أما الآن مع الطالب ابراهيم القحطاني وفقرة هل تعلم ..
——
الســـلام عليكم ورحمة الله وبركاته ..
هل تعلم ..
هل تعلم أن الشعب السعودي كلما زاد فقره كلما صار خفيف دم ..
هل تعلم
هل تعلم أن عدد موظفين الحكومه بجميع قطاعاتها الصحيه والعسكريه والخدميه ” يعني اللي الدوله تصرف ميزانيتها عليهم ” هم 800 ألف موظف فقط .. من أصل 16 مليون مواطن ..
هل تعلم
هل تعلم بأن موظف الجوازات بإمكانه القيام بالتدخين والكتابه و استخدام الهاتف الجوال والتحدث مع صديقه في الكبينه وختم الجواز بنفس الوقت ؟ ولكن ختم الجواز راح يكون آخر عمليه 
هل تعلم
هل تعلم ان منطقة الظهران كامله لا تغطيها الا سيارتين دوريه .. وهذا تطبيقاً للشعار الجديد ” اللي مايقعد في بيته الحراميه أولى فيه ”
هل تعلم
هل تعلم ان الخطوط السعوديه كانت تقول “شكراً لإختياركم الخطوط السعوديه ” مع انه ما كان فيه الا هم في سوق الطيران الداخلي ..
هل تعلم
هل تعلم أن برنامج شاعر المليون يجمع بن الحفاظ على الأصاله والموروث الشعبي و العادات والتقاليد ..وبين المغنيات الراقصات على خشبة المسرح ..
هل تعلم
هل تعلم ان طحين الكويت سعره في الكويت هو 20 ريال و سعره في السعوديه وصل الى 52 ريال ..
هل تعلم
هل تعلم بأن مدينة الخبر هي ثاني أجمل مدينة عربيه .. (الظاهر لجنة التقييم ماشافو الصبيخه)
هل تعلم
هل تعلم أنه رغم اننا بلد ” رمليه ” من شرقها الى غربها ومن جنوبها الى شمالها … إلا أننا نشتري الرمل؟ لا وبالموت تلقى لك ترخيص …
هل تعلم
هل تعلم بأن أمي أحسن وحدة تسوي كبسة حمرا؟
هل تعلم
هل تعلم بأن وزارة الصحه السعوديه تحذر من بعض الأدويه .. وبنفس الوقت تقوم شقيقتها وزارة الإعلام بالتسويق ” للعسل السحري ” اللي ينفخ الخدود ويطول الرقبه ويزيد الرجوله ..
هل تعلم
هل تعلم أن مكتب باعاصم للإستقدام واللي له أكثر من أربع سنوات فاتح في الخبر … ويجيب عماله طول هالمده … طلع مكتب وهمي .. وكان ضحيته أخوي محمد … الله يعوضك يابو مطلق .. ( بيكون له موضوع قادم)
هل تعلم
هل تعلم أن أفضل سندويش كبدة في العالم بإمكانك تجده في بوفية البنوك في الخبر ..
هل تعلم
هل تعلم بأن أرقام الطوارئ عندنا عباره عن ست أرقام مختلفه … وعلى المنكوب والمتوهق .. أن يقوم بعملية الاسترخاء الذهني لكي يتذكر أي رقم يناسب هذه الحاله الطارئه … ويقال ان توحيدها برقم موحد مثل الكفار ” 911 ” هو تشبه بالكفار وفعل فاحش ..
———-
وأما الآن مع حكمة اليوم … يقدمها الطالب موسعن صدره اللندني
 !
<strong>المحترف</strong> يهرب من النادي ( كالون ) مثال فقــــــــــــــــط !
<strong>المصانع</strong> تهرب من الصناعية إلى دبي (أكثر من 25 مصنع فقط إلى الآن ! )
<strong>الاستثمارات</strong> تهرب إلى الخارج ( 15 مليار سعودي مشاريع عقارية في إحدى دول الجوار ! )
5 آلاف <strong>طالب</strong> في الأردن وضعفهم في مصر وفي أمريكا مثلهم وما بين لندن واستراليا والهند ونيوزلندا في كم ألف !
و<strong> الشباب </strong>في أي إجازة حتى لو قصيرة هناك الهروب الكبير من كل مخارج المملكة بر وبحر وجو ولو في تحت الأرض كان رحنا ( أجازة العيد مثال شبه المستحيل تلقى على بيروت أو القاهرة أو دمشق أو الدار البيضاء ) !
حتى<strong> النفايات </strong>صارت تصدر( تهرب ) إلى الخارج !
والآن اسئل نفسي ليه يا ترى كل شئ في هالبلد يهرب منها!!!!
حتى <strong>أنا</strong> قمت أشيك على نفسي ليكون هربت وأنا ما أدري.
<strong>الكاتب : محمد القحطاني</strong>
- - - - - - -
من مواضيع الكاتب : <a href=&h=75&w=100&zc=1)
بوفية البنوك … وبعدها منقا من جاد الله … الله الله
الله يوسع صدرك ياشيخ
ومفروض بعد فقره هل تعلم نشيد بس شكل موسعن صدره مستحل الاذاعه خخخ
ههههههههههههههههههههههه من جد فيه نقاط ما عمرها جات على بالي!! من جد مخك مخ محششين
قول بس اش تشرب؟ بربيكان والا فيروز والا هولستن 
والا دا من تأثير لبن المراعي المنتهي الصلاحية 
“هل تعلم بأن أمي أحسن وحدة تسوي كبسة حمرا؟”
حتى أمي تسوي أحسن وحدة تسوي توم يام و كاري لحم و دندن واااااااااخ على الدندن بس!!! شهيتني الله يقطع شيطانك
الا صحيح
على مين النشيد؟
هاهاهاهاهاهاهاهاهاها
تدوينة ظريفة جداً.. يا ابن الحلال أنا دخت على بوفيه البنوك وما لقيته وين مكانه بالضبط؟
وعلى فكرة أنا شخصياً عانيت من باعاصم وبعد أكثر من 4 شهور واتصالات لا تنتهي، ربنا سهل لنا بواحد طيب ووصلت شغالتي والحمد لله.
والسـلام
اما بوفية البنوك
في ذي صدقت
ولا تنسى البيض بالجين عند بوفية السعادة – اللي في صبيخة –
هى البنوك فيها بوفيهات
وبالنسبة لتوحيد الأرقام!! انته ما فاهم الموضوع يا أخوي يا إبراهيم الله يهديك بس، شوف الله يسلمك ..
القصة وما فيها إن هذي مجرد مداخلة بسيطة من وزارة التربية والتعليم والهدف منها تقوية ذاكرة المواطن (إللي يروح المدرسة أو الجامعة أو المتسكع في الشوارع أو الأيدي العاملة) بتحفيزة لحفظ الأرقام المختلفة وخلق روابط وعلاقات بينها لتسهيل حفظها.. وأخيرا، غرس حب البحث والسؤال في حالة النسيان ووما هذا إلا لصقل العقول وتقوية القوى الذهنية للمواطن
هل تعلم
إني بغيت اموت من الضحك
بس مسكت نفسي
عشان ما أتوهق مع ارقام الطواري
نسيت ان بامكان موظف الجوازات التكشير في وجهك والبحلقة في النساء و جوازات سفرهن ايضا مع كل ما ذكرت… اما الكبسة الحمراء فالرجاء اعطائنا وصفتها والله يخليلك الوالدة
ههههههههههههههه
بس على طاري بوفية البنوك .. مالك لواء والله انها تجيييييييييب المرض
ياخي بو مطلق وين سامعه ««« متعود على ابو همام
باقي ننتظر فقرة انشودة مع الطالب ابراهيم
عبدالرحمن المقرن : انت كذا تدخل في باب المسكرات
-=————-
غيوم الصحاري : النشيد كان على ابو سعد … بس كان مهرب من بدري ذاك اليوم … عمرك شفت احد يهرب قبل الطابور؟
—————
asma Qadah : قبل هالموضوع ب 5 دقايق ماكل لي شكشوكه ومعاه حليب كرك يقندددد الراس
توم يام و كاري هذول سواقين جيرانا
…
ههههه خلاص يا اسماء نسوي تبادل تجاري ومعرفي بين العجايز
والنشيد زي ماقلت كان على ابو سعد … بس هو اما انه كان مهرب ولا كان يدخن عند البقاله
—————
حالم سعودي : اي واحد في الخبر تسئله بيدلك
شوف شارع خالد في الخبر … امش عليه من اوله واول مايجيك محل الخان للاحذيه لف قبله يمين وامشي على طول بتلقاها على يسارك .. بوفيه صغيره تجيب الهم … اطلب ولا تطل داخل … لأنك اذا طالعت داخل ماراح تاكل … يعني غض البصر
واخوي الى الآن المكتب يقوله بعطيك فلوسك
—————
واحد نفر : الصبيخه كنت اجيها من يوم كانت في العشه اللي جمب المدرسه …
—————
فريال : ههههههههههههههههههههههههههههههههههههههه
صدقيني انا كنت اقول ان وراها سر معين … صدق من قال الحكومه ابخص ..
وبوفية البنوك هي اسمها كذا
خبرك الاسامي في الديره هذي صعبه 
—————
Sarah : اهم شئ الطوارئ يبقون بعيد
—————
princejimi : طبعاً التكشير هذا في كل الدوائر الحكوميه وليس حصر على موظف الجوازات علشان كذا ماذكرته … اما بالنسبه للبصبصه .. اعرف واحد حاط لزقه على صورة زوجته وكاتب عليها لاستخذام قسم التطبيق النسائي فقط
—————
مسفر : اقول احترم نفسك لو سمحت
شوف انت كمبتدئ معهم تبدا تتعب بس بعد كم مره تبدا تشتاق لهللوعه
انا اكل فيها من اكثر من عشر سنين وهذا انا ياحلوي
ماشاء الله وش هالطالب ابراهيم القحطاني
مين امة ؟؟
ماشاء الله ثوبة وشماغة مكوي زين ومرتب حتى الازرار الفوق الثوب ” القلابي ” مسكر ..
يستاهل يطلع الطالب المثالي نهاية السنة
هل تعلم
* هل تعلم ان مابقى احد بالسعودية الا اعتقلوا
هل تعلم
هل تعلم اني كنت فاتحة الصفحة ومافي الا ثلاث اشخاص معلقين ورحت صليت الظهر وتغديت وصليت العصر والمغرب وجيت حصلت فوقي امة محمد
لا اله الا الله ماشاء الله
هل تعلم ان هاذي التدوينه اشعرتني بالنعاس
ههههههههههههههههههههههههه اما الخطوط ههههههههههههههههه والله جبتها
بس وين الحكمة بموضوعي ؟؟ شكلك مخربط بين الاوراق ولا ابو سعد زرفها وهو منحاش
الله يسعد قلبك
هل تعلم أن الواحد لما يبغى يضحك ويبكي سوى
يجي يقرأ مدونتك
الله يستر عليك وعلى كبسة أمك
هل تعلم أن دمك أخف من النسيم.
شكرا اخي على هذه الاستراحة التدوينية .
هل تعلم بأن أمي أحسن وحدة تسوي كبسة حمرا؟
ههههههههه ربي يسعد قلبك ويخلي لك أمك
لو مسكنا على هل تعلم في هالبلد طلعت بلاوي
بالنسبه لمكتب با عاصم بدت ريحته تفوح وان اغلب الشغالات والسواقين اللي يستقدمهم
يقوموا بالهرب من كفلائهم و يرجعوا الى المكتب ويشغلهم عند ناس ثانيين ويآجرهم بالساعه
اربح للمكتب و اربح لهم.. والدوريات و مكتب الاستقدام محد فيهم فاضي يسآل ليش هالمكتب
بالذات كل اللي يجيبهم يهربوا
أعجبتني الفقرة بشكل كبير جدا ..
.. أو من أساتذتهم بسبب فارق السن بيننا 
.
تمنيت لو كنت من طلاب مدرستنا
“هو تشبه بالكفار وفعل فاحش ..”
<< هناك حلقة في خواطر 4 عن هذا الموضوع
و تقليد أعمى بعد
ههههههههه
بالمناسبة العلاقة بين الفقر (أو الجوع) و خفة الدم (النكتة) علاقة وطيدة.. فكلما زاد الفقر في مجتمع زادت روح الدعابة عند أفراده..
يعني لا تكون كاتب هاذ التدوينة وانت جوعان
هههههههههههههههههههه
الله يقطع ابليسك
هل تعلم بعد أن الطلاب عندنا يدرسون 12 عربي و6 سنوات النجليزي ويتخرجون لايعرفون عربي ولا انجليزي
وهل تعلم ان عدد المدرسين والمدرسات في السعودية قريب من النص مليون
يعني موضفين الحكومة بس اربعمية الف موظف وموظفة يعني موظفين ماكدونلد اكثر منهم
هل تعلم بان مدرستنا آيلة للسقوط ومن تأسست السعودية وهي مبنية وكانت معهد للمعلمات وإلى الان هي موجودة وشوية إلا وطيح ع روووسنا
كأننا سردين ومش مهم نفسية المعلم ولا الطالب ..
هل تعلم بان قرار الإزالة أخيراً تم بعد مرارة المرارات ما نفقعت
هل تعلم بأنه سيتمك نقلنا إلى مدرسة أسوأ من مدرستنا وكذلك آيله للسقوط بشهادة المهندسين إلى ان يتم بناء مدرستنا الجديدة
هل تعلم بأن وزارة التربية والتعليم بتحشرنا في فصول الله عالم فيها حتى ساحة ما عندنا والمعلمات في غرفة وحده
هل تعلم بأننا ننتساءل أين اموال الدولة بشأن التعليم حيث ان أكبر ميزانية للتعليم والمدارس لسه فاشله
هل تعلم بان المباني الجديدة للمدارس الحكومية بدأت تطلع عيوبها
هل تعلم بأني تعبت من كتابة ما مضى وسبب لي القولون العصبي لاني وسط هالمأساة
خخخخخخخخخخخخخخخخخخخخخخخخخخخخخخخ
وربي إنك منسم
كل واحدة العن من اختها
يا شيخ انسدحت ضحك على ” شكراً لاختياركم ”
وعلى طاري الدوريات ..تحصلهم جنب السوق !
المهم
أنت : هل تعلم أننا الدولة الوحيدة في العالم التي لا تضع لوحات على مباني المباحث .؟
يقولون بكرة بيحطون عليها علم سلفر ( جمجمة وعظمتين )
الله يستر عليك من الجمعية الوطنية للجماجم
وعظمة على عظمة يا بلدي
مضيعه بيتهم : ثوبه وشماغي ماركة ” دروش ” الأناقه ..
اعتقلو يعني لبسوه عقال؟
الله يكفينا الشر ويفك كل معتقل مظلوم ..
——————-
Digital : نوم العوافي ياعم
——————-
sergio : حسستني اني شطة تباسكو … طعمه حلو بس حرّااااق
——————-
مدونة الحياة : شهادة نعتز فيها
وحياك الله في الاستراحه بس اهم شئ خذ دلالك معك اذا خلصت
——————-
نوفه : يوم كنت اكتب الموضوع اخواني كانو حولي قاعدين … وكل واحد يقول اكتب ذي اكتب ذي … عندنا هل تعلم ماتخلص جد
——————-
محمد بن سالم : خل مكتب الاستقدام … قول وين البلديه اللي عطوه الترخيص ووين اللي أجر له المحل ووين وزارة الاعلام عن اللي طبعو له فواتيره واوراقه الرسميه …. الشق كبير يابو سالم
——————-
خالد الجابري : انا في وادي والتدريس في وادي …
——————-
أسامة : ههههههههههههههه لالا تونا في نص الشهر خخخ
——————-
ahmedsn : ويلعنه بعد
——————-
ابومطلق : الا تعلم بأن اهم شئ لدينا التعليم .. فهو منارة الأمم … ولكن المشكله ابي اعرف البلد وش لون ماشيه باربعمية الف موظف … الا كم عدد جيشنا !!!
——————-
ندى الفجر : يبون يشوفون تبون تدرسون من قلب ولا بس ماخذين الشغله دلع … واتوقع بعد صبركم بيعوضونكم بأرض وقرض ..
بس حلوه سالفة السردين هههههههههههه
والقولون هذا جد جاني … والظاهر انه من هالاوضاع
——————-
علووووش : هلا بابو العلايش …
في الخبر مبنى المباحث الى الان عليه لوحة مدرسة .. لأن المبنى هذا مبنى مدرسه سابقاً
والله يكفينا كل شر
ههههههههههههه
الله يوسع صدرك بالعافية
لكن سؤالي هل حليتوا مشكلة اخوك محمد هو والعامل؟؟
ما اروعك يا ابراهيم
فعلا .. واقع غبي
وكل من في هذا الواقع غبي
!!
القويعيه : اخوي محمد الى الآن ينتظر انتهاء المعامله … وبعدين الدنيا فوضه تخلص قصيته في شهر؟؟ لازم ننتظر سنه سنتين .. الديره كل شئ فيها يمشي بالدور
——————-
عبدالرحمن حركاتي : اقول احترم نفسك لو سمحت
ولا تدري … جد كل من في هذا الواقع غبي
هل تعلم أنه رغم اننا بلد ” رمليه ” من شرقها الى غربها ومن جنوبها الى شمالها … إلا أننا نشتري الرمل؟ لا وبالموت تلقى لك ترخيص …
أما هذي في الصميييييم
هل تعلم أن الشوارع لدينا دخلت موسوعة جينيس من كثرة الحفر!!!!!!!!!!!!!
هل تعلم أن الفساد بجميع أنواعه أنتشر في بلادي عيني عينك ولم يتحرك أحد!!!!!!!!!!!!
هل تعلم أنه لدينا أرصاد جوية وهي تقوم بدورها على أكمل وجه والدليل عج الثلاثاء الشهير !!!!!
هل تعلم أن هيئة الامر بالمعروف والنهي عن المنكر هوالجهاز الحكومي الوحيد الذي تحصل فيه الاخطاء والباقي غض الطرف عنه من صحافتنا الموقرة لشئ في نفس يعقوب!!!!!!!
هل تعلم انه مابقئ شئ !!!!!!!!
ااههههههههههههههههه
اما العسل السحري هذا حكااااايه
اول اذاعه تعجبني فيها فقره هل تعلم
مقال جميل .. بيني وبينك انا ما قاهرني إلا أنهم يقولون أنها ثاني أجمل مدينة عربية .!! أبي أعرف وش فيه زين غير شارع الكورنيش و الظهران ؟!! ونسيت فلل الحزام
.
اما البنوك فشغله مضبوط لكن تحتاج لكثير من التوغل وقطع الإشارات <– من حقين الثقبة
اما مقطع الرقم الموحد فلا أريد أن أتكلم وكأني أعرف ما في الصدور .. ولكن ودنا تعطينا توضيح حول الكلام ..
أسلوب التدوينة وناسة…بس المحتويات تفقع المرارة
ماعدا كبسة أمك طبعاً الله يحفظها….وكبسة أمي برضه متعوب عليها
بالنسبة لأسعار الدقيق…ياليت لو تفرغ لها إذاعة صباحية كاملة تصمخ الأذاني …
توهقنا بالتأقلم
الله يخلف على ابوك بالجنة ياخي احمد الله انك عايش في السعودية انت ماتستحي
على وجهك
كلام في الصميم
تسلم برهوم
يسلموووو
لا تسب الباعاصم كلهم لو تحدد يكون احسن
أصابعك مو زي بعض
لا تسب الباعاصم لانهم عماانك تفهم ولا لا
هل تعلم ان الجندي الكويتي راتبه 12000ريال بالسعودي
هل تعلم ان السعودية صاحبة اعلى دخل يومي بالعالم
هل تعلم ان هناك عوائل ماتو بسبب الجوع
هل تعلم ان كل شي يمكن القضاء عليه بالسعودية ماعدا الواسطة والمخدرات
هل تعلم اني مظلووم بالدوووام
هل تعلم اني شوي وابكي
هل تعلم ان الفيل لديه اربع ركب<<<<<مالها دخل
هل تعلم ان هل تعلم ماتخلص