أرسلت الأخت عابره ورودها لبعض المدونين الذين كان لهم أثر فـ حياتها
وأنا هنا أستغل هذه الفرصه لأرسل بعض الورود لبعض الأشخاص الذين لهم أثر طيب في حياتي
والورود هي على هذا الترتيب حمراء، بيضاء، زهرية، برتقالية
الورده الحمراء : أهديها لزوجتي أكيد … يعني تتوقعون بهديها لأبو سالم مثلاً 
الورده البيضاء : برسلها لكل من الأخوان رءوف شبايك و الأخ خالد والأخ أحمد جبر والأخ محمد ملياني… وذلك لجهدهم لإيصال المعلومه المفيده لمرتادين الانترنت من العرب … ولبذلهم جهود جباره من أجل هذا الشئ .. جد يعطيكم العافيه ياشباب
الورده الزهريه :أهديها لكل من الأخوان خالد السويدي والأخ علووش والرفيق تميم والمعلم داوود راعي الكرك .. وذلك لجودة ما يكتبونه في صفحاتهم … وبصراحه احس بالراحه لما ادخل مدوناتهم لدرجة اني افصخ الشماغ 
أما الورده البرتقاليه أهديها لياسر الغسلان وللأخ محمد الشهري وللأخ الرفيق الدكتور المزكوم الفيلسوف … لأني أرتاح نفسياً لاسلوبهم في الكتابه
وأهدي قدر هريس وجريش لصاحبي الموقر أبو سعد حبيب الكل
وأغتنم المناسبه لأهدي تحياتي لكل من أخواني اللي جمعني فيهم التدوين … وصار لهم في القلب مقدار ونصيب
كل من محمد بن سالم ,أحمد باعبود , عصام الزامل , ثامر الطويرقي , والغايب خالد الناصر , خالد العيسى , علي الريعان , فيصل الحربي , أسامه الزبيدي (أقوى مدون في العالم)
واللسته تطول …
واقول شكراً لكل صاحب فضل علي 
وانت قولي
تهديها لمين؟
خلونا نعبر شوي ونشكر من يستحق الشكر
ترمي شماغك وانت داخل مدونتي
شكلك ناوي على هواشه وتراني ما أهاوش قحاطين
انضربت من واحد في الإبتدائية ويكفي هههه
يعطيك ألف عافية ويشرفني اهتمامك بمدونتي
ويستاهلون الإخوان اللي كتبته عنهم
شكرا جزيلا يا ابراهيم على الوردة البرتقالية
و أتمنى ان اكون كما يعبر عنه اللون البرتقالي ثائرا مسالما دائما خصوصا و انا أعيش يومي الأول دون مدونه نتيجة لخلل ما في سيرفر ما في بلد ما يستظيف مرتع ثرثراتي، و اتمنى أن لا يتحول هذا السلام فيني إلى اللون الأحمر فقد بدات في الغليان.
تحياتي لك.
اوووة يوزعون ورد بالتدوين واحنا ماندري
طيب المشموم* حق مين ؟؟ لووووووووووول
—-
* مشموم = ريحان
ليش كل الورود للشباب
والشابات مالهن من الطيب نصيب
برهوم، يارفيقي العزيز
وتشرفني اشادتك والله ، وتشرفني اكثر بزياراتك وجدعك للشماغ .. شكلي باحط معلاق عند باب المدونة هههههههه بس لا تنساه عندي تكفى 
شكرا على الورد
شكرا ليك ..
شكرا لك ..
مدونتك كانت من أوائل المدونات
أو ربما تحديدا الثانية بعد مدونة سوالف عبد الله الدوسري
والتي كانت أحد أسباب حماسي للبداية ..
.
.
فشكراً لك ..”)
موضوع جميل
وعابرة ليس عليها زود ما شاء الله
فعلا تهادوا تحابوا
اهدي سلامي لكل مشجعي الاتحاد وكل عيال جده و بزوره الحاره اللي جمبنا
أفا والله أفا نسيتنا يابو خليل وياما أكلت معاك على صحن واحد،،،تذكرهم ولاتنسي واحد فيهم وأنا(( ستاند باي))قالوها في الأمثال ((عين عذارى تسقي البعيد وتخلي القريب)) من علمك تقسى ياورد
تحذير:
لاتعودها المره الجايه وتنساني…
عابر سبيل : انت الحين لما تروح العزبه .. ماترمي الشماغ؟ أكيد ما رميته الا لأنك مرتاح … هذا المقصد
اني احس بمدونتك كأني في عزبه في أيام الويكند 
——————————
ياسر الغسلان : قول بعد اني عطيتك عين وخربت السيرفر …
——————————
مضيعه بيتهم : ههههههههههههههه تهاميه الاخت مو دماميه
وزعي مشمومك وقولي لنا بتهدينه لمين
——————————
عـائــشــة : الورود للشباب بس … وخواتنا الإناث … في موضوع آخر وبوزع عليهم خامات وملافع …
وانتي اولهم .. لأنك من أفضل المدونات النسائيه اللي ازورها … وملتزمه بدينها وعاداتها وتقاليدها …
——————————
تميم : ههههههههه شكلك تعاني من الشمغ اللي في الملحق
——————————
ودّ : والله لي الفخر …
ولا عدمنا زياراتك اللي تنورنا
——————————
منال : عابرة استشاريتنا النفسيه … وماعليها كلام
——————————
محمد بن سالم : متصل على اذاعة الكارنتينا؟
——————————
عدالة الميزان : انت غير ياباشا … انت راس المال
مساءك زنبق أخي ابراهيم ،،
مادري ليش كل ماكتب تعليق في مدونتك يقطع النت >.<
عموما ورودي سأبقيها في حديقة المنزل حاليا حتى انتهي من البحث ..
والله العظيم يا ابراهيم.. ادمعت عيني على هذا الاهداء.. اتمنى اكون دائما موفقا فيما اكتبه… لك تحياتي وشكري الجزيل
: مفنوده : هذا لأني أكبر هكر في العالم العربي
والله علمي علمك .. بس اذا تكررت المشكله .. اقري المعوذات وعاودي الزياره …
———————-
خالد السويدي : تستاهل الورد والقلب يا خالد … كاتب كبير وكلام جميل … وتراني نسيت شماغي في مدونتك آخر مره
وتحياتي لك … وجد انت من الأشخاص اللي اتمنى مقابلتهم