في الوسط الرياضي ينادي الجميع بوجوب وجود الحكم الأجنبي
وذلك لخبرته في ادارة المباراة ونزاهته ودقته وسرعتة في إتخاذ القرار الصحيح
وهذه الخلطه السريه المتواجده عند الحكم الاجنبي… تنتج لنا مباراة جميله ممتعة
ومن وجهة نظر المطالبين فإن هذه الخلطة السريه لا يمكن تواجدها إلا لدى الحكم الأجنبي ..
وبما ان قرارهم تمت الموافقه عليه في الفتره الأخيره .. وأصبحنا نرى الحكم الأجنبي يدير ملاعبنا ..
فمن هذا المنطلق أطالب الحكومه .. بوجود الوزير الأجنبي ..
لأننا بحاجه إلى الخلطه السريه الأجنبيه ..
الخبرة والنزاهة والسرعة في اتخاذ القرار الصحيح ..
وبما اننا جربنا الحكم الوطني وما نفع .. وجربنا الحكم الأجنبي وزان حالنا وحال مبارياتنا
فليه ما نجرب الوزير الأجنبي بما أن الوزير الوطني أثبت فشله ..
واذا لاحظنا تغيير إيجابي ..
نبداء تدريجياً في استخدام الشرطي الأجنبي
والدكتور الأجنبي
وموظف الجسر الأجنبي
وشركة المقاولات الأجنبيه
وموظف الجوازات الأجنبي
وموظف البلدية الأجنبي
وكالعادة بقول ( واللسته تطول )
وترى السالفة سوالف يا جماعه.. يعني اذا ما ودكم ترى ماهوب لازم
ومافيه داعي أحد أحد يعصب و يجيني ويقولي ” صرت تقيم الدوله انت وأشكالك “
طيب اش المؤهلات؟ يقدّم انا كمان في مجلس الوزراء يمكن يخلوني وزيرة عندكم
طيب مين بيسوي لي الاقامة وحوستها تراني من غير اقامة
واللسته توقف عند مين؟
خخخخخخخخ. طيب هو سلطان بن فهد باقي موجود؟
وكما ياليت (المباحث ) كمان تكون من هونيك
اللي فوق قاعد يتكلم عن سلطان بن فهد .. حرام خفوا عليه والله انه كاسرن خاطري .. احس انه بعد مية سنة بيصير مضرب مثل هذي عواقب الظلم بعد كل مبارة يخش غرفة الملابس ويسوي فلم اكشن ..
خخخخخخخخخخخخخخخ
وفي الآخر منتخب(نا)كبير وقوي
لوووووووووووووووول
من جد احس ان السعودية خارج التاريخ ..
asma Qadah : تصيرين على كفالة الدوله دايركت .. وش تبين زود
طلال : مثل ما قلنا .. توقف عند الحكم الدولي
يانمس
—————-
فيصل : سلطان بن فهد هو الرئيس العام لرعاية الشباب انا اتكلم عن الوزراء بس … واللسته اللي تطول مافيها طاري الرياضه ابد ابد
——————
ck : حنا دوله ناميه ولسنا خارج التاريخ يا باشا
شلونك أبو خليل :
معلومة هامة 
الصين تصدق يستقطبون الاداريين الناجحين في العالم لانه عندهم نقص وما عندهم ترى (الصيصنه) والدول في العالم كله تبحث عن المواهب وتقدم لهم كل التسهيلات عشان يجون .
صراااااااحة مقال جميل ويدل على حس فكاهة ( من النوع المهدد بالإنقراض)
وحنا صراحة أمورنا ضايعة من جاتنا لعنة (السعودة )التي خلتنا نطرد أحسن الدكاترة في الجامعات والمستشفيات ونتسلط على العمالة ونكرهم ونظن أنهم من سرق بلدنا- وحنا بدونهم ولاشيئ- وما حاولنا نشوف الدول الي جبنا من هم الحكام الاجانب كيف عايشين
امريكا بس توزع كل سنة 200000 الف غرين كارد من ظمنها 10000 الف لمصر وحدها و50000 الف للهندوالباقي على بعض سفارتها في العالم و أكيد ما فيها السعودية -لآنه عندنالعنة السعودة -
معلومة ثانية
الدنيا قامة وما قعدة عشان العمال يحولون لبلدهم ثمانية وعشرين مليار سنويأً وهم سبعة مليون ونص يعني كل واحد يحول سنوياً اربعةالالاف ريال بس
وحنا على التعليم بس بنصرف السنة 122000000000 بالعربي ميه واثنين وعشرين مليار والوعد بعد سنة ونشوف اثرهاوترى اللي بيصرفونها سعوديين اب عن جد .
ومتى نشوفك ياأبو خليل عطنا وجه يا الحبييييب
اخبارك يا أبو الخل ياخلي
شوف بنبداها من الحكم يا بتاع الكوره
حنا نطالب بالحكم الأجنبي على شان شي واحد .. ( الشك في الميول لأن مافيه
حكم الا صرفوله ميول لنادي واذا غلط قالو بس مرشينه .. أو مايبي الفريق
يتأهل على شان مايقابل فريقه !
ولا بالنسبه للأخطاء … عد وأغلط بأخطاء الحكام الي نجيبهم أقرب مثال
مبارة الديربي الأخيرة بين النصر والهلال
يوم الأثنين الي فات حكمها حكم سويسري وماعطى بلنتيين للنصر لمسة يد واضحه
وبلنتي للهلال واخطاء تستاهل كروت ماحسبها هذا مش كلامي هذا كلام
عمر المهنا (على شان ماتقول قاعد يتفلسف!)
والمحللين مادققو على الأغلاط واليوم الثاني في الجرايد محد تكلم ليش؟ لأنه
أجنبي .. يلاقون له ألف عذر اما بموقعه وقت الخطاء
أو يقولون مش قاصد الاعب يمسكه بيده! واذا كان حكم وطني قالو على شان
هذي الأغلاط نطالب بالحكم الأجنبي
مالهم حل..
انتهى موضوع التحكيم!!
بالنسبه لي أنا أشوف ان المسؤلين السعوديين يحكمون بعاطفتهم
وأكبر مثال شركه أرامكو السعوديه كانو يطالبون بالمدراء السعوديين
ويوم صار الي يبون.. شافو العنصريه(كلن يجر الجمر لقرصه)
وتمنو رجوع الأجانب في الأدارات لأنه صار ماينفعك الا اذا كان من نفس
قبيلتك أو من نفس منطقتك
وشافو عنصريه جداويه أو عنصريه جنوبيه أو طائفيه<<<< كني تحمست ههههه
بعض السعوديين فيهم خير بس يبيلهم حسن أختيار!!!
ويتحاسبون لو وصلو الى رتبه وزير من لجنه ترشحهم على كفائآتهم ويكونون
من جميع المناطق !!
وتكون تستقبل الشكاوي من جميع الموظفين!!
تقبل مروري ويعطيك 1000 عافيه على الموضوع الحلو
رشحني أبراهيم للجنه وأضبطك
يابو خليل .. ايش رايك في البلوقر الاجنبي .. يصلح والا مايصلح ؟
يقولون ما حك جلدك مثل ظفرك ..
الملك عبدالعزيز وحد الجزيزة بدون قوات أجنبية .. و أرامكو بنت خط التابلاين بدم وعرق السعوديين بدون مساعده اجنبية .. أبوي و أبوك يابراهيم ربوا أسر كاملة بدون أي مساعدات أجنبية ..
بس للأسف من قرابة الثلاثين سنة صابتنا عين .. و صرنا نبي كل شي أحد يسويه بدالنا و حنا ما نبي نسوي شي .. نبي بيوت بس ما نبي نبنيها .. نبي سيارات و لا نبي نصنعها .. نبي مستشفيات و لا نبي نسهر فيها .. نبي تعليم و لا نبي نتعب مع عيالنا ..
اللي نشوفه اللحين هو اللي عطونا إياه آبائنا .. باقي حنا ايش نسوي أما نكلم والا نضيع كل شي ..
يابو خليل أنا وأنت ما غير نبربر في هالمدونة ولا سوينا شي ..
تحياتي لك ..
Hi Barhom..
وت ايفار اذا الدولة اصلاً كلها أجانبـ؟
والله مو ممشي الحكمـ مزبوط الا الملك فيصل الله يرحمة..!
كان ولا أجنبي بالدولة..آخ بس لو كنتـ بعهده..كان أنا بخير..
اهنئك عالمدونة الرائعة..
اختكـ:MESHO
أنا من رأيي الشخصي أشوف أن الدكاترة الأجانب
أصرف بمليون مرة من السعوديين من جد يعني يدخل المعلومة
لراسك بالغصب و القهر أنهم الحين بدوا يطردون دكتوراتنا السوريات و السودانيات
و هم و الله موسوعة تمشي على الأرض من جد نسميها دكتورة مو السعودية رافعه خشمها
و اذا غلطنا و قلنا يا أستاذة قالت لو سمحتي دكتورة الحمد لله و الشكر
و بصراحة بعض السعوديات ما تدري وين ربي حاطها من ناحية التدريس
خلها على ربك بس مدونة جميلة تسلم يمناك
.
.
.
جميل و الله
أجل على كذا … راح ناصل إلى تفعيل الزواج الأجنبي
ابوخليل
أنا أطالب بشعب أجنبي هههههههههههههههههههههههههههههه
(وش تقصد بموظف الجسر الاجنبي
بعدين الجسر عليه عدة وزارات حكومية لذلك حدد
ولا ناوي تقطع رزقنا هاهاهاهاهاهاهاهاهاهاهاها)
الحقيقة انني مع استقدام الخبرة الاجنبية في أي مجال كان للاستفادة منها و لا مانع من حتى اعطائها الجنسية مثلما تفعل أمريكا اللي عدد سكانها بالمناسبة فوق الـ 200 مليون و الدول الاروبية
بالنسبة للحكام فالواجب سعودتهم … يعني الحكام الاجانب من فترة انفضحوا على التلفزيون بخصوص الرشاوي
يارجال احسن مافي الحكم الاجنبي محد يقدر يقوله شي يحكم ويتوكل على الله خخخخخ
امريكا اللي شايفينها الحين بدون التجنيس تراها ولا شي ناسا اف بي آي وكل وكالاتهم اللي ماخذين عقولنا فيها نصها مجنسين والنص الاخر ذو اصوول اخرى يعني جدودهم كانوا من دول اخرى واحنا عندنا التجنيس عقدة واهانة للوطن…..
انا اعرف طلاب سوادنة مصارية وغيرهم مولودين هنا ونسبهم والله 98 وفوق لما يتخرج ما يلقى جامعة تقبله لانه ( اجنبي ) يروح اي جامعة خليجية يقبلوه على طول واذا تخرج بتفوق يجنسوه بدون كلام خاصة قطر والبحرين حتى يفيد البلد….
مثل هذولي ولد وتربي بالسعودية وما عرف غيرها وتعلم فيها وعاش فيها وبالاخير عقليته ونتاج سنين الدراسة راحت للخارج لانه ( اجنبي )