الفتره هذي ماسك مشروع تقوم عليه شركة مصريه
والشركه المصريه مسلّمه المشروع لشركة سعوديه ولكن باداره وعماله هنديه ونيباليه
والشركه السعوديه جايبه لهم شركة لأعمال الدهان والعماله فيها باكستانيه
والمشروع باشرافنا حنا السعوديين ومعانا كم واحد فلبيني وبريطاني وامريكي
اللي صاير طال عمركم
* أجي للشركه المصريه واقوله وش هالكلام؟ مايصير هاللي انتو مسوينه في الموقع الفلاني
يرد علي ويقول ” اصل الهنود دول مابيفهموش خالص … وفيهم غباوه إنما إيه .. خلاص أنا حاخود بالي من الموزوع ده ”
* أشوف الهندي واقوله ليه ما بلغتني ان عندكم شغل اليوم؟
يقولي ان المشكله من المصري .. مفروض هو يبلغك … هالمصريين لعابيين .. خلاص انا ببلغك بنفسي مره ثانيه
* ويجيني الباكستاني ويشتكي لي من الهنود والمصريين انهم ناس تافهيين وما يعرفون يشتغلون
* وأحيانا اذا رحت آخذ لي شاي يشتكي لي البريطاني والأمريكي من الفلبينين وانهم كذابين
* والفلبينين يشتكون من الأجانب الشقر ويقولون انهم شايفين نفسهم على ولا شئ
وكل واحد منهم يفتخر بخبراته السابقه في بعض الدول .. وكل واحد منهم يشوف نفسه انه هو الفاهم
طبعاً أنا على قناعه تامه انهم اذا اقعدو مع بعض يحطون اللوم علي أنا ويقولون عني مثل ماقالو لي عن غيرهم 
وفي بريك الغداء نجتمع أنا والشباب السعوديين ونروح للمطعم ونقول ” ياخي هالعماله الأجنبيه مافيهم واحد فاهم … ليه مايجيبون سعوديين؟ ”
ماقلت لكم ان كلن فيه شره؟ 
هو الموضوح حش في حش ( الحش هو الغيبة والنميمة )
في النهاية حتى الأجانب كلهم بيجتمعون ويقولون هذولا السعوديين ما منهم فايدة كله ضاربين مندي وبرهوم راقد على الكرك !
اضحك الله سنك اخ ابراهيم..
بداية انا ارى ان اغلب من يقع في الخـطأ يحب ان
يُشرك به احد كي يحمل معه الوزر وينفي اهماله والشيءالاخر
ان البعض يرى نفسه هو الاقدر والاكمل فينتقص الاخــر
طيب اذا هو يشوف انه الاكمل خلاص وش عليك من غيرك ليش تحقرهم
هذا والله اعلم يدل انه يعاني من نقص ويحاول تعويضه
باان يظهر سلبيات غيره..
اكررررره التمييز بين الجنسيااات..
تقاطع
:اما عليكــم كوكتــيييل مش طبيعي عليكم بالعافيه
المشروع وعماله((كوكتيليشن))..
مستانسه لاني انا اول تعليق((الاولى)) <<دايم هذا مكاني ممكن اخ ابراهيم احجزه
الله يسامحك عابر سبيل اخذت مكاني
عابر سبيل : لا ماهو عن حش ونميمه … الا لأن كل جنسيه تشوف نفسها هي الفاهمه .. عاد بالنسبه للكرك .. عندنا واحد باكستاني اسمه طارق يزين لك كل انواع المشروبات الحاره ومن ضمنها الكرك … تصدق في رمضان تشوف الموظفين متوترين بسبة الصيام وخصوصاً مشروبات طارق … وكل ماشفت الكرك ذكرتك
—————————-
لبنى : نعم هذي المشكله … تحقير الغير وبنفس الوقت كل واحد يظن انه من الجنسيه الذهبيه … ويعلم الله انا ما احب التمييز بين الجنسيات … لكن هذي هي أوساط الدوام …
وبالنسبه للتشكيله .. انا احب الاختلاط بجنسيات غير … لكن للأسف في المشاريع مايصير لك وقت تتعرفين على حياتهم وعيشتهم كله شغل في شغل
هههههههههه والله ضحكتني…
كنت فاكره هالوضع بس في الدول العربية… بس طلع إنه موضوع عالمي..
كل العالم يذم كل العالم وكلن على باله إنه أحسن ما خلق ربي..
أحيانا يصدقون في نقدهم، وأحيانا بسبب الخوف من تحمل الخطأ، ولكن أحيانا بسبب الحسد..
الله المستعان..
أسلوبك جميل في الطرح أخ إبراهيم..
التعميم مشكلة نعاني منها ..
ولا الحين الهنود بيوصولون القمر واحنا اللي نقول وش هالهندي اللي مايفهم
والمصارية كانوا سبب في ايام السبيعنات والثمنينات بالتدريس واللي درس على يد مصري تعلم احسن تعليم .. من قوة تعليميهم !!
وحتى هالحين صنف الشهادات والخبرات وقلي هل فيه جنسية معينة أحسن من الكل؟؟
أظن العولمة الحين بعد ساوت بين شي اسمه جنسية!
وحتى الشهادة مالها قيمة عند أنت وش تقدر تسوي؟؟
.
.
الموضوع الثاني\ الكلام بظهر بعض .. داء شديد التفشي
وحتى بيننا بالمكتب وبرضو في اختلاف جنسيات .. تلاقي حتى عزايم الغدا كلن مسوي له شلة والسعوديات اهم شي مايبون احد ياكل معهم!!
والله عيب علينا
الله يقطع إبليسك
ودي أضيف شي : العنصرية موجودة عند الجميع وبدراجات مختلفة + أغلب الناس ما تحب تعترف بالخطأ وتحب ترمي أخطاءها على الناس الثانيين
بس صدقني لو اشتغلت كفرق عمل و بنظام إدارة المشاريع كان ماحد قال عن الثاني كلام مو زين
وإنت الصادق ياابراهيم ، كل شعب يشوف نفسه أحسن من البقية ، وان البقيه هم الي مايفهمون ..
الطبقية موجودة حتى بين ابناء الشعب الواحد ، أتوقع هذي غريزه في الإنسان ، إنه يشوف نفسه الأفضل دائما ..
شكرا ..
المشكلة واضحة و هي أن العمل الذي تقومون به لا يتم إدارته وفق خطة زمنية توزع الأعمال على مراحل محدد فيها مسؤليات كل طرف.
مثل هذه الأشكاليات طبيعيه عندما يكون العمل فيه شئ من الإرتجالية و عدم التنظيم، كما ان إعتبار الجنسية أحد أسباب التأخر في العمل كما يراه الأطراف العاملة لهو دليل على أن توزيع العمل في الأساس تم بناء على تقسيمه وفق الجنسية، فالخطأ في التقييم ناتج على التأسيس الخاطئ، و الله أعلم.
تحياتي
السلام عليكم
قبل أن أتدخل فيما لا يعنيني أعرف عن نفسي… محمود من العراق… وقد زرت المملكة العربية السعودية مرتين للعمرة.. ( لكي أعكس انطباعي )
لا بد للشعب السعودي أن يعي أن بناء بلده لا يكون إلا بيده.. والبناء لا يكون بناء الجدران والسقوف وإنما بناء الشعب والبلد والأمة..
فأنت تصنع شعبا سعوديا.. وترعى أمة إسلامية لغتها العربية
لكن ما رأيته في مكة على سبيل المثال أنني كنت محاطا ببنغاليين وهنود وما إلى ذلك يسيرون أمور المدن وأحول الناس
كنت أسمع أحيانا عن البطالة… فلماذا استقدام العمالة؟ أم هل هنالك من الناس من يستنكف العمل بيديه؟
كم أفرح عندما ادخل محلا يديره عربي اللسان يفهمني أو سائق سيارة أجرة أحاوره في الطريق ويعقل ما اقول له
في الجاهلية كانت قريش تسمى الأعمال مهنا لأنها ترى في العمال باليد مهانة وقد عملوا بالتجارة بينما كان أهل المدينة فلاحين يعملون بأيديهم
…
قد يطول الكلام.. ولكن لم أقل شيئا جديدا.. بحت بشيء مما كنت اريد قوله
يابوخليل كلن يشوف عمره أبو العريف
ماحبيت امر ولااسلم
خذ عاد الكلام الجدي
شف ياطويل العمر هذي مو مشكله افراد هذي مشكله دول
يعني سياسه ارميلي وارميلك شغاله بين رؤساء الحكومات نفسهم
بتجي علينا حنا بالمواطنين
طبيعي …
وكل شعب له ميزة (( او سلبية ))
يعني احنا الخليجيين كسولين <<< انا مقتنع
الامريكان مغرورين
القحاطين عيال نعمة واهل كرم ((( وش رايك فيني ؟؟؟ )))
وكل مجموعة من الاشخاص بتحاول تطلع او ترفع نفسها عن المجموعات الاخرى اما عن طريق (( الحش في المجموعات الاخرى )) او بذكر المزايا التي يتمتعون فيها …
يعطيكم العافيه يا اخوان … وشكراً للإضافات الجميله قوي قوي …
ياسر الغسلان : لا ياخوي كل شئ موزع ونمشي على أفضل نظام في ادارة الجوده .. بس المشكله ان العالم كلن يلوم غيره على خطاءه من باب السوالف ولا اذا جينا على النظام كلن عارف بلاه …. بس هذي مشكلة الواحد لما يصير طيب وكلن يجي يفضفض له
3la el aqal ehma ley efta5raw 3ndhom enjazat yefta5roun feeh … e7na 6arg hal baizaat manadre wain enwaze3ha .. o mo fahmen shel6ab5aa
