في العاده وفي الصباح الباكر أكون في السياره .. ومعاي كاس الكوفي اللي يسويه طارق الباكستاني .. ومعاي لستة بالأمور اللي بخلصها اليوم
ومثل مايعرف البعض .. أنا شخص متابع جيد للإذاعه
والمتابع لإذاعة الرياض في الصباح .. يعرف برنامجهم ” صباح الخير ”
في هذا البرنامج فيه فقره اسمها لقاء مع محافظ ..
يستضيفون فيها محافظين المناطق من كافة أنحاء المملكه ..
وهنا الشئ العجيب
لما يستضيفون المحافظ … ويبداء يتكلم عن محافظته وعن الإنجازات وعن الأنشطه التي تقام في المنطقه
أبداء أشك انه يتكلم عن لاس فيغاس أو دبي أو أحد مدن أوروبا
مدن في المملكه لأول مره أسمع عنها … والمحافظ يقدمها على انها من اشهر الأماكن السياحيه؟
حائل أنظف مدينه في المملكه؟
رابغ من أجمل الشواطئ العربيه؟
ما أقول الا يازين عرعر بس
وطبعاً هذا الكلام يتبعه اتصالات ومسجات من المستمعين
فبعد المديح والانجازات من طرف المحافظ يبداء يتصل المواطنين وغالباً ما يكون كلامهم عكس كلام المحافظ …
فبعد ما كان المحافظ يتكلم عن الشواطئ .. يتصل احد المواطنين ويتكلم عن عدم توفر اي سبل الراحه على الشواطئ
وبعد ان كان المحافظ يتكلم انتهاء مشاريع تعبيد الطرق .. يتصل مواطن ليتكلم ويشتكي من المشاريع المتوقفه
وبعد ان كان المحافظ يتكلم عن نظافة المدينه … يتصل احد المواطنين ليتكلم عن عدم وجود متابعه من البلديه وانه يخشى انتنشار الأوبئه نظراً لكثرة القاذورات
وتلقى المحافظ يرد ان هالكلام غير صحيح ومبالغ فيه!!
ودائماً يكون طريقة ردهم بنفس الأسلوب .. إلى ان بديت اشك انهم كلهم ماخذين دوره خاصه في ” فن التصريف اللطيف ”
لأنهم كلهم يتبعون نفس الأسلوب ونفس الكلمااات .. وأحياناً نفس النبره
وأستغرب من هذا الأسلوب في الكلام عن أشياء غير موجوده أو غير صحيحه ومن أسلوبهم في تصغير نظرة المواطن ووصفه بالمبالغ في نظرته …
لكن بعدها أقول لنفسي ..
وش بيجبرهم يتكلمون بالواقع دام ان الوضع في البلد محيوس ..
ومحد راح يقدر يجي ويلومهم لأن القربه مشقوقه
ومن ابسط حقوقهم انهم يصرفون اكبر راس في المواطنين بهالكلمتين
وهي كلها خمس دقايق على الهواء مباشره والسلام
ما اقول الا
يا أعزائي المحافظين .. والله عيب
====================================
وتحياتي الى الأخ عبدالله الاسمري وهو من متابعين هالبرنامج 
زقرتني؟
:
:
بس ضحكتني من قلب ..
على سردك للموضوع !!
الدول العربية ..ما في أحسن منهم يوم يمدحون انجازاتهم البسيطة و الكبيرة !!
و حزة سواد الويه ..دور عاد بطل أو رجل يرمس !!
>> حائل أنظف مدينه في المملكه؟
ايه أنظف مدينة زرتها في المملكة .. والله وانا أشهد !
..
شوارعها أنظف من شوراع الرياض ..
والله إنها فلّه بس عطها كم سنه وتصير ما تصيف إلا فيها
DUBAI : لا أبشرك عندنا يتكلمون في كل وقت سواء في سواد ولا بياض الوجه ,,, لأن وجيهم قويه
————————-
نوف : انا عن نفسي ما زرتها … بس طريقة كلامه وهي يصفها ما دخلت مزاجي .. حسيته يبالغ …
أزين ما في حائل هو حماد الشمري ( دخله عرض )
قوووله مـــنــاك يالله>>
كــلو بيشبه بعضوا قصدك ماخذين دوورة في الخررطي
والنصب زين مانطت عليك ارنب من ارانبه وكبت الكوفي
أخى الغالي :
أستأذنك للحظات،،،ماذا تتوقع من أناس وضعوا(بضم الميم وكسر الضاد)في أماكن ليسوا أهلا لها،،،ماذا تتوقع أن يصرحواأكيد ماسوف يفرض عليهم من أصحاب القرار السياسي ونظريتهم المعروفه((من صادها عشى عياله))وأكيد المحافظ من أتباعهم…وهناك خطوط حمراء لا أستطيع تجاوزها المعذرة وأنت فاهمنى …
دامت أفراحك ياوطن***ويكفيك ربي شر المحن
قصدك برنامج (هلاّل وربعه )
والله هالبرنامج تابعته فترة وسبق واتكلمت عنه , ماكان يعجبني فيه إلا حركة المرور
والله امنيتي إن شوارع مكة تتراقب بالكاميرات .. مثل أهل الرياض << جالس يتكلم عن امريكا
يا اخي على الاقل المرور عندكم اسلوبه حضاري , مو مثل البلطجية اللي عندنا ..
وسلم لي على المحافظين الجدد !
” فن التصريف اللطيف ” وين يدرسونه ؟
أما هذولي اللي يمدحون وَ يثنون على إنجازاتهم اللي في نظرهم تحققت , يعانون من أمرين :
* إما أنهم ما يشوفون وش قاعد يصير >> ربي معمي على بصيرتهم
* أو في ناس تحتهم قاصين عليهم وَ يقولون لهم كل شئ ماشي تمام وَ هم ما شافوا المشاريع الا مرتين , وحده عند وضع حجر الأساس و الثانية عند الشريط إذاناً بإفتتاح المشروع
دمت بود
تذكرت .. عميد جامعة ما .. في لقاء مباشر في قناة ما ..
كل ماواجهوه بحقيقة قال !
غير صحيح ..أبداً..
هالعينات مفروض ماتحرج نفسها
لبنى بنت ابوها : الخرطي هذا باب من أبواب التصريف اللطيف ..
———————————-
عدالة الميزان : وهذا اللي قصدته انا يوم قلت ان القربه مشقوقه … لأن اللي فوق ماعليهم قاصر … كلهم نفس الأسلوب ..
———————————-
علوش :هو هلاّل وربعه بزااااته
لا أنا ماني من مملكة الرياض .. انا من الشرقيه ..بس لأن الشرقيه مالهم اذاعه فأنا متطفل على قناة الرياض
..
———————————-
light : هذي يدرسونه لهم قبل لا يستلمون المنصب … وبعض فنونه تجي مع الخبره ومع الإحتكاك بمن هم أعلى منهم
وأنا أوافقك على النقاط اللي ذكرتها وفي كلى الحالتين المحافظ هو المسؤول ..
———————————–
آلاء : أتوقع انهم يطلعون في البرامج خوفاً من ان المقدم يقول في البرنامج انه حاول يستضيف فلان ولكنه رفض …
ولا على قولتك … كل كلام المواطنين غير صحيح؟
طبعا التصيريف و انكار الواقع شي منتشر لدرجة مجنونه في القطاع الحكومي .. مافيه أحد يطالبهم بالمستحيل إذا فيه مشكلة لازم تعترف فيها بعدين تفكر شلون تنحل .. أما إذا انت مش مقتنع بوجودها فمستحيل تدور على حل !!
يابو خليل ذبحنا السوبرمان !! هالامريكان غزوا عقول مسؤولينا فيه .. المسؤول يفكر نفسه سوبرمان و مفروض لما يحط شي في باله لازم يصير .. لو أعترف السوبرمان أنه فيه مشكلة لازم يحلها – لانه سوبرمان- .. بس الواقع يقول أن الحل مش بيد شخص واحد .. الحل يكون بمشاركة عدة أشخاص .. مثلا المحافظ تابع للامارة و الامارة دورها تنسيقي مش تنفيذي .. عشان كذا المسؤول يحافظ على صورة السوبرمان اللي بداخله و يسلك اقصر واسهل الطرق , و يصرف خلق الله و ينكر و يجحد المشاكل ..
لو الله فك مسؤولينا من عقدة السوبرمان كان حنا بخير .. خلنا نرفع شعار “نبي حل حل .. مو سوبرمان” .. عسى الله يفكنا من هالمصيبة ..
تحياتي لك ..
هلا والله ابو عابد .. الله عليك
صادق عندهم سوبرمان وعندنا أقدر مان
وعسى الله يفكنا من هالمصيبه ..
وبعدين متى بتفك اسر المواضيع المحفوظه؟
وقفت على ذي يابوخليل
يعني ترضاها انهم يندقرون (ينهضمون)
خلهم يكشخون
.
.
.
أتمنى بس إنهم ما يقربون لمحافظنا