نغيب عن التدوين كم يوم .. تتغيرون وتطلعون لنا بأخبار جديده !!
جد مالكم أمان 
+-+-+-+-+-+-+-+-+-+-+-+
التدوينه هذي بكتبها للمباركه لاثنين من المدونين
———————
أولاً نبداء بصاحبة الرساله , بالفتاه المسلمه العربيه الخليجيه
الفتاه اللي مثلت دولتها ودينها خير تمثيل ..
شرفت دولتها باجتهادها وبمثابرتها على الوصول الى أعلى المناصب عن جدارة .. ولم تألو جهدا في الوصول الى ما وصلت اليه ..
وشرفت دينها .. بأن كانت ثابته على عقيدتها وعلى معتقداتها وكانت سفيرها لدينها في بلاد الغرب و ما قالت لكل ديره دين ..
ويكفيني ما قرأته في ” رسائل محبة من دورة المياة ” فكانت هي المطوعه في هالرحله
و كانت في التدوين مميزه بكتاباتها عن ما يمس أبناء جلدتها وعن ملاحظاتها السياسيه منها والاجتماعيه ..
واللي تدل على ثقافه عاليه ..
تميزت في ردودها وفي تعليقاتها ..
لم نسمعها يوم تتكلم عن منصبها بل كانت تلمح له من بعيد … وهذا ان دل فيدل عن تواضعها وأن المسميات لا تعني لها شيئاً ..
بينما غيرها يتشدق بما وصل اليه بالذهاب والاياب وبحاجه وبدون حاجه ..
+-+-+-+-+
أبارك للمدونه عاشه بن بشر – صاحبة مدونة حروف
على حصولها على درجة الدكتوراه في إدارة علوم التكنلوجيا والإبداع من جامعة ما نشستر ..
مبروك للاخت عاشه وعقبال ….
ولا اقولك دكتوراه كفايه
===========================
والشخص الثاني ..
هو المكافح الفالح كما احب ان اسميه ..
شاب سعودي يعيش في استراليا الآن لإكمال دراسته الجامعيه ..
أعرفه قبل التدوين بكذا سنه .. وانقطعت عني اخباره وتافجئت لما زرت احد المدونات وشفت لقب في أحد الردود .. وقلت بخاطري هاللقب ماهو غريب ..
ولما دخلت مدونته لقيته هو صاحبي القديم ..
أحد المقاتلين القدامى ..
كان يدرس في جامعة البترول وما توفق وترك الدراسه لفتره ورجع مره ثانيه يكمل لكن بجامعه ثانيه وبديره ثانيه .. والله فتح عليه من بعدها ..
وهذا يدل ان المشكله ما كانت فيه .. المشكله كانت بجو الشرقيه .. لأنه من يوم ترك الديره أفلح و الله فتح عليه
وهذا ان دل فيدل على انه شاب طموح و صاحب هدف .. ورغم انه ظروفه كانت صعبه بحيث انه اكمل خمس سنوات في الجامعه وبعدها طلع منها , إلا انه لم يتحطم .. بل عقد العزم على ان يبداء من جديد .. وخاض التجربه مره أخرى لكن بخيارات أفضل
وان شاء الله انه يكون قدوة للكثير من أصحاب ” خلاص راحت علينا ” ..
وأبو هارون ما حب ان هالتجربه تمر على الفاضي ..
بل حب انه يوثقها ويجعل غيره يستفيد منها ..
فقام بتأليف كتاب عن الجامعه وحياتها وعن التخصصات وطرق اختيارها وغيره من الأمور اللي تهم الطالب ..
أبارك لأخوي جاسم الهارون المعروف باسمه الحركي أبو هارون ..
على إصدار كتابه الأول ” الجامعة ترحب بك! دليل الطالب الجامعي المستجد”
وبإذن الله سوف أقتني هذا الكتاب دعماً لك وعلشان اخوي فهد يستفيد من تجربتك ..
فتجربتك ماهي كلام فلسفه .. بل كلام صادر من شخص مر بتجربه .. واسئل مجرب ولا تسئل خبير
بالتوفيق يابو هارون ..
===================
و مره ثانيه لما نغيب يومين ماله داعي هالحركات من ورانا
وتراني مسيطر على الوضع وعارف وش يصير في عالم التدوين ..
حتى انت يابو سعد .. تراني ادري عن السكوتر اللي شاريه .. لا تحسبني غافل عنك
لفتة حلوة منك يا أبو خليل
والدكتورة عايشه من المدونات الراقية واللي يستاهلون كل خير
وألف ألف مبروك لها والله يوفقها دايماً وأبداً
واخونا أبو هارون مدون شرقاوي ولا أحلى ونموذج متميز للتميز
وألف ألف مبروك على انجاز كتابه وعقبال مانبارك له بإنجازات قادمة
واخونا أبو سعد
يستاهل السكوتر وإن شاء الله يحافظ عليه ولا يخربه زي ماخرب السكيتي من قبل
أجل لازم تغير اسم مدونتك لمدونة”الأعين الساهرة”
خخخخخخخخخخخخخ صاحي و منتبه لأمن البلد مو مثل الجماعة اللي ذكرتهم في التدوينة السابقة
ولا هو كان البرنامج اسمه “العين الساهرة” ؟؟ مع السن ما أذكر ايش بالضبط بس انهم كانوا سهرانين
ومبروك للأخت عائشة و ألأخ أبو هاورن
ألف مبروكـ للدكتورة عاشة إن شاء الله من نجاح لنجاح آخر ربي يوفقج يارب !
وألف مبروكـ لأخونا “الإستر سعودي ” تحاول تجمع بين استراليا والسعودية ، عقبالـ ما أصير أنا بعد مؤلفة ولا مترجمة في المستقبل : )
شاكرين لكـ أخوي القحطاني على إخبارنـا بأحوالـ أخوانا المدونين
وعقبـال جميع الشباب العربي المسلم ما يكون خير مثال لبلده ودينه
مبارك للمدونة عائشة وللمدون أبو هارون على الإنجازات ..
وهذا إن دل يدل على أنك يا أستاذ إبراهيم مدون والنعم بك
راعي واجب..
دمت بكل خير ^.^
ماشاء الله تبارك الله
مبروك للجميع , الله يزيدهم رفعه ونجاح
مبروك للجميع
وعقبالك ابوخليل وأنا شخصياً احيي فيك كفاحك لإكمال الجامعة رغم صعوبة وضعك العملي .
وننظر كتابك الأول ( نصائح إبراهيم لتوضيح المفاهيم )
بالتوفيق يا( مهندس / إبراهيم )أنشاء الله
السلام عليكم،
إن شاء الله أكون ويكون البحث اللي كتبته عند حسن ظنك وظن الأخوان والأخوات. وعسى يكون فيه مادة علمية مفيدة تستحق الإضافة للمكتبة العربية.
الله يجزاك خير عمي ابراهيم على هالكلام وييسر أمورك وأمور أخوك فهد.
أخوك: جاسم الهارون
أهم شي بوسعد لا يدري عن كلمة مكافح لا يجيب فينا العيد
ألف مبروك لهم و بالتوفيق لك أخوي ابراهيم في تعليمك
و ان شاء الله نبارك لك و انت مؤلف كتابك برهوميات
ماشي صح : لفتاتي ماخذها من لفتاتك طال عمرك
وامس كنت زاير السكيتي في مستشفى المانع مسوي عملية دسك في الظهر
———————-
Entropy : الأعين الساهره هذا برنامج على الاذاعه يجي تالي الليل .. ومخصص لأهل الحب المعذبين .. كل واحد يتصل ويتأوه على الاذاعه .. وبقدرة قادر صار الشعب كله حبييييب
واخويانا اللي في التدوينه السابقه … هم حاطين شعارهم عين مفتحه وكاتبين عليها العيون الساهره … قوة وجه
———————-
أفلاطونيـة : الاستر سعودي هذا اسم حركه انفصاليه؟
حياك الله والله يقبل دعاك ..
———————-
مسك الحياة : أنا راعي واجب من يومي بس وين اللي يقدر
الله يرضى عليك يا مسك وحياك الله
———————-
Mashael.M : يبارك في عمرك
———————-
الإعلامي : ههههههههههه الاسم هذا يخوف … حسستني اني بطلع بمذهب جديد
بكره السعوديه تصير سني وشيعي وبرهومي
———————-
أبو هارون : اخوي فهد يقول مافيه نسخه مجانيه لزوم الصحوبيه مع اخوك؟ ( العرق القحطاني يحب البلاش ) هههه
ابو سعد لو درى عن هاللقب صدقني بتصير من المطلوبين امنياً
———————-
نوفه : برهوميات في زمن الصمت … قالي واحد من الشباب انت آخر مدونه ممكن تنزل على شكل كتاب … قلت له ليه؟ قالي ياخي كل موضوع في وادي يعني لو نزلت في كتاب بتجيب الصداع للي بيقراه
أخوي إبراهيم
كلماتك وسام على صدري … أتشرف إني أكون عند حسن ضن ربي وعباده فيني
وبالبركه يابوهارون منها للاعلى … وإن شاءالله يكون كتابك مصدر منفعه للجميع..
إبراهيم… الحين نحن نغط عن التدوين ونطلع بأخبار بس إنت نباك وإنت مواصل في البث تطلعلنا بأخبار حلوه…
وتمنياتي للجميع بمزيد من التقدم والرقي
وأنا أشهد أن معاناة المكافح الفالح موجودة في كل بيت سعودي
مدري ليه بالذات
بس اللي يهونها أنه بعد كم سنة طويلة ولا قصيرة رح ننظر للوراء بفخر
واللي نحت في الصخر لين تقطعت يدينه هو اللي مكانه بيكون قدام وسط غيره .
.
.
ألف مبروك دكتورتنا
وبالتوفيق أخ جاسم الهارون وإلى الأمام دائماً يارب
.
.
استاز ابراهيم
نتمنى لك مثلهما وأكثر
قول آمين
الف مبـــروك
لهم
وعقبال ابراهيم
ماشاء الله تبارك الله ..
الله يبارك لهم وفيهم .. ويوفقهم
هههههههههه كله كوم و اسكوتر ابو سعد كوم
لفتة جميلة
ومبروك لهما
ربي يبارك فيهم ويوفقهم لكل خير وصلاح
مبرووك للدكتوره وللاعلى ان شالله
ومبرووك للأستاذ أبو هارون
إبراهيم أبي نسخه بعد أنا – قله يخليها ثنتين
الف مبرووك
وعقبال البلسوراه < مو قادر يكتبها عدل من الفرحه