اول ما تسمعون كلمة بنقالي .. يجي في بالكم الإجرام والسرقه
وهذا بسبب ما رسمته لكم الصحف المحليه بعد الحمله اللي وجهوها ضدهم ..
واقنعونا ان السبب في عدم وجود الأمن هم البنقال .. وليس تقصير من وزارة الداخليه متمثله بالشرطه ( العيون الساهره)
والناظر لموضوع ان مشاكل البنقال موجوده بس عندنا .. بيدري ان المشكله في ديرتنا وليس في البنقال ..
بدليل ان كل دول العالم فيها من هالجنسيه .. ولكن حنا الوحيدين اللي نشتكي
وهذا ان دل فيدل ان أرضنا خصبه لمحبين المشاكل ..
على العموم مو هذا موضوعي ..
فيه عندنا عامل في الدوام توه راجع من اجازته …
وهو انسان خيّر وعلى نياته .. وضعيّف بمعنى الكلمه
المهم سلمت عليه .. وقلت له هاه كل شئ كويس بلد انتا كويس ( مدري ليه نكلمهم بهالطريقه كأننا برنامج معرب))
المهم ..
قالي والله الحمد لله كل شئ كويس ..
بس صارت لي مشكله قبل لا اسافر ..
يقول كنت في القطيف
ورحت البنك وحولت فلوسي لديرتي .. وبقيت معاي 1500 ريال علشان بشتري لي كم غرض قبل لا اسافر
يقول طلعت من البنك ومشيت على رجولي ..
ولما صرت في منطقه مظلمه شوي
يقول ما حسيت الا بالسكين على رقبتي
ثلاثه شباب سعودين مسكو الحبيب وسرقو محفظته ونبشو جيوبه واللي حصلوه خذوه
قلت له : اكيد اكيد سعوديين
قال والله بابا كلوه ثلاثه نفر هازا سعودي
قلت بخاطري ” قال بنقالي قال ”
والله وبدو السعوديين يخطفون ويسرقون العماله ..
ياسلام سلّم
طبعاً نفس الحادثه هذي صارت لخالي .. في سوق الخميس في القطيف
مسكوه بالنافذ وهو رايح لسيارته .. وحطو السكين بظهره وقالو له هات الجوال
يقول خالي شفتهم الا هم اثنين على دباب ينتظرون خويهم
وقلت وش لي ووللطلايب ..
والظاهر انه قالهم خلني اخذ الشريحه بس وعطاهم الجوال ..
وبعد سوالفي مع واحد من اخوياي من القطيف ..
أكد لي هالكلام وقال حوادث كثير مشابهه صارت لناس يعرفهم
ويقول انه الآن منتشرين عصابات على دبابات ويسرقون العالم في كل محل
قلت له طيب والشرطه؟
قال لي : ابراهيم كيف حالك انت اليوم مرتاح؟ 
وكان قصده وسسسسسع صدرك
*************
تدوينات سابقه لي في نفس الموضوع:
أمن وأمان … كان يا زمان
سرق الجمل بما حمل
راح الأمان
مشكلة كبيرة هاذي
لأن الموضوع وصل للامان
اللي هو بحسب هرم ماسلو يعد من حاجات الانسان الاولية .. في قاعدة الهرم موجود ..
http://www.zuhlool.org/wiki/%D9%87%D8%B1%D9%85_%D9%85%D8%A7%D8%B3%D9%84%D9%88
و لو ان احنا ما نحتاج حق هرم و ابحاث عشان نستوعب هالحقيقة !!
ابشرك الهرم بكبره ماهو موجود عندنا أصلاً ..
وماهو موجود الا في عقول البعض .. والذين هم مستفيدين من تدهور الوضع ..
فكلما قل شئ زاد شئ آخر
وشكراً على هذي الإضافه … كعادتك
الأمن اللي كنا نسمع فيه كان موجود لأن الكل كان يمشي جنب الحيطة ! والشرطة بريئة منه براءة الذئب
أحلى شي “برنامج معرب” هههههههههههه
ذكرتني بطريقة كلامي مع سواقنا اول ما وصل، ما دريت انه يعرف عربي احسن مني
بخصوص السرقات من زماااااان ترى مو تو
واذا حطوا احد في بالهم يسحبونه من عند باب بيتهم !
صارت لنا نفس الحكاية
من عند باب البيت اركبوا السيارة والسواق ما امداه يلحقهم 
وطوالي مع الانسان البريء اللي فيها الى آلة الصرف.. من سنين السالفة يووووه 
والزبدة: حتى في بيتك ما تسلم! الواحد يتوكل على ربه وما ينسى يحصن نفسه اول ما يصحى وقبل ما يطلع..
دمتَ بوُد
خالد العيسى : نعم ياخالد , وانا هذا اللي اقوله .. حنا قبل كنا في أمن وأمان لأن الناس على نياتها مو لأن الشرطه مفتحه .. بدليل يوم العالم خربت مالقو من يأدبهم …
==========================
حنان : يعجبني اللي يقرا باخلاص
وبعدين وش سالفة الانسان البرئ والصراف؟ لا تقولين لي كان فيه احد بالسياره؟
ودمتي بود
صدقت،،،
يعيبوا على الناس و العيب فيهم.
مشكلتنا أخي ابراهيم اننا لا زالنا نؤمن بأننا شعب الله المختار، فالمشكلة هي في اننا ارغمنا هؤلاء المعدمين على قبول الفتات الذي نرميه لهم مقابل أن نسعبدهم، حتى أصبح ذلك الفتات لا يكفي حتى لمن قبل به.
الفقر و الإذلال و عدم الإكتراث بتطيبق القانون و الفساد هو سبب ظهور تنظيمات أجرامية منظمه و ليست الـ(DNA) كما يحلو لبعض السطحيين تصويره.
تحياتي
لا نكذب على بعض الخلل من وزارة الداخلية يعني علشانها بأدارة ناس ما نقدر ننتقد
1
2
3
الامن خررررررررطي و الله يخلي لنا رجال الهيئة
مرحبا أخ ابراهيم القحطاني …أولا اشكرك على مرورك على مدونتي وابداء النصيحة التي أخذت بها دون تردد ودعوت فأرجوا أن تؤمن على ذلك أنت ومتابعيك في مدونتي ayad7.maktoobblog.com ثانيا: الأمن من الله سبحانه وتعالى حيث يقول جل جلاله ” الذي اطعمهم من جوع وآمنهم من خوف” وهو مقترن بالجوع فمتى جاع الانسان سرق وقتل وكذب وارتكب كل الجرائم.
ثالثا:اتفق معك أن الجاليةالبنغالية قداسيء سمعتهم رغم انهم مسلمون وهم افقر شعب في العالم .. ولم ينظر احد لظروفهم الماديةو اسباب لجوئهم الى مثل تلك الجرائم، وهذا لا يعني ايضا أن السعوديين ملائكة فكل فيه نصيبه من الاجرام … وقد تجد من يسرق اسطوانات الغازات ويسجن في حين ان من نصب على آلاف الناس من خلال مساهمات النصب حر طليق..وعلى كل حال هذه الدنيا تجد فيها خير وشر .. وسيظل الصراع قائم بين الخير والشر الى قيام الساعة. تحياتي
ما ادري ايش علاقه الحقد بالبنغال
هل هو عامل طبيعي ام سبب يستفز لما يعمل ببلد خليحي .. مو عارف انتظر اجابه ؟
البنغال بكل دول العالم
وشوف مشاكلهم بالخليج
الشئ لاقى حرب كويتية عليهم واخيراً منع استقدامهم
والجريمة البشعه الأخيره بحق مواطن بحريني من قبل بنغالي دعت المجتمع البحريني يطالب باستبعادهم .
.
.
السرقات ببلدنا كثير وحالات الحنشل برضو كثيره
والشئ ما يشفع لاي اجنبي سوى بنغالي او اي عماله اخرى تجعلنا نتعاطف معاهم .
تحياتي
هلا إبراهيم ..
المشكلة و أنا أخوك أننا نبرر للسارق قبل أن يسرق .. تلاقينا نقول البطالة سبب للانتشار السرقة !! ياسلام يعني لما الواحد يتعطل في هالبلد لازم يسرق؟
تقليل حجم البطالة و الوضع الإقتصادي ككل , هذي مطالب كل إنسان مفروض يناقشها مع الحكومة .. أما السرقة جريمة منكرة في كل التشريعات و الأديان .. لما تتعطل روح طالب الحكومة مش تروح تسرق ..
مادري ليش هالعجن العجيب في حياتنا
هذا جانب الجانب الثاني .. السرقات في القطيف .. أحب أقول هذا شي متوقع .. لما الحكومة تبتز في أي موضوع يخص اهل القطيف .. يصير صعب تتعامل الحكومة بجدية في مثل هالسوالف .. اقصد الجرائم .. كل ما توقف واحد ضج أهل القطيف و قالوا التهمه سياسية !! تعجبت كثيرا لما الشيخ الصفار وعد أهل المعتقلين السبعة البحرنيين أنه يتدخل !!!
معليش ياشيخ أبي أفهم أيش حضرتك عشان تتدخل ؟؟
مثل هالتصرفات تقلل من احترام الدولة و تزيد من الجرائم .. و للمعلومية فقط أهل القطيف أكثر من عاني من الجرائم هذي ..
تحياتي لك يابو مطلق
البطالة، وقلة الحيلة تخلي شبابنا يتجهون لمثل هذي الأمور ،
وخصوصا المراهقين ،،
وعندنا صارت ومازالت تصير لحد ما تكبر وقتها يتكلمون عنها وتبدأ الشرطة تلاحق ؟!
بس يا أخوي
تراهم صادقين ،، أفظع شعب هم البنغال ،، وما يتفاهمون أبد ،،
كف واحد منهم يودي القبر ،،
الله المستعان
اليوم كنت اسولف مع اخوي عن الامن وكيف كنا الى وقت قريب قبل 15 سنة يوم كنا اطفال نروح بالسياكل للحواري والاحياء الثانية ونرجع نطلع نلعب كورة في ساحة المسجد نروح على رجلينا للبقالة و نرجع لاخوف من خطف ووالا سرق
اليوم نخاف على انفسنا وحنا كبار وشلون على عيالنا و الا اخواننا الصغار ، اخوي الصغير اذا شفته متعدي عتبة الباب حشيت رجليه
كله من حوادث الخطف اللي نسمعها ونقرا عنها كل يوم
وشلون انقلب حال مجتمعنا في فترة قصيرة من فوق لتحت
والاسباب كثيرة من اقتصاي لسياسي لاجتماعي
الله يخارجنا بس
ومشاكل البنقال مو عندنا بس ، في كثير من الاماكن اللي الطاسة فيها ضايعة
شكرا ليك
إشاعات, صدقنيّ أشاعات.
هذولا الشيعة الصفوية الإيرانيين ينشرون الإشاعات من أجل خلخلت الأمان في أرض الحرمين.
الله يخليّ لنا مولايّ الملك و حميره.
هلا والله ابراهيم
كيف الحال؟
تدري ان انابيب الغاز انسرقت من بيتنا اكثر من عشرطعش مره لووول واخر مرة قبل شهر!
وتدري ان سواقنا اول ماجبناه السنة الي فاتت باز بجواله ابوكاميرا جو انثنين بغوا يذبحونه لو ماعطاهم الجوال!
تدري ان جوال الوالدة منسرق من 5 ايام بس !
وتدري ان في جامعة الملك سعود وحده طالبه جامعية سرقت من طالبه اخرى صحن ورق عنب والله العظيم ورق عنب!
وتدري أن في حوارينا مافي دوريات شرطة بالليل تدور مثل العالم والناس!
عجبني تفكيرك من ناحية ان نفس المسؤليين عن الأمن هم المقصرين مو البنقاليين هم المجرمين ( جاء في بالي انه لما مانحل في الامتحان نقول الاسئلة صعبه ولا الدكتورة مترصدة لنا رغم اننا في داخلنا داريين اننا مقصرين بس عشان نحفظ موية الوجةة)
وفي الاخر بختم واقووول هي شهر لو ما القى وظيفة ابتوظف عند راعيين الدبابات فلوتعرف لي واحد منهم بالله وصلني له لوووول
تشكر يا ابراهيم….
ادري ازعجتك ابراهيم بس بقولك في احدى مدونات احد الشباب arabilluminist كتب عن فعل اجرامي حدث من قبل بنقالية وكتب عنه ورد عليه واحد بنقالي وكله بالانجليزي طبعا فكان الرد مره مره مره مؤثر… ابحط لك اياه هنا
Dear Muslim Brothers:
Aslam-o-Alaikum, I am very sad after listening this news but did not see yet. I am also Bangali but can you think, all bangali muslims can be same? I cant dare to do such sin even in my own country due to fear of Allah. Please dont discriminate us due to such incident and punish all our nation by such animal behavior of only 5 Criminal Bangalis. Even in Bagladesh, We have Good and Bad people & even in Saudi Arabia, Good and bad people are there. So, dont push our poor people back to our own country with empty hand. I request you to treat us as Muslim not Jews. We have lots of hopes here for support and help because culturely we have been surrounded by Hindus and Budhs. Our country is very poor and it will go into bad economic conditions after deporting us from Kuwait and Saudi Arabia. May Allah give us Haddayat. Ameen (A Bangali’s Appeal)
وسوري ع الازعاج
من زماااااااااااااان دا الكلام يا ابراهيم! بس مين يسمعنا!!
لا . لآ أبدا
كل شيء على ما يرام في بلدنا ولله الحمد …!!!
المحفظة تتركها على طبلون السيارة يومين ، لا يأتي أحد لسرقتها …
وتترك سيارتك تشتغل ساعات ، ما أحد يتجرأ على تحريكها …!!
الأمور زينة ، والناس في أعظم بلد أمن في العالم … ولله الحمد ..
أقول أخوي أبراهيم …
أذكر قصة رجل ابتعد بأهله وبناته ، عن أعين الناس في فلوات الثمامة بالرياض …
جوه شباب ومعهم أسلحة قالوا : سلم لنا البنات !!
وقع الرجل في مصيبة عظيمة وحيرة ،،، ولموته أهون من أن يسلم بناته …
حاول ،،، مرة مرتين ،،،لم يجد مفرا منهم فهم مصرين على البنات …!!
تذكر أن معه خمسة آلاف ريال في السيارة …
عرض عليهم المبلغ ويتركونه وأهله وبناته …
وافقوا طبعاً … فربما كانوا من أصحاب المخدرات …
ففرج على الرجل وارتاح وسكن ,,,
وفر سريعاً بأهله …
ولما دخل الرياض وقف عند إحدى الإشارات … ولم يتحرك بعدها …
مات بسكتة قلبية …!!
أخوي إبراهيم الجوال يهون والمحفظة تهون .. العرض هو الذي لا يهون …!!
وأبشرك نحن في أعظم بلد يتمتع بالأمن !!!!!!!!!!!!!!
إذا ابتعد الناس عن الدين وحاربوا أهله فمن أين لهم الأمن …
لا حول ولا قوة إلا بالله …
تقبل مروري / مشاري …
ياسر الغسلان: الله عليك .. اي والله الـ DNA ماله دخل في الموضوع .. وسلم لي على جوي البنقالي
==============================
ابوسعد : رجال الهيئه يابو سعد مالهم دخل بالأمن .. فهم هيئة أمر بمعروف ونهي عن المنكر .. هذا دور رجال الأمن .. ولكن عندنا اختلطت الأمور والطاسه ضاعت
==============================
عياد المطيري : أهلين أخوي عياد .. ومنور
وانا من وجهة نظري ان هذي محاوله لوضع التركيز على البنقال او اي جنسيه اخرى او اي سبب آخر للننسى المقصر الأساسي ..
==============================
قارئ الأفكار : أنا لا أتعاطف مع البنقال او مع اي جنسيه أخرى … وصدقني الكويت والبحرين متأثرين باللي صاير بالسعوديه .. بدليل انه كل يوم نشوف في الجرايد الكويتيه القبض على مهربين مخدرات واغلبهم ايرانيين وباكستانيين .. ومع هذا ماشفناهم منعو الاستقدام من هالدول ..
==============================
عبدالله القحطاني : أهلين بالتوأم المسروق ههههههه
شوف يابو عابد .. انا بعد كتابة التدوينه رحت لواحد قطيفي وسئلته عن الموضوع .. وقالي هذا الشئ منتشر عندنا بشده .. والسبب فيه قرب القطيف من كذا منطقه … ويقولي ان هاللصوص وهالعصابات جايين من القرى واغلبهم حقين مخدرات .. وقالي سوالف كثير منه اطلاق نار ومحاولات ايقاف السيارات وغيرها من الامور … وخصوصاً الفساد .. ترى لما يلقى له جهل وفقر وحاجه وقل دين وقل رقابه مافيه اكثر من انتشاره ..
==============================
عابرة : كف واحد يودي القبر ؟؟
عابره انتي خلطتي بين البنقال وبين الباكستانيين والايرانيين … هذول اللي كفهك يودي القبر …
==============================
تميم: أنا بقولك ليه على ايامنا ما كان فيه خوف علينا من الخطف .. لأننا طال عمرك وجيهنا كانت شلحى ملحى ومشققه وكل واحد سنسونته على خشمه وكوعه مجروح والسروال من عند الركبه مشقوق والريحه الله لا يرويك … اما الحين طال عمرك اخواننا الصغار خدودهم ورديه وريحتهم سنعه …
فيه فرق صح ؟
الله يكفينا الشر بس
رين : ايه وحزب الله هو المسوؤؤل بعد
==========================
devotion : يااااااااااااااااااااااالله السلامه … انتو فيه احد مسوي لكم سحر
السلندر تخصص السعوديين … قبل 7 سنوات تقريباً صايد لي واحد في بيتنا ولد اصل وفصل … كان ناوي يسرق الغاز ..
واما رد البنقالي .. اللي ضحكني انه يكلم راعي الموضوع كأنه وزير الخارجيه
وابيك تسئلين نفسك … ليه البنقال مايروحون امريكا؟
=============================
asma : يسمعكم اللي ماتنام عينه ..
وانا احس ان الماليزيين هم السبب في الأوضاع اللي صايره في الخليج ..
مدري ليه هالاحساس يراودني .. وش تعليقك؟
=============================
زجاجة عطر : هلا مشاري … يالله سترك من هالقصه .. ماعاد في امن حتى في البر .. وزي ماقلت هالاشكال غالباً راعيين مخدرات .. لكن من اللي بيردعهم؟
واهدي لك اغنية ” عيد الزياره ”
سبحان الله الذي أنطقك بالحق
أنت عملة نادرة
وأمثالك هم من يستطيعون أن يضعوا يدهم على مكان الألم فهل من طبيب
وييييييين السرقات والله عند بيتنا !!
!!
كم مره يطبون ويسرقون أسطوانات الغاز .. ومره سرقوا سيارتنا .. ومرتين دخلوا على سواقنا و” مرخوه ” وسرقوا اللي عنده .. ومره كسروا قزازة وحده من السيارات بعد وما أدري وش خذوا .. بلاوي .. وفي عز النهار ومن سعوديين !! يعني أخبر السرقات في الليل .. بس من جد صار أمن وأمان بالنسبة للحراميه
الله يكفينا الشر يا وخيي !
وعلى فكره بس قبل لا أفارق مدونتكم الكريمه ..
” >> بتتصفق !
الأغنيه أسمها ” رد الزياره
مقيم في السعودية : انا معاك قلباً وقالباً فيما تطرح يا اخوي
=================================
نوف : الظاهر انهم مايدرون انه بيتكم
ولا لو يدرون مايقربون
والله يحفظ الجميع … وبالنسبه للسرقات في النهار .. هذي يسمونها الوقاحه طال عمرك .. لأنهم عارفين الوضع .. في الأول جربو وسرقو في الليل .. وبعدين يوم شافو محد حولهم قالو ليه السهر .. نسرق في النهار ..
وعرفتي ليه الحين كانت فكرة الكاريكاتير اللي ماهي عاجبتك
والأغنيه اللي اقصدها انا غير عن اغنيتك … انا اقصد عيد الزياره .. ورد الزياره بهديها للي امر عنده وهو مايمر ..
ويعجبني اللي يقرا باخلاص .. مو زي ذاك اللي ينقز الى الرد بعد ماقرا العنوان
حكاية الدباب صارت لابويا بس مالحقوا ياخذون شئ
ولا احد مسكهم و انتا شرطي نفسك على غرار كل واحد عريف نفسه << أيام ابتدائي
السلام عليكم
قبل كم يوم تحدثنا أنا وصديق لي عن هذا الموضوع
قلت له الحمد لله انه الى الآن لم يضطرالناس الأذكياء لإحتراف الإجرام والجوع كافر كما يقال(يمكنك قرأة رواية اعترافات لص مجوهرات محترف من مكتبة جرير لتتضح المسألة)
والشي العجيب الغريب انه مع بدائية السرقات لدينا فإنها في زيادة رهيبة
وفعلا الأمن النسبي الذي نعيشة هو من الله وحدة وليس بجهود الشرطة
الأمر الغريب انه في اسبوع المرور وبعض الايام التي تعد على الأصابع تجد في كل شارع دورية وعند كل مطب في كل حارة سيارة شرطة
السؤال أين هم في الأيام العادية؟
ٍاقول لك قصة تبين انه أحيانا تساهم الشرطة في استمرارية الاجرام
قبل كم سنة هنا في ينبع كان فيه شخص سروق-كثير السرقة يعني-
ومعروف وجيرانه عارفينة
طبعا كان اذا سرق يجي صاحب البيت ويكون عارف انه فلان الي سرق بيته ويشتكي للشرطة
طبعا الشرطة تروح وتلقي القبض علية الشي الغريب انه يطلع في نفس اليوم كيف؟
ابوه يجيب ناس من ديرته ويشهدون انه كان معهم ليلة السرقة وسلملي على البصمات والكلام الكبير الي نشوفه في مسلسل CSI
المهم تمادا الولد ورمى بمسدس على واحد في مضاربة وشرد الحمد لله الرصاصة اصابت السيارة فقط
طبعا الناس الي شافوه يحلفون ويقسمون للشرطة انه فلان السروق هو الي طخ بالمسدس وكالعادة مسكوة الشرطة وطلع ثاني يوم اذا عرفت انه والده يعمل في الشرطة
بعد كذا السروق كانت بينه وبين واحد من جيرانه عداوه وراح وأخذ سلاحة وأعطاه رصاصتين وارداه قتيلا طبعا هنا ماراح ينفعه أحد
والآن خوينا السروق مسجون ويقال انه في انتظار القصاص
طبعا كان بإمكان الأجهزة الأمنية وقف هذه المأساه
لو قامت بتأديب هذا السروق من أول عملية سرقة قام بها
الله يصلح الحال
نايف بن عبدالعزيز قال: “كل مواطن رجل أمن”!!!!
يعني طال عمرك إنت وأنا وزوارك الكرام كلنا رجال أمن بس من غير رواتب
وبالتالي اللي بين السطور لازم تفهمه وتعيه زين ما زين…
نعلبوهم
خلونا نتلفت يمين وشمال قبل كل خطوة نخطيها داخلين ولا طالعين من بيوتنا…
الحل إننا نطلب تكوين فرق أمنية خاصة لكل حي بحيث هذه الفرقة يكون مقرها في الحي ونوظف شبابنا المنفلت فيها ونعطيهم رواتبهم 50% من جيوبنا و 50% من الموارد البشرية
وبكذا الأمن سيستتب بإذن الله ويكون العسكر المتقاعدين كبار السن هم الجهة المسئولة عن إدارة الفرقة الأمنية ونحط لهم دبابات وطيارات وهليكوبترات والألغام واللازم منه 
تحياتي؛؛؛
ليه مايروحون امريكا؟؟
؟؟
أي أوضاع يا حجي?
بعدين اللي يسمعك يقول من كترنا في خليجكم المعدوم بترول صدام دا
هو كل تركيزنا في مكة والمدينة ولما صاروا يتخرجوا عندنا ممرضات صاروا ياخدوهم على السعودية وشوية شوية صار فيه تعاون بين شركات بترولكم وبين بيتروناس.. قول لي ها قول اي أوضاع غير أمنية ?
Rose : نعم هذي هي الخطوه القادمه .. كل واحد مسؤول عن امنه .. وبعدين بتبدا الشركات الخاصه لأمن المنازل … ويجب ان يكون كل واحد شرطي نفسه عن طريق التأكد من الأمن في منزله من ناحية الأقفال والنوافذ وغيره .. وشكلك كنتي في مجموعة النظام ايام المتوسطه
==============================
sultan989: البصمات ههههههه … مره صدت حرامي عندنا في البيت كان يبي يسرق الغاز … المهم سلمته للشرطه وبعدين جاء العسكري علشان يآخذ البصمات من على اسطوانة الغاز … قالي المختص العسكري ان مافيه بصمات .. قلت له وشلون مافيه ؟؟؟ حتى بصماتي مافيه ؟ بصمات الهندي حق المحل ؟؟ قال ايه مافيه شئ .. لأنه الغبار يأثر على البصمات !!
بس لما شفت انه حاط مادة البودره حق البصمات في علبة جبن كرافت .. غسلت يدي .. وسلم لي على CSI
==================================
أبو سعد : هههههههههه لعب فيك باب الحاره يا ابو سعد ..
بس عجبتني “نعلبوهم” نعل ابوهم ولا كعب امهم
==================================
devotion : لأنه فيه نظام .. وماعندهم كفيل يجيبه ويفكه في الشارع
=================================
asma : هو مجرد احساس .. بس طلع ماله اي جانب من الصحه
نأسف للتأخير
والله يدي تحكني ابي اكتب عن السالفه بس اخاف تعرفون بيتنا ههههههههه
السيارة كان فيها احد
والشباب معهم سلاح <– اخاف من الكلمه مدري ليه 
يآآه احس بقشعريرة من افكر بالسالفة
عاد انتي الله يهديك اذا قلتي السالفه لازم تقولين الحاره واسم الشارع واسم البقاله اللي في الشارع
عموماً حمدالله على السلامه … ولا فيه ازين من السياكل .. توقفها وتربطها بسلسله
[...] يرفع من رواتب الموظفين الأجانب..أتحدّث هنا عن الموظف المُستقدم من بلده مباشرة عن طريق مكاتب العمل، و ليس الموظّف [...]