بعد أن تم اقرارإعطاء المعلمين ” بعض حقوقهم المسلوبه من 12 سنه ” وهو تعيين “بعضهم ” على الدرجه الوظيفيه التي يستحقها ..
بعد أن كانو يتوظفون على درجه أقل من اللي من المفروض انهم يتعينون عليها ..
وطبعاً هذا التعديل الى المستوى المستحق .. لن يشمل سنوات الخبره
يعني كأن الواحد توه متخرج ..وهذا ظلم آخر
ولكن مو هذا موضوعي
موضوعي انه بعد توجية خادم الحرمين الشريفين الذي حث فيه على حل مشاكل المعلمين والمعلمات من كل الجهات
خرج علينا اليوم مجلس الشورى الموقر .. ليرفض زيادة رواتب المعلمين والمعلمات في المدارس الأهلية ..
وهذه طعنه أخرى يتلقاها معلمين القطاع الخاص
فبعد أن قامت الحكومه متمثلة في ادارة التعليم بالتخلي عن دورها في توظيفهم في القطاع الحكومي ..
هاهو مجلس الشورى اليوم يرفض الزياده ..
وكأن لسان حال المعلمين والمعلمات يقول ” بغيناك عون صرت فرعون ”
وطبعاً الرفض لم اجد له أي مبرر ..
ولكن يمكن يكون من باب اثبات الوجود لهذا المجلس اللي هو من المفروض انه يبحث عن مصلحة الشعب …
لكن بما ان الشعب ليس له اي دور في اختيار اعضاء المجلس ..
فلهذا السبب نشوف الشعب آخر اهتماماته ..
فبعد ان رفض اقرار اعانة للعاطلين
وبعد ان رفض اقتراح تخفيض سن التقاعد للمرأه الى 50 عام
وبعد ان رفض اقتراح تقديم خدمات الإنترنت والهاتف مجاناً للمدارس
هاهو اليوم يرفض زيادة رواتب المعلمين والمعلمات في القطاع الخاص
——————
إلا قولو لي ..
الزياده هذي ماهي طالعه من الحكومه السعوديه؟
طيب
والحكومه السعوديه مو مسؤوله عن الشعب السعودي “ كله ” ؟
طيب
اذا صدر قرار زياده .. أليس من المفروص أن يوجه الى المواطنين بغض النظر اذا كان في القطاع الخاص او الحكومي؟
الزياده اللي صارت لموظفين الدوله أو لطلاب الجامعات الحكوميه أو للقطاع الصحي الحكومي أو للقطاع العلمي الحكومي … صدرت اما بسبب الغلاء او بسبب زيادة دخل الدوله ..
ألم يشمل الغلاء موظفين القطاع الخاص أيضاً؟ أليسو مواطنين سعودين لهم مثل غيرهم؟
أليس اغلبهم توجه للقطاع الخاص لأن الحكومه لم تقم بواجبها في توفير الوظيفه له؟
بعد هالأسئله .. ودي اعرف ليه الزيادات ماتشمل حتى موظفين القطاع الخاص
بتقولون لي وشلون يزيدون القطاع الخاص ؟
وربي سهله ..
نفرض ان راتب موظف في القطاع الخاص 10 آلاف ريال و الزياده اللي طلعت من الحكومه هي 20%
( بما ان الموضوع خيال و افتراض خلني اكون مُبالغ حبتين واقول ان الراتب عشره و الزياده عشرين 
)
يتم حساب نسبة الـ 20% من راتب موظف القطاع الخاص … ويتم إعطائه الزياده عن طريق الحكومه كإيداع في حسابه .. او ان تقوم الشركه او باعطائه النسبه .. ومطالبة الحكومه بهذه النسبه ..
وهذا الشئ موجود ترى ..
سئلت واحد من الشباب في الكويت يعمل في بنك خاص .. قلت له هل تشملكم الزيادات الحكوميه؟
قالي اكيد تشملني … ليه انا مو كويتي؟
قلت بس اللي اعرفه ان الزياده للقطاع الحكومي !!
قالي لا حبيبي هذا عندكم لأن قراركم كان بس للقطاع الحكومي .. لكن حنا قرار الزيادة نازل لكل المواطنين .. وين ما كانو يشتغلون
والزياده تنزل لي في راتبي على طول ..
وبعدين قال الجمله الكويتي الشهيره ” شنو ماكو شغل ماينزلون لي الزياده !! ”
قلت له .. هذا الشئ صار كذا لأن مجلس الأمه اللي أقر القرار وطالب فيه .. همه يكسب صوت المواطن الكويتي
واللي بيعارض .. يحلم يدخل البرلمان مره ثانيه
————————-
شفتو وشلون الموضوع سهل …
ترى اتكلم عن الكويت ما اتكلم عن سويسرا ولا لندن ..
يعني جيرانا ..
والنظام المصرفي اللي عندنا متطور اكثر منهم …
يعني اذا بغينا نسوي هالشئ مانحتاج الا شئ واحد
ان نفتك من شر اللي بس فالحين يقولون لا .. وفالحين يقسمون الزياده لناس وناس كأنهم يدفعون من جيبهم
لكن هين يا مجلس الشورى…
بكره اذا صار المجلس انتخابات ..
ما مي مصوت لأي واحد قال لا لقرار من صالح الشعب السعودي
ورجاءً لحد يحاول معاي
حتى لو تسوون بوفيهات في مقراتكم الانتخابيه
صوتي وانا حر فيه
____________
أبوي الله يطول في عمره ..
يقول للواحد اللي دايم يرفض و يقول ” لا”
يقوله : الظاهر انك صبي لا
______________
روابط ذات صله:
الشورى يرفض زيادة رواتب المعلمين والمعلمات في المدارس الأهلية
اللجنة الإعلامية : مُعالجة “المستويات” من كافة الجوانب وليس من جانب واحد
الحميدي : الموافقة على برنامج التأمين الطبي لمنسوبي «التربية» ..قريباً
معلمون ومعلمات يطالبون “التربية” بالفروقات والدرجات المستحقة
===========
من مدونة شدا - وطلاب الكليات الأهلية يستحقون المكافئة أيضاً!
(لكن هين يا مجلس الشورى…
بكره اذا صار المجلس انتخابات ..)
والله انك طيب يابراهيم
اجل بكره اذا صار في المجلس انتخابات؟
يعجبني روح التفائل لكن اقول لك دنتا بتحلم، وبتحلم أوي أوي ، مافيه امل يصير انتخابات لو تطير وتوقع، ولو تنطبق السماء على الاض، ولو تحج البقر على اذنابها مو على قرونها ….. الا في حالة وحدة وهي …………….. خلني ساكت احسن، بغيت اجيب العيد
وبعدين وش ترجي من مجلس شورى كلهم رايحين فيها ، بالله شوف كيف يتناقشون وكيف يسيرهم الريس حقهم ….. كلهم في النوم وانواع البرود ، تقول مغصوبين على تمثلية!
واحد يفكر : تتوقع كذا؟
ليه مايصير انتخابات؟ ياخي الموضوع جداً عادي .. راس مالها صندوق وورق وين الصعوبه فيه؟
بس تدري وش خوفك؟ خوفك ان بعض الناس يصنفونه على انه نوع من “ الغوغائيه ”
أها إنتخابات
بجد القطاع الخاص بيحل مشاكل كثيييييييره للكثير من العاطلين بس طالما حتى الشوورى بيهضم حقوق المعلمين وأي موضف قطاع خاص كيف يبغون الشباب والشابات يتوجهون له ؟ إذا ما عرفنا إن المدارس الخاصه بتستنزف طاقات الشباب كلها دوام لوقت أكثر أنشطه كثيره ويمسكون المعلم الواحد اكتر من منهج وأحيان لمرحلتين مختلفه ( ثانوي ومتوسط)
قال إنتخابات قال
حتى حقت الحكومة ام خمس بالمية سحبوها هالشهر على بعض الموظفين في القطاات الحكومية..
ايه يا حزن الظامي!!
والله نحن محد مستانس عندنا يا ابراهيم
كثر اللي يشتغل في التربية ..!!
طبعا الحكومي ..
و لا الخاص دومهم حالة خاصة ..
دخل كل دولة عربية غنية وين يسير؟
سؤال بريء واللهاااااي !!
عجبي منهم !
المعلم السعودي في القطاع الاهلي وضعه مزري جدا الراتب 3000
واربعه وعشرين حصة في الاسبوع وغير المناوبات والمراقبة بالله هذا بالتعب كله مايستاهل اقل شئ 4500 وبعدين المدارس الاهليه ارباحها هائلة مايضرها لوتعطي رواتب عاليه تجعل المدرس السعودي يعيش
في حالة من الاستقرار متى المعلم السعودي سيتزوج ويأمن نفسه
ولكن مع احترامي لاصحاب المدارس الاهلية يعانون مرض الجشع والطمع
وعلاوة على ذلك الاجازة الصيفية يخصمونها من الراتب
(هذا نداء الى عقلاء المجتمع السعودي واولياء امره بان ينظروا في وضعنا نحن المدرسين السعوديين في المدارس الاهلية)
اشكرك ع هيك حكي اخوي
ههههههههههه قال ايش قال 3000
اخوي فيصل اقسم بالله ان رواتبنا 1500 وتكح بعد+التهديد بالفصل من الدوام
وراوتب الاداريات 1100
واللي وظفو الجدد يستلمون 2200
حنا رفضو يزودوننا
بالله عليكم مو ظلم
يابو متعب تكفى زدنا
في مدرستنا خصم اذا طلعت عند باب المدرسة خصم عشرررة ريال !!!! اللعن ام المصخره والله …. جد افكر اني احك وجهي با الجدار كل يوم يمكن بكره احسن ههههههههههههههه
حسبنا الله ونعم الوكيل .. لامبرر لمنعهم الزيادة للغلابة اللي رواتبهم منتفه تنتيف .. سوى أنهم يراعون مشاعر الأخوة المقيمين اللي رواتبهم أقل ولا تشملهم الزيادة طبعاً لوكان في زيادة ، صح وإلا انا غلطان .. وأخونا المقيم يدخل أضعاف أضعاف راتبه بالمدارس الأهلية عن طريق الدروس الخصوصية وأنا شخصياً أعرف مدرس مقيم من جنسية عربية يدخل 100 ألف ريال سنويا من الدروس الخصوصية .. وما فكر في راتب المدرسة .. واللي ياكلها على راسه السعودي مسكين .. ومو داري هاللي يمنع الزيادة إن هالموظف مسيكين ينطبق عليه قول الشاعر :
تكالبت الظباء على خراشٍ فلا يدري خراشٌ مايصيد
الزوجة تطلب مصاريف ..والأولاد يطلبون .. والفواتير تطلب كهربا وتليفون .. والإيجار يطلب .. والسيارة تطلب .. والكرشة تطلب .. ويالله هاتك مصاريف .. هم دارين عن شي .. صادق خوينا فالحين في المنع وكأنه بيدفع من جيبه شي .. إلا إذا كان عنده مدرسة أهلية خاصة له .. أكيد بيمنع الزيادة .. مانقول إلا حسبنا الله ونعم الوكيل .. حسبنا الله ونعم الوكيل .. حسبنا الله ونعم الوكيل .
اه بس اه جبتها على الجرح كنك مادريت ..
وبعين ياليت رواتبنا توصل ثلاثه الااف وربي انها 1600 والمشكله اننا نكرف اكثر من معلمي الحكومه …
يعني لا الحكومه وظفونا ولا القطاع الخاص زودونا وين نروح بس مااقول الا حسبي الله على اللي رفض الزياده والله يورينا فيهم يوم ..
واقول لابو متعب ياليت تأمر با عادة النظر في الموضوع …
لاتنسو العسكريين اشهاداة اعلى والرتبه اقل والدوام 360 في السنه
توي والله ادري اناعضائء مجلس الشورى رفض الزيادة وانتوا حضرتكم ليه ساكتين ليش ماتناقشوهم وتعترضوا وتوضحولهم الصورة يمن على بالهم احنا رواتبنا مليون ونطمح للزيادة ترى اناااستلم 1200 بس في المناسبات اما باقي الشهور تنزل للنصف مع الاجازات يا\دوب اعطيها للسواق والله مو حالة والباقي م قهري اصرفها في الهواء
اى متى ياناس الرجاء ماتسكتوا علموضوع الخطير
والله صحتنا راحت
مساء الخير……
ياناس حرام عليكم يعني(رضينا بالهم والهم مارضا فينا)
رضينا بالمدارس الاهليه وفيها منه بعد
الراتب 1200 و120 تروح لتامينات و200 تروح لسواق و300 لاغراض المدرسه انا وش بقاي لي غير التعب
ارحمو من في الارض يرحمكم من في السماء
مساء الخير……
ياناس حرام عليكم يعني(رضينا بالهم والهم مارضا فينا)
رضينا بالمدارس الاهليه وفيها منه بعد
الراتب 1200 و120 تروح لتامينات و200 تروح لسواق و300 لاغراض المدرسه انا وش بقاي لي غير التعب
رجاء رجاء…أن تفرقون في الأمور,, وتعرفون أن الناس ليسو سوى فهم على درجات..ومن الظلم أن يتساوو ..فهذا مجد ومجتهد..وذاك كسول ومستهتر..هل من العدل أن يتساوو..لا!!.
مجلس الشورى يحذوا السير على هذا الأساس.فأرجوا أن تدعوا الخبز للخباز..
)))للإنصاف فقط(((
وعلموا أن مجلس الشورى همه الأول مصلحة الدولة وليس المواطنين.
تنبيه!!
أنتم تتضجرون وتتأههون .. ولا تعلمون ماهي ضروف الدولة..
الدولة رعاها الله تمشي على أسس وقواعد مبنيه ودراسات تطبيقية..
لا تريد أن تخوض أمر دون استشارة..كي لا تعرض الشعب للهلاك الأقتصادي.
هناك مبررات كثيرة.أنتم لا تعلمونها..لا يسعني ذكرها.
نقطة مهمة..
مجلس الشورى لا يقبل مقترح إلا بحجج قويه..ولا يرفض مقترح إلا بمبررات أقوى..
تظنون مجلس الشورى لعبة بلوت ولا شطرنج. هذا مجلس عظيم أشار عليه القرآن .. فالشورى من علامات النجاح..وأرجو منكم يامن لديكم دعاوي أن تعلنونها لمن يفيدكم في هذا الامر من وزراء ومقرات..
وليس في الانترنت..
حجة الكاذب ضعيفة..
عفوا على هذا الأسلوب ..ولكنه ميدان الصراحة
انا طالبه في السنه الثالثه واتمنى اني اتوضظف اذا تخرجت بس بصراحه كل مالها الامور تصير اصعب مع ان وظيفتنا اصعب وظيفه على الارض وربي الواحد يقابل مراهقين ويتعامل معاهم ويطلعون عيونه بس وش نسوي مهنه التعليم يبيلها مربي متفرغ وعشان تكون مربي متفرغ لهموم الطلاب يبيلك تكون مستقر ماديا على الاقل ولالاسف هذا لايتوفر عشان كذا التعليم في السعوديه من اسواء مايكون بالنسبه للمدارس الاهليه
انا مدرسه في مدرسه اهليه وراتبي 1200 بس ما اخذه كامل وغير كدا تجهيز الفصول من جيبناو الراتب مايكفي والجهد الي نبذله كبر من الجهد الي ينبذل في المدارس الحكوميه اش نسوي وغير كدا اذا رحت مدرسه بدي وظيفه وانا عندي شهادة خبره يشغلونا زي الخدم وبعدين مع السلامه بعد كم شهر من دون راتب حسبي الله ونعم الوكيل
انا ادرس في احدى اكبر المدارس بالريااض
ودخلها السنوي 9ملايين اصحاب المدراس يملكون 3مدارس غيرها
وراتبي لاني سعوديه2000ريال فقط
وخبرتي 3سنوات واحمل شهاده حاسب ولغه انجليزيه ونصابي 20 حصه ورائدة النشاط
اما راتب الاجنبيات 2800اقل شي
لماذا نحن مظلومين في بلدنااااا
ولماذا مجلس الشورى يرفض مساعدتنا الى من نلجأ في بلدناا
ولكن الحمدالله على كل حال
تخيلوو يرفعون للتوجيه ان رواتب السعودياات 3917 فما رايكم
هذا ان دل دل على عدم وجود الرقابه
الى من نبث همنا وشكوانا
آآآآآآآآآآآآآآآه..
من ظلم المدارس الاهلية اللي ما وراهم احد يوقفهم عند حدهم ؟؟
لا بعد يخصمون اليوم بيومين على كيفهم..
حسبي الله ونعم الوكيل فيهم
يعني يعني الراتب 1700 ولم نجي ناخذه يصير 800 من الخصميات..
والله الشغالات حالتهم احسن من حالاتنا ……
على الاقل ما يروح لهم ولا رياااال !!!!!!!
حسبي الله ونعم الوكيل!!
اقسم بالله العظيم ظلم حرام عليكم ورب النعمه راتبي 1200 ريال بالله هذا مو دليل علىاننا بحاجة للريال الواحد ويعلم الله ان ماقاعدين نشتغل هالشغله الا اننا مضطرين مررررره وسبحان الله 1200 هل هي للسواق ولا لااكلي بالمدرسه ولا للوسائل اللي تطلبها المديره ولا الهدايا اللي نجيبها للبنات ووووالله حرام عليكم يامجلس الشورى عالجتوا كل الطبقات من الارامل للمطلقات للعوانس للعسكر لكل الطبقات الا حناااااااااا ليه طيب ليه بالعكس احنا نعلم الاجيال ونتعب ويعلم الله انها توصل 25 حصه بالاسبوع وعلى 1200 والله العالم بضروفنا اللي نقاسيها بالبيت بالله يامجلس الشورى مافيه اي عدل بالنسبه لنا وللمعلماتاللي على الحكومه نشتغل ضعف اضعاف شغلهم وناخذراتب المعلمه الحكومي اللي تعطيه للشغالتها
حررراااااااااااااااااااااااااااااام اتقوا الله يامسلمين المملكه هي السيف القاطع للظالم كيف تسووووون فينا كذا والله العظيم مظلومييييين ماتدرون كم وحده بكت ودموعها على عينها يعلم الله اني جلست ابكي اسبوووووووع على هالظلم اتقوا الله فينااااااا نحن منكم وفيكم نحن لانطالب بزياده عااااااليه لالالالا وانما نريد زياده معقوله نمشي فيها حياتنا الصعبه ولازم تعرفون اننا نشتغل بهذا الراتب لانا مضطريييين جداااااااااااااااااااااااااااااا الرجااااااااااااء الزياده والعون من الله ثم منكم