غالباً في الصيفيه يسيرون أهل الرياض على المنطقه الشرقيه
وفي الصيفيه هذي لاحظت أشياء كثير أثناء تجولي في مجمع تجاري أو على الكورنيش أو في أحد المطاعم
وهو انه أهل الرياض عندهم خلط بين هاواي و المنطقة الشرقية
والخلط هذا ما ادري وش اسبابه..
أشوفهم لابسين قمصان عليها نخل و شورتات ويتمشون في المجمعات .. (ترا الألوان مقصوده 
)
أو تشوف بعض العوائل ملبسين عيالهم فنايل رياضه وشورت سباحه النايلون .. أبو عشره
طيب هذا الشورت للسباحه يستخدم وليس للتمشي جمب البحر
فما ادري هل هو من باب انهم يعيشون الجو انهم في منطقه ساحليه؟ أو انه في سوء فهم ..
الشئ هذا لو سواه الواحد وهو في احدى جزر المالديف .. بقول يحق له
ولا لو لبس هالقمصان والشورتات وهو تحت احد نخيل لنكاوي الماليزيه .. بقول برضو يحق له
لكن شورت سباحه وفي مجمع الراشد !!! صعبه شوي
ترى حتى لو ان المجمع يبعد عن البحر كذا كيلو .. بس برضو تراه مجمع وفي الخبر وليس في احدى الجزر
أخواني أهالي منطقة الرياض وما جاورها .. (تحياتي الى أهل الحريق والحوطه ولا تهون ساجر)
ترا صحيح إن الشرقيه منطقه ساحليه .. بس بحرها ماهو للسباحه ..
يعني تقدر تجيب عيالك وتتفرج على البحر ..
وتقولهم .. هذا بحر(ون) … هذا سمك(ون) .. هذا ساحل(ون) هذا شاطئ(ون)
يعني علشان يعرفون أشكالها بس
و ترانا برضو منطقه تابعة للسعوديه …
فما فيه داعي تخربونها وانتو في الشرقيه ..
تراها ديرتكم والشعب اخوانكم في الدين والهويه والأرض
وبعدين ترا الشرقيه فيها سنه وشيعه … يعني ماله داعي انكم كل ماعصبتو على واحد قلتو له ” وش تحسب نفسك يالشيعي ”
ونصيحه لكم ولوجه الله … ترا الشرقيه مافيها زود .. والفلوس اللي بتصرفها فيها .. نفس الفلوس اللي بتصرفها اذا رحت لسوريا ولا تركيا .. لا وبالطياره بعد
فا وش أزين لك ؟؟ تروح للبراد والوجيه السمحه .. ولا تجي لذا الرطوبه والزحمه؟
وشكراً
طبعاً هذا الكلام ينطبق على البعض وليس الكل
ولا أكيد الرياض فيها ناس زقرت ومرتبين
وأكبر دليل على كلامي هذا المليح
وتراه مايلبس شورت أحمر وقميص أبو نخله .. يكشخ بذا الثوب .. لأنه يدري انه الى الآن ماختم الجواز
لكن اذا ختم الجواز …. انحشششششش
(تشويه سمعه)
إبراهيم ليش إنت “متصكر” كذا
يا خي خلهم على راحتهم يلبسون شورت وقمصان النخل وخلهم بعد يلبسون عفريته ، بس أهم شي لا يعثون في الديرة فساداً ،، بعضهم إذا سافر أي مدينة ثانية يقول إنهم يقولون حافظ على نظافة مدينتك وهذي مهب مدينتي فيبدأ الأخ بإهلاك الحرث والنسل ..!
بس عاد إنت خل فكرك إستراتيجي وإفتح كشك عند البحر تبيع فيه فنايل نخل وشورتات
هههههههههههه
يلبسون ثياب السباحة على شان يكونون مستعدين لو واجهتهم الموج اهم يسبحون
ابراهيم ليكون بس خاطرك بهذا الشورت والنخلة والالوان الزاهية
انا ابي اعرف وش عندنا بالشرقية ؟؟ والله ان احنا سكاني الشرقية منطقين بالبيت
سياحة وسماجة مالها حدود
اما شورت سباحه في الراشد ههههههههههههههههه
”
شف يابعدي .. عندنا مثل يقول لك ديرتن ماتعرف فيها احد سو اللي تبي فيها “تم التحريف عشان ما ينحذف الرد
فبعض الحبايب مشكلتهم ومن فرط حماس السفر عندهم يطبقون هالمثل داخل السعودية ، واكبر دليل هالنماذج اللي شفت ،، من لبس الله بالخير ومن تصرفات ادج بعد بس انت رح لشاليهات الهوليدي ان وتشوف اشكال تحس انها تسمع بالسفر خارج حدود البلدة الله يعافيهم ولا يبلانا
-
الجواز ختمناه بس ابشرك مسيطرين على الوضع ولاطرنا بالعجه ههههههههههه الله يسعدك تخيلت شكلي بشورت انا وعصاقيلي .. صورة الموسم بتصير
لوووول
أحس أهل الرياض ساروا كذا
هلا والله باللي يبوني أشن عليهم حرب
..
أهل الرياض أهل العاصمه .. كل ديرتن في السعوديه ديرتهم ..
يبون يلبسون شورتات يبون يتفصخون يبون يلبسون ملابس غوص ويمشون في مجمع الراشد هم حرين .. ديرتهم !!
عاد الصدق الصدق .. صح أنهم يفشلون ( وانا متأكده أنه أغلبهم مو أهل الرياض ) بس هذا الشي لهم .. يرجع لهم .. هل فيها أذيه لأحد
؟؟
والله مو عشانهم من الرياض حبيبة قلبي .. بس من جد هذي (( حريه شخصيه )) ياللي تنادون بالحريه !
ماجد : ههههههههههه .. مشكلتهم يجيبون شورتاتهم معهم … وأبشرك في الشرقيه مايبيعونها …
=====================
مضيعه بيتهم : لا أنا ما أعرف هالأشياء .. أنا يا شورت أبو لمعه وفلينه علاقي ولا ألبس ثوبي أزين لي ..
وعلى قولتك اهل الشرقيه قاعدين في بيوتهم …
======================
الصفحة العربية : لالا مو كلهم .. البعضضضضضضضضض
======================
موسعـ(ـن) صدرهـ : يقولك اللي بالهوليدي ان يمشون ومعهم سيقار كوبي .. جد ذا الكلام ؟؟ خخخخخخخخ
وانا خبري فيك ماتسويها … بس نتحرش بصديقي
======================
ايانق : هم على طول كذا أو كذا
ماعندهم وقت 
نوف : ياحبك للمحارش .. أنا قلت مو كلهم .. وانتي من اللجزء الثاني ..
وانا ادري انهم ماهم كلهم من الرياض .. بعضهم من اهل القرى ..
وبالنسبه للحريه الشخصيه تنتهي عند حرية الغير ..
وانا اشوف ان الملابس الغير لائقه ( سروال سباحه ) صعب ان الرجال يمشي فيها بمجمع تجاري .. ويجب مراعاة الذوق العام ..
وعلشان كذا في بعض المجمعات والأماكن العامه .. حدد الزي المقبول .. ومنع الشورتات وثياب النوم واللي عليها رسومات .. وهذا من باب احترام الآخر ..
بس أطلق واحد اللي كان راكب بي ام دبليو .. وحاط جاعد على الطبلون
هههههههههههههههههههههه
الله يرجك ..
..
جبتها بالصميم ، فعلاً كثير من أهل الرياض مع الأسف نعاني من بعض تصرفاتهم في الصيفية .. وأنا عن نفسي بالجبيل الصناعية .. يجون ويحوسون الديرة ..
يعني غير التفحيط والتحرش وتكسير اللمبات ..
قبل سنتين أخبر جو ثلاث عوايل كبيرة من الرياض على صوالين وجيوب .. نزلوا الرجال وجو سألونا هذا شاطئ النخيل ؟ .. قلنا إيه .. المهم أخذوا نص الكورنيش وحوّطوه بـ رواق
.. يعني سوّر نص الجلسات .. عشان يدخلون حريمهم !! .. عاد جت الهيئة الملكية وقشعتهم ..
برضه قدام عيني واحد حافر زرع الكورنيش يبي يسوّي مندي
.. غرّموه الهيئة ..
لا يزعلون أهل الرياض ترى خوالي هناك ونص أصحابي .. بس تراها سوالف ..
كده يا ابراهيم تزعل نوف
لالا مايصحش
استنى وه
لبس سباحة في المول ؟
وااااه مرة لا
انا اصلا لو شفت شماغ في المول اسير كده
فما بالك لو شورت سباحة ..
صحيح فيه جانب منها حرية شخصية لكن فيه جانب أهم وهو زي ماقلت الذوق العام .. يعني المفروض قبل ما نروح أي حتة في الدنيا يكون عندنا شوية تصورات عن طبيعة اللبس وووووو … بس هدي أعصابك حبتين..
على فكرة … نفسي أزور الشرقية ممكن
؟
؟
انتو العباية عندكم لازم تكون سادة
أيواااااااه جابتها شدا ..
” ..
..
تقولك الدكتوره شدا : ” انا اصلا لو شفت شماغ في المول اسير كده
اهاااا .. يعني كلن ذوقه العام ورأيه ونظريته في راسه .. العالم ما يدرون عنها !! يعني أنت يا ابراهيم اذا رحت لجده ومشيت في السوق بشماغ بتكتب عنك شدا موضوع وتنتقدك
وتراني ما أدري وشو الجاعد
!
ههههههههههههههههه
أعجبني الشورت الوردي !!
بصراحة ثقلتها عليهم يابو مطلق .. و لو أني شايل عليهم بس الضرب في الميت حرام ..
المشكلة مش في اللبس وبس , المشكلة بعد في النظرة يعني يطالعك بنص عين .. نفسي أفهم على أيش ؟؟
كل شي هنا تقليد و الأصل بالرياض .. كل شي هنا صغير و يفشل و الشغل الحلو بالرياض .. أوكي انا معك ممكن ترجع للرياض و تفكنا!!
المشكلة أن الناس بدت تكره كل أهل الرياض !!
^
^
لا حول ولا قوة إلا بالله
!
مكتوم : غير اللي نايمين بالجموس .. واذا جيت ووقفت جمبه في مواقف السيارات .. يقولك ياخي انت ماعندك دم ؟؟ ماتشوفني نايم في السياره؟؟
هههههههههههه انا اللي ماعندي دم؟
وزين سوت فيهم الهيئه .. عاد الجبيل يازينها مشكنمه ومرتبه وهاديه .. ماودك احد يحوسها
====================================
Shada : جد اكلمك .. لبس سباحه وشعره مبلل بعد … بس مدري وش مبلله ..
والشرقيه تقدرين تزورينها .. بس بدون قمصان ام نخله لو سمحتي هههه
وعندنا العبايه تقدرين تلبسينها ساده .. أو تلبسينها بالمايوزنير والشطه
شوفي قبل 8 سنوات جيت جده وكنت أشوف الكاب البني والعبايه البنفسجي غامق وكنت مستغربها لأن الشرقيه ما كان عندنا هالسوالف .. لكن الحين عندنا عبايات على شكل فساتين .. وعندنا عبايات على شكلك بدلة غوص .. وفيه عبايات على شكل بدون عبايه .. لأنها مفتوحه من كل جهه
============================
nOuf.a.s : انت زعلانه على شورت السباحه؟؟ خلاص عقبال مايصير موضه .. وخبرك هالأيام كل شئ معقول
وحقك علينا
============================
عبدالله القحطاني : انا اللي ثقلت عليهم ولا انت ؟؟ ههههههههههههه اي والله على ايش؟ لا واللي يذبحك ان فيه شباب من الشرقيه اذا بغى يكشخ قال تراني اعرف شباب من الرياض
مع احترامي للأغلبيه من أهل الرياض
============================
Shada : الظاهر انه عندها محل حق شورتات وقمصان ام نخله وعلشان كذا تدافع عنه وزعلانه
نوف : شفتي الخروف اذا صلخوه ؟؟ يآخذون الثوب حقه
ويدبغونه .. وبعده يسمى هذا جاعد .. وتلقين البعض يحطه في المجلس او الملحق او الخيمه .. اذا حب يسوي نفسه بدوي ولا قروي .. والعرابجه يحطونه على سيت السياره والبعض يحطه على الطبلون … يعني كأنه خروف منسدح على بطنه
اشعليك اشعليك يا ريال
مصيف في الشرقية ..خلف الله علينا !!
هههههههههههه اما شورت وردي وبنفسجي؟ خخخخخخخ
السؤال اللي يسدح نفسه وش عرفك انهم من اهل الرياض؟
يمكن يكونون من الحفر؟ والا القصيم
هلا وغلا
عاد تصدق انا شفت واحد لابس بدل غوص وطاب في النافورة والثاني حاط
حوليها كراسي بحر وشماسي ومشغل أغنية عبدالحليم (دءو الشماسي )ههههه
طبعا أمزح بس على فكره انا الاحظ تصرفات غريبه من أشخاص بدون تحديد
سكان منطقة من العموم تشوفه نازل من سيارته داخل سوبر ماركت أو مغسلة
وهو لابس ملابس داخلية( فانيلة وسروال ابيض طويل ) وكأن الوضع طبيعي
وتصدقون واحد نازل من سيارته في ساحة جمارك الجسر جاي من البحرين(صاحي)
بملابسة الداخليه ورفض المدير المناوب تفتيشة الا اذا لبس ملابسه.
السؤال اللي ماله جواب ليش هالتصرف
ابراهيم اضحكتني وابكيتني
اضحكتني على بساطتنا عندما ندخل المجمع التجاري بشورتات سباحه على قولتك
وابكيتني لأن الناس حاليا مهيب لاقيه اكل عشان تصيف عندكم في الشرقيه
وللمعلوميه اهل الحوطه طيبين وعلى قد نياتهم
(( نبي نرتقي للذوق العام بس مامعنا قروش وشرايك تعطينا
))
DUBAI : والسنه الجايه بصيف في أبها بعد … موتو قهر
==========================
تميم : لا أهل القصيم نعرفهم .. وأهل الحفر مايمرون علينا .. يروحون شمال وراهم … بس أهل الرياض .. لازم يسولف مع اي واحد علشان يقوله انا من الرياض ترى … وعموماً أنا ماقلت الكل .. البعضضضض
==========================
الاعـلا مــي : أما دءو الشماسي على البلاج دءءءءو الشماسي هههههههههههه
والمشكله براعي السروال والفلينه تلقاه كاويهم صح .. يعني يحسسك انه كاشخ فيها ماهي عبث ..
ويمكن هذا حاس ان الديره بيته والوضع أحمدي
==========================
A.D : عن العياره يا احمد .. وش دخل لبس السباحه بالبساطه
وترى ذوقنا العام رهيب وما يكلف فلوس أبد .. أنا ماقلت لك لازم يلبسون بدله من ” أرماني ” أنا قلت يلبسون ثياب عاديه
شفت وشلون يابو حميد ذوقنا العام مايكلف
تحملهم! ليش تبيهم يروحون بره، شجع السياحة الداخلية أحسن
هلا ابو صلوح .. الموضوع مو اتحملهم او لا .. هذي ديرتهم وبيتهم ..
بس دام الواحد دافع دافع .. يدفع على شئ يستاهل ..
وبعدين ليه اشجع السياحه الداخليه؟؟
علشان يتربح مني فلان وفلان؟ وعلى لا شئ
تخيل شقه مفروشه يوصل قيمتها 600 ريال .. وهي مجرد غرفه وصاله وحمام واقل من المستوى العادي ..
شوارع زحمه ولا فيه تنظيم
أسعار الترفيه في العلالي ومقابل لا شئ .. يعني مافيه شئ يستاهل ..
اعرف شخص سافر لتركيا مع عياله بالطياره وساكنين في فنادق ..
وسافر بعدها الى ابها عن طريق السياره وساكنين في شقق
تخيل على ابها اكثر من اللي دفعوه في تركيا .. طبعاً مع التمشي وكل شئ ..
وعلى الأقل تركيا اذا غلت الأسعار على شئ يستاهل .. أما ابها راس مالها تلفريك يطل على زباله الله يكرمك وكم قرد على طرف الشارع ..
وبعدين انت عايش لي برا ومبسوط … وتقولي شجع السياحه الداخليه
هههههههههههههههههههههههه
عجبني كلامك لمن تقول عندهم خلط بين هاواي والشرقيه
بس على فكره حتى بجده عندنا الاشكال دي
!!
يعني امس في ريد سي مول وفي الصباح وقت الفطور جاي ولد لابس شورت كله نخل واشجار !! وتي شيرت اورانجي فااااااااقع !! حسسني اني قدام البحر وربي !
من جد مو معناتو صيف يعني تلبس ملابس الصيف بكل مكان !
الحركه بكل مكان مو بس بالشرقيه او الرياض
عجبني البوست مره ههههههههههههه
من جد ماادري متى يتغيرو
نزلت مره لمجمع الراشد ويا ليتني ما نزلت (يا كرهي للأسواق
) .. وأشوف شباب الرياض والعجيب أنك ممكن تعرفه من أول نظرة له 
.. والشباب اللي يصايحون مثل التكاسي رياض رياض رياض رياض 
وش تسوي فيه هذا 
.. من جد حال يرثى له ..
الله يصبرنا
الرد التالي يقرا بلهجة الاخ جووووووهر
اييييه ايييه شف من يتكلم ؟ سمك السواحل
اييييه طلعو اللي في قلوبكم
من جد وش يبي ذا الشيعي؟ لا و قحطاني؟ لاتكون من قحاطين القطيف بس؟
واييييه على كيفنا نسوي اللي نبي، ديرتنا من دارين إلى فرسان ، ان بغينا نلبس تي شيرت فسفوري و شورت برتقاليفاقع اللون، ، والا انشا الله فنيلة علاقية صفرا ، بكيفنا
وبعدين اسماك الشرقية وجدة اذا جو لمنا بالرياض يرجعون للديرتهم وعلى طول اقرب دكتور انف واذن ورقبة، تدري لييييش؟ من كثر ما يطالعون فوووق وهم بالرياض توجعهم رقابهم المساكين يبون يشوفون ناطحات السحاب اللي عندنا ، مساكين ماقد شافو خير
بس زين بنفتك من حقون جدة اذا انتهو من مشروع اطول برج في العالم (ايه هين)
والا الثمامة الله يحفظها لنا بزبايلها
، اول مايجي الواحد من ذا السمك يروح للثمامة يبي يتسدح على الطعوس ، مساكين والله ثم يتشكى من الحروق 
عشناااا ويامااا حنشوووف
قبل فترة مو طويلة مره ، شفت مقاطع فيديو انتشرت لبعض العوائل والسيدات “مبسطين” بالمجمع ودلال الشاي والقهوة معهم
وقرايب لي شافوهم بعيونهم
عادي عادي ليه ما زلتوا تستغربون الموضوع هذا! عشناااا ويامااا حنشوووف
هههههههههه
دخيلك برهوم خليهم يطلعوا عقدهم في بلدهم ما نبغاهم يجونا ويسووا اللي ما يتسوى!
على الأقل شورت في مول
مو شورت في جنتنج!!!!! ما غير تشيل عيونك من كل مكان عشان ما تشوف مناظر مخلة بالآداب
EXTRA P!NK : يمكن انها موضه وحنا اللي محنا عارفين الوضع ..
=================================
خاطرة بيضاء : يقول ابن فطيس : مالك الا الصبر وش وداك له؟
=================================
اييييه من الرياض : طبعاً كلامنا ماهو القصد منه الاحتفال والتحرش .. قد ماهو توضيح بعض الامور وانها مو لازم تصير علشان يحس الواحد انه في منطقه ساحليه .. وباين عليك تحب الرياض كثير
=================================
Hanan : يمكن شافو المكان براد وظل … قالو مافيه ازين من هالمكان
لكن هذا يدل لك ان فيه ناس بالسعوديه الى الآن مايعرفون الاسواق ولا يدرون انه فيه شئ اسمه مجمع تجاري
=================================
asma : ههههههههههههههههه تعانون شكلكم … واهم شئ لا تنحرفين
[...] الصور اهداء للعزيز ابراهيم و احب اسأله .. تهقى اهل القمصان اللي عليها نخل و الشورتات بيحولون على مجمعات القصيم [...]
[...] من سكان المناطق الساحلية كالخبر والدمام مثلاً، فإن مشكلة التجمعات والإستهبالات الشبابية على الكورنيش التي تكثر في الإجازات ستقل كثيراً بسبب رحيل نصف شباب [...]
[...] من سكان المناطق الساحلية كالخبر والدمام مثلاً، فإن مشكلة التجمعات والإستهبالات الشبابية على الكورنيش التي تكثر في الإجازات ستقل كثيراً بسبب رحيل نصف شباب [...]
[...] This post was mentioned on Twitter by AbdulRahman AlMuqren. AbdulRahman AlMuqren said: RT @brhom: أمس تذكرت هالتدوينة بسبب اللي شفته … الزمن يتغير وبعض البشر مايتغيرون .. http://brhom.net/?p=506 [...]