يوم الجمعة الماضيه كنت أشاهد مباراة الهلال والشباب على نهائي كأس ولي العهد ..
انتهت المباراة على خير وطلعت انا من المجلس قبل لا يتم تسليم الكأس ..
ثاني يوم اسمع على الإذاعة خبر إقالة مدرب الهلال الفائز بالبطول “المدعو” كوزمين نهائياً عن الملاعب السعودية وعدم السماح السماح له بالتدريب فيها ” مستقبلاً ” ..
قلت انا يااااااااااالله سترك وش السالفة؟
الرجال جاب الدوري ويجي قرار من سلطان بن فهد يايقافه؟؟
كمل المذيع اخبر وقال ان اسباب القرار هي ..
أولاً / رميه للقميص الذي كان يرتديه وجميع الأجهزة الفنية ولاعبي نادي الهلال والذي يحمل صورة صاحب السمو الملكي ولي العهد – حفظه الله – .
ثانياً / رفضه للصعود للمقصورة الملكية للتشرف بالسلام على راعي المباراة .
ثالثاً / ما قام به من تصرف غير مقبول تجاه رجال الأمن ومسؤولي التنظيم رغم أن هناك تنسيقاً مسبقاً مع الناديين حول إجراءات التنظيم المتبعة في هذه المناسبة وإصراره على مخالفتها
وقتها قلت أفااااااا ياكوزمان كل ذا يطلع منك !!
وتصورت انه رمي القميص على الأرض وقام يناقز عليه .. وبعدها فتحو له الأبواب علشان ” يتشرف ” ويسلم على صاحب السمو الملكي سلطان فهد .. وهو قال لا مابي اسلم على أحد ..
وبعدين وهو ماشي التفت على الأمن وتفل عليهم ..
انا هذا اللي توقعته بعد ماسمعت التهم الموجهه ضده , وبعد ماشفت قوة القرار الصادر بحقه ..
ولكني بعد ماشفت المقطع اللي عوقب بسببه طلعت على راسي الف علامة تعجب 
وين رمي القميص؟ وين التطاول على رجال الأمن ؟ وين رفضه ” التشرف ” بالسلام على راعي الحفل؟
الرجال جاي بيدخل والابتسامه شاقه وجهه لأنه “بيتشرف” بعد كم دقيقه .. ولكن رجال الأمن خربو مزاجه …
يعني الرجال ماخذ بطوله وكان تحت ضغط نفسي .. وانتو جايين تبون تطبقون البروتوكول العسكري عليه !!! ترتيب بالدخول وفلان قبل علان … طيب خلاص مشوها اهم شئ الفرحه …
وبعد ما تضايق الرجال من الموقف اللي صار … تضايق اكثر من البلوزه اللي لابسها لأنها ضيييقه وواضح انه لابسها بالقوه … فشئ طبيعي انه بيفصخها … وبعد ما فصخها مسح وجهه وحطها على المسرح .. وهذا شئ طبيعي , اكيد الواحد بعد ما يفصخ القميص بيحطه على دولاب ولا في سلة الغسيل بعد …
الا ان كانو يظنون ان لاعبين الهلال الى الآن لابسين القمصان اللي عليها صورة ولي العهد !!
وانا ما اشوف ان في تصرف كوزمين اي شئ يدعو الى حرمانه من التدريب داخل المملكه .. وخصوصاً اذا كان مثل هذا القرار صادر من شخصية المفروض انها رياضية … فأنا أراه قرار مُتسرع في اصدارة ..
فكان يجب على الجميع ” التأني وظبط النفس والتحلي بالأخلاق السعوديه ” قبل اصدار اي قرار مثل هذا …
فمن أجل بطوله تكرم زلّه 
———–
لمشاهدة مقطع كوزمين ( اضغط هنا )
واس – الرئيس العام لرعاية الشباب يصدر قراراً بإقالة مدرب نادي الهلال
هي علامة تعجب وحده على راسك ؟
عندنا مثل يقول “ما اعرف خيرك لين أياور غيرك”
أياور = أجاور من الجيره
نعم يا اخ الاسلام يجيب على الجميع التحلي بالاخلاق السعودية ( وطن طا طن )
اول مرة اعرف مصطلح ( اقتالوة ) >> فرصة سعيده …
واول مرة اعرف كوزمين ” والحمدلله اقتالوة على شان نتعرف عليه ” فرصة سعيده ..
كما اشكرك يا ابراهيم على المقطع لاني بصراحة كان خاطري اشوفة بس مالي خلق ادورة باليوتيوب
كل عام وانت تشوف العجب وتصوم رجب ان شاء الله
dots : كوزمين كان عندكم؟
وترى نفهم اماراتي … لأننا من اهل الشرقيه ماني من اهل سومطره
———————-
مضيعه : خلي كوزمين على جمب … من وين جبتي اقتالوه؟
يا اخي العذر وكل العذر منك …
بس لانه المثل نفسه تعال قوله لحد من اماره ثانيه .. تلاقي السؤال اللي معتاد عليه “شو يعني؟”
وعن كوزمين .. حسب علمي لا .. ما كد سمعت انه كان … بس القصد انه المدرب الثاني اللي بيحطونه بداله بيشكل فرق … وبتطلع الفروقات
أنا قبلهم طردت شغالتنا .. عشان هزمت المنتخب حقنا
يقولون عني اني ارتجالي في قراراتي
بس اهم شي ان منخبنا (كبير وقوي )
بعدين انت وش دخلك انت واشكالك , الطرد كان بخطط علمية ومدروسة
لووووووووووووووووووول
مو غريبه على سلطان بن فهد
مو اول مرة ولا آخر مرة ..
بنعيش ونشوف .. <— مع اني ماني متابع للكرة السعودية ولا اي كرة في العالم .. الا ان اخبار هذا المخلوق تصلني وتثير دهشتي ..!!
نسيت اقول
يقولون ان فرقة كوماندوز طمرت على بيت الرجال
على بالهم إنه (رفيق ) أو (صديق )
ان صح الخبر بكرة يروح بلاده ويطمرون علينا جماعة الهيومان رايتس ووتش
الله يستر من اخرتها
المهم كل واحد يطق (اللطمة ) وهو داخل الحارة , يقولون ومازال البحث جارياً عن أتباع المذكور (يقصدون كوزمين )
خخخخخخخخخخخخخخ
http://www.alarabiya.net/articles/2009/03/01/67477.html
للعلم
اقالوه >> هذا المصطلح ما اتذكر اني قريته في اسطر بوستك ،، بس من بين الاخبار سمعت هالمصطلح وافكر يقصدون ( اعتقلوة )
الا قل طلعت شجرة استفها اخوي ابراهيم من زود قوتها
لانه شي غريب اغلب العالم يقارنها بحركة كيتا وتعرف حركة كيتا
والغريب بالموضوع ان طارق التايب على الجمهور وامام الكميرات ووقف مباراة وكوزمن خلع القميص ومسح عرقه على صوره قامت الدنيا وقعدت
صحيح ان ولي العهد له كرامه ولكن الشعب له كرامه ايضا ولكن ممكن صورة ولي عهدنا احب لنا منا نحن .
ولك الشكر اخي ابراهيم
كوزمين,عطني,تاجيل مباريات على حساب أفرقه أخرى,بيع حقوق الدوري السعودي على الART بدون مناقصه تضمن عرض أعلى ( مليار الجزيره الرياضيه على 5 سنوات أو عرض ART ثلاثمائةألف ريال على 3 سنوات
ياصاحب السمو الملكي الأمير سلطان بن فهد آل سعود رئيس الأتحاد السعودي
لكره القدم أنا لا أراك الا بمنصب يليق بمقامك وأنا لا أرى رئاسه
كره قدم تليق بك فأتمنى من الملك عبدالله أن يرى لك منصب يليق بمكانتك
وتخصصك..
الله يعلم وش الي في خاطري لك.
بالتوفيق أخوي سلطان
بلاشك………هذه من الخطط العلمية المدروسة والمدرب لم يتخلى بمصطلح الاخلاق السعودية الذي وضعه العقيد مدري العميد سلطان بن فهد ….تعرف كان عسكري في الجيش والامور عنده اوامر عسكرية …….ممكن سؤال؟؟؟كيف أصبح رئيساً للأتهاد السعودي……….ولكن الزعيم سيبقى زعيماً غصباً عليهم
تعديل
عرض الART ثلاثمائة مليون على سنتين …
بالعربي الجزيره معطتك مائتا مليون في السنه والART مائه وخمسون مليون في
السنه
وعموما” هم عطو الART بدون اي مناقصه وش قال ؟؟! قال لازم يكون العرض
من قناه سعوديه أو يكون مديرها سعودي..!
والله أنكم سامعين باللأحتراف !! خلو الأحتراف لهله
ولا حولوه الى أتحاد كيرم
أفضل لنا وريحو بالنا..!
ويامال الثانكس يا أبو خليل على الموضع المخقخق!!
ههههههههههههه
صدق الكلام أنه الرياضة عندنا تمشي وفق خطط مدروسة والدليل طرد مباشر للمدرب !!!
تدري وش المصيبة با ابراهيم انه ماعندنا إعلام نظيف وأمين !
بالله عليكم هذا رمي للفنيلة أو أساء الأدب معهم ؟
لا ومن زود الهياط يقولون ماراعى الظروف النفسية للمعاق وعيا يسلم عليه !!
هذي أمانة ونقل صحيح ؟؟
عشان مادرب المنتخب وراح يدرب الهلال تقومون وتطردونه !!
الله مير يخلف على الكورة عندنا …
تراي منب راعي كورة والله بس أنقهرت قهر مب طبيعي عشان الحركة والقرار الغريب !
قبل شوي اشوف لقاء مع محمد الدعيع وكان يقول عن كوزمين أنه يحب الأسلام ويحث اللاعبين على الصلاة ومحبوب من الجميع وكان قريب جداً من الأسلام ونحاول نجيب له ترجمة القرآن بالرمانية .
الأن تتوقع يسلم ؟ !
ثانياً : انا معك ابوخليل ان اللي سواه طبيعي جداً
بعدين ليش ملبسين الرجال قميص وعليه صورة ولي العهد , لبسوا اللأعبين السعوديين وأبتعدوا عن المشاكل لان الخواجات الوضع بالنسبه لهم عادي يرمي القميص وعليه رئيس دولته ويدوسه بعد .
على فكرة الأعلام الرماني شان حملة على السعودية ويعاتب كوزميم على الذهاب للأرهابيين , ويتسأل عن أرتباط الرياضة بالسياسة.
معلومة أخيرة : الأعلام الروماني شن حملة سابقة على كوزمين بشأن لبسه سابقاً قميص لنادي الهلال كتب عليه (إلا محمد ).
بما أني نصرواي سابق .. و لله الحمد أعتزلت التشيج قبل يعتزل فريق النصر البطولات .. أقول و بالله التوفيق ..
القرار أمر قضي بليل .. و إلا شلون يطلبون كوزمين للمنتخب و ترفض إدارة الهلال !! وين الوطنية .. طيب بلاش وطنية وين الجمايل .. الإتحاد السعودي يجامل الهلال من أيامي ذيك .. و آخر المسرحيات مسرحية عيسى المحياني .. و الهلال في وقت الجد و لما الإتحاد السعودي تورط .. الهلال سحب نفسه و قال كل شي الا مدربنا !! أتوقع رده فعل طبيعيه .. و للامانة لو كوزمين عطس كان طردوه من المملكه نهائياً
بس هذا كله مايهمني اللي يهمني أعرف أنت وقت المباراة كنت تشجع مين ؟؟
لاتكون هلالي يابو مطلق و أنا مدري ..
يا أخي من جد شي يرفع الضغط أجنبي ما يدري وين ربي حاطه
عادي عنده يحط الفنيلة و يمسح عرقه فيها بعد
ايزي قامت القيامة يعني بس يا اعلامنا يحب الهياط هو برر انه عصب عشان ما خلوا عياله يصعدون المنصه
معه و يسلمون على الأمير يا أن أمننا عليهم تعصب مدري وش يبي
يعني البرزران بيشيلون قنبلة معهم
شي يرفع الضغط و الله شوف وش بيتكلم عنا عند الرومان كلهم
أكيد بيستقبلونه و بيسوون معه لقاء و بيتكلم عن تخلفنا
أحسه طيوب حرام عليهم يكسرون بخاطره
المفروض أن يتم طرد النمشان ..
السلام عليكم…
تحية طيبة وبعد…
معلش انا عندي تسآئل لا اعلم ان كان ضمن حدود المسموح ام لا ؟
لكن انا الاحظ ان في السعودية اصبح هناك تضخم للذات الاميرية او الملكية بشكل لا نظير له في البلاد الاخرى …
يعني الرجل طرد شر طرده بسبب اهانته لصورة سمو ولي العهد وليس ولي العهد شخصيا…
طيب بابا الفاتيكان اهان الرسول وشتمه بشكل شخصي ومع ذلك تمت مساحته وزاره خادم الحرمين الشريفين وقدم له هديه…
طيب نسامح كوزمين … تناقض شديد لا نظير له ….
يستاهل واكثر الكافر
دحدح معليش اخوي بغض النظر عن انه كافر
بس الظلم مايجوز
ومااقول حسبي الله على اللي كان السبب
مو بس كذا في القرار الأول كان يفترض طرده خلال 24 ساعة
اعاني من حمى شديدة والتهاب في الحلق والجيوب الانفية , وماني قادر حتى اتكلم مع الناس ..لكن قسماً بالله اللي قاعد يصير في بلدنا اخس والعن
استقيل يا سليطين وفكنا من شرك
الحين طامر على الصحف المحلية ومصدر أوامر (غير مكتوبة) بمنع الحديث عن القضية
من جد .. قوة الاخلاق السعودية
وعاش راسك يا وطن
هههههه هذا كله عشان رفضوه الهلال يعطوه للمنتخب..
تذكرت المثل اللي يقول انا واخوي على ولد عمي
وأنا (و ولد عمي على الغريب ) بعد ما شفت بيان رئيس نادي الهلال
الموجه للجماهير يحثها فيه على ضبط النفس بعد أن تواصوا برفع اعلام رومانية داخل الملعب
أنا اليوم رغم ظروفي الصحية ساحرص على مشاهدة المباراة وخارج المنزل
واتمنى من كل قلبي يفوز الشباب
واتمنى من كل قلبي ايضا ان نرى ردة فعل ساخطة من جماهير الهلال على الخطط العملية المتروسة قمل وقرف
الله يفكنا من هالاشكال
ويارب يفوز بن همام
معليش هذا تحاد متحزب لأحد الأندية من اجل الاندية المتحزبة ضد الهلال اي ( ان الي مقدر رؤساء الاندية يسونة في تصدي لبطولات راح يقوم به الاتحادالسعودي لكرة القدم سواء بجلب حكم او منع الفريق من اتمام صفقات شراء اللعبين وتاخرفي تمام الصفقه او من خلال طرد الفنيين والاداريين وايقاف الاعبين في ضروف حرجة من اجل التسبب في اضعاف النادي و الي مايدري ان هذا يعود على مستوى المنتخب لو فكر البعض لوجد ان المنتخب السعودي غاب عن الانجازات القارية والهلال غاب عن الانجازات القارية بين قوسين لن يرتفع مستوى المنتخب الا برتفاع متسوى الهلال لداخلياً وخارجياً، والبعد عن التحزب والتكتل ضد نادي.
الله يفسشلهم .. والله ماعندهم غير الدجة
جمهور الطواقي خخخخخخخخخخخخخ
كني شايف المدرجات بدون (لنبات )
شفت علم رومانيا (واحد فقط )
اخس يالخوافين
هذا والناس مسميتكم خوارج الكرة السعودية
إلا من جد .. هو اللي اعتدى على البلطان مواطن عادي , ولا من هونيك
ابراهيم ماعندي غير مدونتك
ياخي طفشان ومريض وزهقان
ماتبيني اعلق قول انقلع
ردينا حق الانتظار
يافشلتاه قدام العربان
والله في بالي كلام كثير بس اخاف اجيب العيد
ياشباب … السالفة .. هي حقد على الهلال …
1- يقولون ماسلم على الأمير…أقول كماتشو وبعض لعيبة الشباب ماطلعوا يسلمون…وقفت على كوزمين…وهو ماطلع لأن فيه 5لعيبه يبيهم ينزلون ويحتفلون مع باقي اللعيبه والأمن رفضوا…عشان كذا هو رفض يطلع لمن يطلعون ال5 لعيبه……………………………………………
2- رميه للقميص …هل القميص أشرف من العلم الي فيه لا إله إلا الله….الي في الملاعب يرمى ويداس ولاقالوا شي….قمة التناقض…………………..
3-اله يصبرك يابن مساعد على الاتحاد السعودي الفاشل………………………………………………….
القرار مبالغ فيه.
المدرب مسكين عصب شوية بعد ما جاب الكاس.. مشوها
وتراه ما درى عن صورة ولي العهد، ومو قاصد.. علموه
وإن كان لابد من اتخاذ موقف، اخصموا من راتبه.. أي شيء! الرجال مدرب طيب ما هو من مصلحة أحد انه يبالغ بردة الفعل بهذا الشكل!
والسـلام
راحت عليه كوزمين
راح والضحية الهلال
لكن خيرها بغيرها
مشكور على مقالك الرائع