بعد ما صار سندويش البيض المسلوق بريالين .. أنا أقترح إلغاء الريال
قبل تدخل السوبرماركت .. وتلقى أغلب الأشياء الصغيره بريال .. مثل الكاكاو والبطاطس والحلويات والبارد
أما الآن !!! يالله السلامه بس
ما عاد فيه الا دخان الهنود (اللي عليه صورة واحد معضّل) اللي باقي على سعره
وبعد ما يلغون الريال .. ينزلون عمله جديده اسمها ريالين
لكن أرجو تأخير هذا الإجراء قليلاً … حتى يرتفع سعر البيبسي الى ريالين
وبعدها بصركم انتو مع هالريال اللي بيصير مامنه فايده
يا وزير التجاره قبل كنا نتحلطم ومعصبين علشان تتحركون وتحدون من الغلا اللي ذبحنا
لكن الحين
أقولك بليز , وتكفى , واللي يرحم والدينك … خلاص عاد شوفو لنا دبره
ولا تراني بنحرف وبصير أبيع طراطيع كدخل اضافي
أدري الحين بيجي القصيبي وبيقول بيع الطراطيع مهنه شريفه .. وتستحق السعوده
وعندك واحد بيض مسلوق بدون شطه ياصديق
===================================
هذا البوست اكتبه بعد مامريت على بوفية وقلت له عطني واحد بيض مسلوق وواحد بيبسي .. وعطيته ريالين .. قالي صديق جيب واحد ريال بعد .. الحين مسلوق يصير ريالين ..
طالعت فيه وقلت في خاطري .. وهي وقفت عليك انت بس .. كل العالم رفعو اسعارهم .. خذ ياعمي ريال زياده
اخوي جا قبل كمن يوم من ايرلندا …
و حنا على الغدى أمس جالسين نتكلم عن الغلاء ,, قال ابوي تصدقون وصل سعر المهيدب بسمتي 90 ريال
اخوي قام من الغدى مبقق عيونه ومو مصدق ابوي ، وكل ساعة يقوله : احلف بالله
،، قال : الحين صج صدقت انا الأسعار ارتفعت ، والله أنا كنت أشتريه بـ45 ريال قبل ما أمشي السنة الماضية ،، وبعد اشوي يقول لأبوي : احلف بالله 
أخشى . .
إن اختفى الريال . . يزداد جشع التجار
لو كان لدينا جهات و منظمات رقابية . . غير حكومية ما بلغ الوضع بنا إلى هذا الوضع . .
لكن إلى الله المشتكى . .
اخوي براهيم مدري وش ارد به
لكن في الخارج كل شيء عندهم غالي ما عدا صناعة البلد او انتاجه مثلا في نيوزلندا اللحوم ومشتقات الحليب والفواكه بريال
هذي مهيب مشكلتنا مشكلتنا بلدنا وش ينتج لا تقولي اروح اشرب بترول
لأنه يحل البطن حل 
ايه … ربي يفرجها
وصحه وعافيه على سندويش البيض
مطرح مايسري يمري 
المشكلة وأنا أخوك الغلاء على العالم كله ….
لكن المصيبة وينهم مايقولون الصدز ؟!
ليش كل يوم يطلع لي واحد يهايط , اللي يقولو غيروا عاداتكم واللي يقول تأقلموا واللي واللي …
البترول ارتفع فأمر حتمي إن الأسعار بالعالم تبي ترتفع …
المصيبة مب بالإرتفاع , المصيبة بالإرتفاع العشوائي الغير مقنن وبدون أدنى مراقبة من الجهات المسؤلة …
تلقى البضاعة تختلف من مكان مب بالريال أو الريالين توصل للعشرة والعشرين !
ربك يخلف بس
الله يهديك يابراهيم ..
عشان يكافحون التضخم .. و لا صار شي الوضع زي ماهو .. اللحين تبي تعلم ربعنا هالحركة .. ليش حنا ناقصين !!
اللحين في زمبابوي أصدروا عملة بقيمة 500 مليون دولار
هم تعلموا السوق الحر و صاروا في الرايحة والجاية يذكرونا بالسوق الحر .. مع أن العالم بدا يغير رأية .. وصار فيه مفهوم الرأس مالية الإجتماعية و ربعنا متمسكين بالعهد القديم .. صاروا رأس ماليين أكثر من الرأس مالية !!
يا أبراهيم ترى ربعنا يصدقون بسرعة .. ومن يدري ممكن بكرة ينفذوون توصيتك .. شوي الا بدال الريال 500 مليون ريال !!
ترى حنا تعودنا على الريال , و حسابه علينا سهل .. بكرة يجي الريالين و نضيع .. يعني بالله عليك تبي نشيل آلة حاسبة معنا ؟
أنا عندي أقتراح ليش ما الحكومة تسوي صفقة مع البوفيات بحيث تتحمل الحكومة ريال من قيمة البيض المسلوق .. عشان المواطن لما يبي يدفع حق السندوتش و البيبسي يدفع ريالين .. و لا يضيع بالحساب
أخوي إبراهيم أيش صار على المقلي تخبر المقلي يحتاج زيت و الزيت متضخم .. بكم صاروا يبيعون المقلي اللحين ؟؟
أحس بيجي يوم يصير البيبسي بريالين !!
أذكر واحنا صغار كانت الباونتي بريال ، بعدين صارت ريال ونص ، بعدين ريالين ، والحين ريالين ونص ..
بدال مانشتري بـ10 ريال 5 حبات باونتي ، صرنا نشتري 4 !!
والله حرام
شكرا ابراهيم
لا تفتح عيونهم
أول كان الريال يجيب شعلتين أو أربع.
الفش فاش كان أربع بريال.
و البيبسي إلى بقوارير قزاز بريال حبتين.
أما الريال عند الجحة يساوي كثير:
بريال دفتر تلوين وألوان خشبية.
وحلاوة حومر ثمانية بريال.
حتى الحجة ما عادت تقبل الريال!!
تخيلوا معي أن الدنيا تمشي بالعكس .. كل الناس تملك فلوس وتحاول تتخلص منها .. بس ما تقدر ترميها لأن رميها يعتبر سرقة
..
يعني إذا بتشتري سيارة ، الله يعينك لازم تاخذ معها 70 ألف ريال ..
وآخر الشهر الواحد ما يستلم فلوس، لا يدفع عشر آلاف ريال للشركة ..
واللي يتسلف يقول: بالله أقدر أعطيك 20 ألف ريال وآخذها منك آخر الشهر ؟؟ ..
وإذا أسرعت يغرمك العسكري ويعطونك المرور 100 ريال ..
وش قاعد أخربط أنا
.. لا تواخذني يا برهوم، بس أني ما نمت زين وبعض الأسلاك فاصلة خخخ ..
والله أنا للحين مو مصدقة أنو السفن والببسي ماارتفعت أسعارهم ..
بس ياابراهيم بيسير كلفة عالناس ..
والأطفال بيشوفوا نفسهم ..
اجل ريال بقالة العصر بيسير ريالين .. مشكلة !
مكتوم
الله يصلحك بس ..
الخوف يجي يوم يلغون الخمسه ريال مو بس الريال
الله يهديهم بس ويحسون بالناس اللي مو لاقيه تشرب حتى !!
الله المستعان
والحين انت مصور الريال وش وقفا بتورين يعني لاانقرض !
يا رجااااال المشكلة قبل فترة غيروا ستايل الريال ليكون ملائم لجعله صورة تذكارية في مجلس الرجال .
بكم الكيت كات عندكم?
الين دحين مو مصدقة كيف الأسعار عندكم..
مرة كلمت أختي وسألتني ها كم الحليب عندكم? في السعودية وصل لـ90 ريال!!
عاد الله يعين اللي عندهم أطفال تحت سن ال3 سنين بينفرشوا فرررررش!
هجوا واتركوا لهم البلد وخلونا نشوف اش بيسووا
صار بريالين يا أسماء
الي يقهر أن البقالات صارت تزيد فوق الزيادة ..
وإذا قلت ليش ؟؟ قالوا من الشركة ..
الباونتي صار بثلاثة ريالات ..يعني نص زيادة لهم ..
العصاير يزيدون عليها ريال ريالين على حسب المزاج ..
الله يستر من الجاي ..
شكراً لكل المتألمين ..
وتلاحظون اني ما اتكلم عن غلاء الأسعار ووزير التجاره .. الا في آخر الشهر ..
ههههههههههههههههههه لالا وأزيدك من الشعر بيت والله دخان الهنود الحين بريال ونص , والله ما أكذب عليك ..
هههههههههههه وحتى الببسب كان في بعض المحلات بريالين ..
والله حالة ماتسر العدو
شكرا لك
يوووووووووووووووووه وش ذا الغلااء
اجل تخيلووو كاس عصير بجده الحين وصل 30 رياال
يااارب انها جده
أبو داحم .. جد وصل ريال ونص ؟؟ يعني خلاص نخليهم يلغون الريال؟
==========================
ساره : عصير ايش هذا؟؟ 30 ريال اشتري فيها كيلو من اي فاكهه .. واسوي لي فيها جيك عصير …
والمشكله ان الكاس هذا تلقين نصه ثلج … والعصير ما تعدا ربع الكاس
هذا الريال اللى بالصورة انا احبة
احسن من الجديد اللى لونة اخضر لما تشوفة بالمحفظة تحسبة 50 وتنغش فيه
ويازينك وانتي تدفعين الريال .. وتنتظرين الباقي
اقتراح وجيه
لا تدقق
يوه انا نفس مضيعة
كذا مرة ألمحه أحسبه خمسين وأستانس وآخرتها يطلع ريال 
..!
الريال الجديد غشني حسبي الله على من لونه
نجي لمطالبتك يا باشا
لا لا لا
أنا مش معك أبـــــــــــــدا ً
كافتيريا الكلية تبيع الكتكات أبو 3 أصابع بريال
لما يرتفع كيفكم
آقوول اذا جيت تبيع طرطعان ابدخل معك شريكة .. أتعامل أنا دايم مع حرمة تبيع بشارع القطيف بجبيل البلد وأقدر أخليها تصير المورد الأساسي لنا للطراطيع وبأسعار منافسة بعد
ايه صح تذكرت
وشووله تاخذ لك ساندويش بيض من بوفيه ؟
ماعندكم بيت ؟ بيتكم مافيه مطبخ ؟ مطبخكم مافيه بيض ؟
والا هو فسق ويعنني تراي آكل من برا شوفوني ؟
> >
الله يضحك سنك يابرهوم … ابشرك حتى الاطفال ما عادهم مثل اول
تعطيه الريال ما يفرح
يقولك وش هذا وش اشتريبه 
اجل الهلل وين راحت!
لكن شكلك بتفتح عيونهم ويلغونه
المية الحين تطير مافيها بركة
ومنول يمديك تروح البقالة وتعبي العربانة ويزيد معك
الله المستعان:roll:
هذيان : والله لو اني قايل لك اني مآكل من السمبوك ولا الجاندولا ..
راس مالها بوفيه
طال عمرك انا اذا قمت الصباح للدوام .. كأني ضب .. ما آكل شئ .. ويبي لي ساعه علشان اروق .. بهالوقت اكون وصلت الدوام … وهالبوفيه البيض المسلوق حقه أحسن من الكافيار .. مدري وش يحط فيه
( يعنني يعرف طعم الكافيار)
———————
شكلهم راح يغيرو كل العمل العربيه يا بدولار اوبشيكل السرائيلي
يوه
قرب العيد ورمضان والمدرسة
اخ بس كلها مقاضي تكلف فوق المليون
حتى في المدينه انا ساكنه في المدينه مره غاليه اعوذ بالله منهم
alah bismilahhh a36izai ahbabi vive marococ