ليه ما أدون؟

كُتب في يوم: March 24, 2009 التصنيف: التدوين

إضافة تعليق

الناس تسئلني ليه تدون ؟ .. وليه فتحت لك مدونه ؟

وأنا أقولهم .. مفروض تسئلوني ليه ما تدون ..

وش ناقصني ؟

شاب سعودي أطخم ..

وعندي سواليف ضايق فيها صدري من كثرها ..

وتصير لي مواقف كثير واحب اشارك الناس فيها اما افيدهم ولا يفيدوني فيها ..

والشغله الأساسيه .. أحب أوصل صوتي وفكرتي لأكبر عدد من الناس ..

والتدوين راح يكون مؤثر اذا اتفق المدونون على قضية وطنيه معينه .. وراح يكون من السهل إيصالها لأصحاب القرار ..

وكلنا شايف تزلف الجرايد لأصحاب القرار على حساب المواطنين .. إلا من رحم الله ..

فالتدوين يعتبر نافذه لإيصال الصوت ..

وبعدين التدوين تجربه حلوه .. يمر فيها الشارع العربي ..

فيها نسبه كبيره من الحريه يحكمها صاحب المدونه ..

وتعلم الشعب وشلون يصير كل واحد منهم رقيب على نفسه .. يتحكم في المقبول والمرفوض في مدونته.. قبل لا يرقبونه الرجاجيل

فأنا ما أشوف انه فيه أي داعي ان الواحد يسئل نفسه ليه أدون .. أو ليه أبداء التدوين ؟؟

هو تجربه حلوه .. ان كانك حبيت تجربها وتشوف وشلون ان طرح الأفكار اللي ممكن تكون بسيطه في نظرك .. ولكن ممكن تكون كبيره في عين اللي يتابعونك ..

فأنصحك بالتجربه ..

وان كانك حاب مجرد انك تتابع .. فعلى الرحب والسعه .. وان كانك تشوف ان الموضوع اصلاً ماله سنع .. بقولك قم بس قم

وفوق كل هالأسباب اللي تخليني أدون ..

قولو لي تميم وش أزين مني فيه يوم انه يدون وانا ما أدون؟

افتحو مدوناتكم ولا تخلون تميم يغلبكم

مصدر الصوره: http://www.spideronlinesolutions.com

كتبو عن الموضوع :

اللسته ملطوشه من أبو سعد

30 تعليق على ' ليه ما أدون؟ '

يعطيك العافيه واحلى قرار والله

انا باالبدايه قلت بسوي مدونه لان كان في قلبي مششششششاعر مكبوته وقلت مو مفجرها الا المدونه

بعدين يوم فجرتهاخلالالاص غيره ماعاد يهم اكتبهااا اصلالالالا لاجيت مره ثانيه عندهااااا يضيق صدري ولا ينطلق لساني

بواسطة: غيوم الصحاري في تاريخ March 24, 2009 الساعة 2:38pm
خلك مع قلمك
ولا تهتم لـ من حولك

بواسطة: عابرة سبيل في تاريخ March 24, 2009 الساعة 4:36pm
ذا أنت ما ودنت مين يدون ..!

بواسطة: ندى الفجر في تاريخ March 24, 2009 الساعة 7:01pm
احلى ما في المدونة … انه فيها حرية اكبر ورقابه اقللللللللل …

بواسطة: ahmedsn في تاريخ March 24, 2009 الساعة 7:17pm
هو في أيه العيد القومي للتدوين وانا مش عارف

أنا كمان بتسائل ليه ما ندون واحنا كلنا كبت وعايزين نفك شوية

بالتوفيق أخي إبراهيم

بواسطة: ابو مروان في تاريخ March 24, 2009 الساعة 9:38pm
ههههه ياخوي لاتخلي الناس يجاكرونا في التدوين
بصراحة اللي يقرا بوستك هذا ولا يدون فما ادري وش اسميه؟ انسان ماعنده سالفة؟

بواسطة: تميم في تاريخ March 24, 2009 الساعة 11:26pm
بواسطة: باسم في تاريخ March 25, 2009 الساعة 8:20am
نو دون آلنت بدون سوآليف ومدوونتك ولآآ شيء

أتابع كل شي كآتبه ,,

لو أفتح أيميلي ومآ آلقا موضوع لك أطفشش

بواسطة: NO في تاريخ March 25, 2009 الساعة 12:28pm
قل لهم انا ادون ، اذن انا موجود

ان لم ادون اذن انا غير مرئي ،

بواسطة: مفنوده في تاريخ March 27, 2009 الساعة 12:20am
●-{ يـارب سألتكـ وانت المانع المعطـي فرّج على المهمـوم ضيقــاتهـ . . ๑]

بواسطة: مفنوده في تاريخ March 27, 2009 الساعة 12:21am
فيه ناس يقولون ليه فلان يدوّن وأنا ما أدوّن

بواسطة: سارّة المغلوث في تاريخ April 02, 2009 الساعة 12:32pm
ابد دون يابو خليل بالعكس اسلوب مميز ومرح
الله يعطيك العافيه عليها

بواسطة: شات خليجي في تاريخ April 28, 2009 الساعة 1:06am
..

بواسطة: شات في تاريخ October 28, 2009 الساعة 6:32am