. عشان كذا ابتعد عن المواضيع الشخصية .. و بيني وبينك الشخص الكتوم إما غير شجاع و إلا قوي شخصية .. و بالتأكيد أنا أقرب للأول ..
تحياتي لك أخوي ..
___________________
ندى الفجر ..
شكرا لك أختي .. بس بصدق أنا قلت أجمل مافيني – إذا فيه شي جميل – .. و خبيت الشي اللي نفسي أغيره .. تحياتي لك .. أسعدني كثيرا المرور ..
من أمس وأنا أقرأ في الموضوعين من الريدر وأقول اش فيه برهوم منزل الواجب مرتين
أتاري التناحة في أنا هههههههههههههههه
السر تاني شي.. ينفع يعني تكون في المخابرات والا مدارس الموهوبين
هلا اسماء ..
كنت متوقع يصير فيه لخبطه عشان كذا غيرت أسم العنوان
الصفه الثانية تقصدي التمثل ؟؟
بالنسبه للشغل في المخابرات .. ما أدري لو عرضت علي وظيفة أشوف .. أما الموهوبين ما أظن يحتاجون التمثيل .. و إلا ايش رايك ؟؟
شكرا على مرورك ..
[...] الذي لم يحل واجب الأسرار الستة الذي (وهقني) به الأخ ابراهيم ولكي لا تترسخ ف يأذهان البعض صفة مغرور (سابق و حالي ) لم [...]
[...] النص الأول من الواجب بوحت لكم بأني كتوم .. و بصدق أصعب ما يمكن [...]