قرّب الموعد وقلبـي مستخيـر ونـاوي
حايرٍ بيـن الرحيـل وبيـن باقـي تـوّه
قلبي اللي يجذبه مرقـاب ذيـبٍ عـاوي
لين ولّع فالضلوع الحـدب واهـج ضـوّه
وان صبرت يضيع صبري والدهر ماياوي
وان جبرت النفس عيّت لا تجـي بالقـوّه
وان وقفت أحتار والمحتار مثـل الغـاوي
وان مشيت الدرب مأعرف خيرته من سوّه
يا دهر توّي من أوجاع المقـدّر ضـاوي
دوك وجهي من صواديف الدروب مشـوّه
اطوي سنيني وانا مانـي عليهـا قـاوي
واتحمل في زمـانٍ مـا صفالـي جـوّه
واتحرّى رفقـة اللـي للجـروح يـداوي
الرفيق الصافـي اللـي رفقتـه مرجـوّه
لازهمتـه يحتـزم مـا خيّـب الهقـاوي
واحتزم به لأختلـط عـج النهـار ونـوّه
والرفيق اللي ليـا بـان اللـزوم يـراوي
طو مقداره من أركـان الضمايـر طـوّه
وأعرف ان الطيب عنده والردى متساوي
يوم ربي كملـه مـا حـط فيـه مـروّه
والخوي اللي ليا شـان الزمـان يخـاوي
خوّة اللي غيـر هـذا مأعتبرهـا خـوّه
الشاعر : علي سالم العازمي العتيبي
صح لسانه والله, أمتعتنا بهالرائعة يابراهيم
والخوي اللي ليا شـان الزمـان يخـاوي
خوّة اللي غيـر هـذا مأعتبرهـا خـوّه
هذا ينطبق على الشاعر اللي يقول :
أنا خويك في الليالي المعاسير ,, ولا الرخا.. كلٍ يسد بمكاني
وما أكثر الأصحاب عند تعدهم, ولكنهم حين النائبات قليل..
وعيدك مبارك
تقبل الله أعمالكم
عيدكم مبارك وكل عام وانتم بخير
الله يجزاك خير على القصيده
جزله من راس جزل
دمت بود
قصيدة روعه يعطيك الف عافيه
روووووعه
طالعه من قلب ….شكرا لك على هذه الحكم….
ولاتحرمنا من هذه القصائد الجزله في هذه المدونه
واااي وربي روعه
يعطيك الف عافيه
وياااااااارب لا تفرقنا مع خويااتنا وتستر علينا
ودوم المحبه بييننااا
روعه
والله يعطيك العافيه
ونتمى منك التواصل معنا
وتكرار المشاركات ودمتم
طال ليلي واتحرى لي رفيـــــــق
واحديضحك معي واضحك معه
صاحب لاصاروسط القلب ضيــــــق
بالسوالف والمزوح يوسـعه
وان حكى باسلوبه العذب الرقيق
يسرق من الصدرقلب يسمعه
وان سهى خلى المشاعر تستفيـــق
وان صحى ماضاع مني جمعــه
ابيات امتعتني
ودمتم
سالمين
ونعم بعتيبه والله كفو خير من يمثل ربعه اخوكم سعيد القحطاني
صح السانك والله يابوسالم
ويعطيك العافيه اخي على النقله للقصيده ودمتم بخير
احمد منير امير العوازم مع تحياتي سلامـــــــــــي
على خط جسر بقيق.. مريت جسر بقيـق
وانا غترتي من فـوق راسي…ورابطهـا
دوي الرعد ف أذني دوي طايرات الميـق
ابـي ديـرة مانيـب جاهـل خرايطـهـا
عشان من يحلـم بزولـي قبـل مايفيـق
والى فاق ذاكرتـه علـى الحلـم سلطهـا
معاه العذارى لو تهايط ..مساء واشـراق
عليم أن غـلاه ان قـد يوقـف مهايطهـا
عليه الوصوف النـادرة راكبـه ..وتليـق
تحوطـه مـن زود الميانـه .. وحوطهـا
كساير ذهبه اللي لها في النحـر ..تبريـق
تغبط على منحـره .. والنحـر غابطهـا
ياغصن الغلا .. يا الله بالخير..والتوفيـق
تبا تغنـم الفرصـه معـاى ..او تفرطهـا
جدايله ماتدري وش المشط ..يا ابن رزيق
تعرض على على شهب الهبوب وتمشطها
ابسمعـك بيتـيـن ماهـيـب للتلفـيـق
وبيتيـن تصلـح لـك وبيتيـن سافطهـا
وبيتين يلحقهـا مـن المنتقـد ..تحقيـق
وبيتـيـن ماتعجـبـك .. ولا تعابطـهـا
الذ الوصال .. مواصلك الا ياحلى ما ذيـق
عسل نحلته شفتـك.. والثغـر مسقطهـا
غرامك غضى الجمرة ..يفوح عليه ابريق
ترفق على كبدي..تـرى البعـد شاحطهـا
تخبر الدموع اللي سرت من عيونك ضيق
لقاهـا هـدب عينـي حزينـه ..وقلطهـا
وقامت تجمع من على محجري ..وتويـق
والـى حولـت ماعـاد يمديـه ..يلقطهـا
ولكن ماعليها خوف ..خل الدموع تريـق
خـدودي لدمـع مـن سبايبك..باسطهـا
صغاير الأمور اشيلها..والكتـوف تطيـق
وعظيم الامـور تهزنـي .. واتباسطهـا
ونا ماعلى من شلة الضحـك.. والتعليـق
اعرف الخيـول النـادرة مـن مرابطهـا
وادور على الجزله .. لو انها برأس طويق
ضعاف النفوس الله من الارض.. يسخطها
ابي شوفتك من دون موعد..ولا تنسيـق
لو انك مابين ابو الرجاجيل .. وانشطهـا
عذاب الممات امن التوجـاد.. والتفريـق
ولذيذه مابين اطراف كبـدك .. وباسطهـا
لو احملك ذنبـي ..خطـا يالذيـذ الريـق
انا قبل اعرفـك ..رايـح فـي خرايطهـا
ليـه مـحد يعلق ـــــــــــ:smile:ــــــــــــــ
لمن هذه القصيدة الجميلة يابونور……