هذا مجرد اقتراح
وهو أن يتم فحص الوزراء على يد أطباء نفسيين قبل تنصيبهم لمثل هذا المنصب القيادي
وهو ليس من باب الإستهبال .. بل من باب تفادي بعض المشاكل
في حياتنا العاديه وفي العمل … نجد بعض الناس ما فيه ازين منهم في شغله معينه
ولكن لما تقوله خلاص بنخليك مسؤول عن هالشغله … تلقاه ينقلب رأساً على عقب
ويبداء يطلع قرارات غريبه عجيبه … مالها أي علاقه بالتميز اللي كان فيه
وهذا ليس لأنه جاهل في هذي الشغله
ولكن بسبب أنه يعاني عقده نفسيه .. وهالعقده ما تجيه الا اذا صار مسؤول أو رئيس.
——
وفيه بعضهم عنده عقده من اتخاذ القرار … فتلقاه يحاول قد ما يقدر ان غيره ياخذ القرار … وهذا بطبيعة الحال ما يصلح يكون مسؤول ..
لأن المسؤول يجب ان يكون قادر على اتخاذ القرار المناسب في الوقت المناسب ..
وعلشان كذا تشوف بعضهم يتقلد منصب معين لمدة خمس سنوات وينشال منه وهو ما طلع ولا قرار … ليس لأن الشغل ماشي تمام … بل لأنه خايف من اصدار القرار .. وانا تعاملت مع بعض الرؤساء يعانون من هالشغله ..
——
وفيه البعض الآخر يعاني من عقدة النحاسه ..
وهو انه من يوم يمسك المنصب .. تلقاه قلل المصاريف وقلل مدة الإجازه وقلل الكورسات وألغاء الشاي والقهوه من المكاتب وكنسل شئ اسمه حفل او عشاء عمل …و كنسل خطة الترقيه لبعض الموظفين
وهذا كله من باب النحاسه واللعانه
وهذا بطبيعة الحال ما يصلح ابد يكون مسؤول
——
وفيه بعضهم اذا قاله أحد روح يمين راح … واذا قالو روح شمال راح
اذا احد نقله شئ سيئ عن شخص معين كرهه … واذا جاء ثاني يوم وسمع شئ زين عن شخص آخر حبببه
بدون ما يتأكد من أي شئ
وهذا شخض إمّعه
وهو غير قادر على اتخاذ قرار معين هو يريده … فبكل سهوله تقدر تأثر عليه الأوضاع اللي حوله
فتلقاه متخبط … يوم يحط القرار ويوم يشيله … ويرجع بعد يومين ويرجع القرار اللي شاله
وهذا بطبيعة الحال ما يصلح يكون رئيس أو مسؤول
——-
ولاحظو إن كل الشخصيات اللي تم ذكرهم … ممكن انهم يكونون مميزين في وظيفتهم او تخصصهم
لكنهم راح يكونون فاشلين جداً اذا عينو مسؤولين.
وسيؤثر هذا الفشل على من هم متضررين سواء موظفين او غيرهم ممن لهم علاقه بهذا الشخص المسؤول
فما بالك اذا تم تعينهم وزراء على وطن بأكمله
****
فأنا من باب أهمية وظيفة الوزير وشخصيته…
وكوني مواطن سعودي يعتقد ان فيه احد يسمعه
أطالب بقرار فحص الوزراء نفسياً قبل تسليمهم مقاليد الوزارة..
واذا طلع فيه عقده من العقد السابقه لا سمح الله… يرجعونه لمكانه ويختمون على ملفه بالشمع الأحمر
لكي لا يتم ترشيحه مره أخرى … فمثل هذا المنصب لا يتحمل فشل العلاج النفسي
فيجب ان يتقلد هذا المنصب شخص ” سليم ” نفسياً بالنشأه وليس بالعلاج
ونحو وزراء خاليين من العقد النفسيه
————-
طبعاً ياليت يطبق القرار في التشكيل الوزاري القادم … لأنه لو طبق الآن .. بيصير فيه نقص كبير في الوزارات..
وشكراً
——
مقدم الطلب :- إبراهيم مطلق القحطاني
وتراني ماني حريص على هالطلب … يعني اذا ما ودكم .. ترا ماهو لازم ينفحصون
أهم شئ راحة وزرائنا ومسؤولينا
ودمتم بود
أهم شي الأخلاق
،، وخل العقد النفسية لأصحابها الله لايبلانا 
،،
خوش اقتراح
بس لا يمكن تطبيقه في الكويت
لان مافي انسان عاجل يقبل في الوزارة
والله اقتراحك ممتاز و في محله….بس المفروض انه يكون هو الطبيعي لمناصب أقل حتى من منصب الوزير … يعني اصلا ما مفروض يوصل انه يكون قريب يترشح لوزارة وهو ما عدى اختبار مثل هذا من قبل!!
يبغوا يحرجونا بأي وسيلة والسلام
قريب قرينا في الصحف الأمريكية انه أوباما قبل لا يعين أي أحد لمنصب يرسل له قائمة أسئلة أكثر من 70 سؤال أسئلة دقيقة جدا جدا من أمثلتها: هل في ماضيك أو ماضي اي أحد من أقريائك أشياء لاتود أن يعرفها أحد أو قد تضعك في موقف محرج و تود إعلامنا بها الأن؟
ما أدري هدول الأمريكان أيش آخرتها معاهم
وتراني ماني حريص على هالطلب … يعني اذا ما ودكم .. ترا ماهو لازم ينفحصون
أهم شئ راحة وزرائنا ومسؤولينا
^
^
ابوخليل اذا وافقوا على طلبك فحص الوزراءقبل تعيينهم بكرة توصلهم طلبات عن المعاييـر والمقومات لتعيينهم وينفتح باب ….(الحارة)مدري الباردةهههههههههههههههههههههههههههه
إبرايهم .. عسى إبليسك بالحمى
الحين بالله عليك .. أنت صاحي , يا أخي استغفر قبل لا تطب عليك مكافحة التدوين السلبي !
قال فحص قال !
أنت قاعد تتكلم عن الشريحة المحرمة ( ستيك ) !
يقولون بأن طلبك مرر لإحدى الوزارت , فكان التوجيه (يفحص بدلاً منهم )
برهوم
كم باقي على اجازتك? تراك بدأت تخبط في الكلام شويتين يمكن تحتاج فترة نقاهة
جاتني بعض الرسايل .. يحسبوني اتهكم واتطنز على الوزراء … واني كاتب الموضوع من باب الاستهبال على الوزراء …
صحيح ان احياناً أكتب مواضيع من باب الضحك … لكن يعلم الله هالمره جد اتكلم … وترا هذا الشئ لو طبق بيرجع بالشئ الكثير للبلد … وبكون على الأقل ساهمت بنمو البلد
واحس اللي فهم وش اقصد هو الأخ ( صلاح )
والأخت ( انتروبي ) لأنهم عاشو في بلد منفتح فكرياً
…
ويتقبل مثل هذه الأفكار … بل ومثل ما ذكرت انهم يطبقونها قبل التعيين …
والقصد من الاخصائي او الطبيب النفسي هو التقييم وليس العلاج
إبراهيم .. إنته تتكلم عن وزارات .. والمفروض هالشي أي عملية التفييم تعتبر من ظمن نظام التوظيف..
لأن تعيين الموظف المناسب هو مفتاح النجاح في التنمية المستدامه لأي شركة سواء كانت عامه أم خاصة
لو هالفكر سائد عندا في بيئاتنا كانت أمورنا بتختلف
تدري أخ ابراهيم إن موضوعك هذا أعقل موضوع كتب عن الوزراء .
أقول الحقيقة .. بل إنه موضوع موضوعي .. يجب الإلتفات له .. وأخذه بعين الإعتبار والجدية .. (آلا ليت صوتك يسمع )
عائشه : صحيح كلامك … وما عندي اشكال لو يبون يطبقونها من قبل التوظيف حتى … بس هم يوافقون ..
—————
ليلى : ان شاء الله بيسمع .. اول ما يبدون يسمعون للشعب